پۋتين ۋكراينادا يادرولىق قارۋ قولدانۋى مۇمكىن بە؟
يتاليالىق باق-تىڭ بولجامىنشا، رەسەي جاقىن ۋاقىتتا "پوسەيدون" يادرولىق تورپەداسىن قولدانۋى مۇمكىن. يادرولىق قارۋمەن جابدىقتالعان، قاشىقتان باسقارىلاتىن سۋاستى اپپاراتى الىسقا جەتىپ جارىلىپ، يادرولىق سۋنامي تۋعىزادى. بۇل تورپەدانى "اقىرزامان قارۋى" دەپ تە اتايدى. The Times جۋرناليستەرى "يادرولىق سىناقتى پوليار شەڭبەرىنىڭ ارعى جاعىندا نەمەسە قارا تەڭىز اكۆاتورياسىندا "بەلگورود" سۋاستى كەمەسىنىڭ ەكيپاجى جۇرگىزۋى مۇمكىن" دەپ بولجايدى.
پۋتين ۋكراينا شەكاراسىنا يادرولىق پويىز جىبەرگەنى تۋرالى دەرەكتەر بار. ونى ادەتتەگى ەشەلون سياقتى ەتىپ جىبەرگەن، باعىتىن جەر سەرىگىنەن باقىلاۋ قيىن، ال ۆاگون ىشىندە بالليستيكالىق زىمىران مەن تاكتيكالىق يادرولىق قارۋ بولۋى مۇمكىن. بۇل – جويۋ اۋقىمى بىرنەشە كيلومەترگە عانا جەتەتىن، قۋاتى از يادرولىق قارۋ ءتۇرى دەپ جازدى ازاتتىق راديوسى.
– ودان دا مىقتى ارسەنال بار. بۇرىنعىداي ءالى ساقتاۋلى تۇرعان شىعار. بۇل قارۋ كەزىندە سسسر مەن ونىڭ قارسىلاستارىنىڭ ارتيللەرياسىندا بولعان اتوم سناريادتارى توبىنا جاتادى. باسقاشا ايتقاندا، اتوم ميناسى. كەزىندە سوۆەت وداعىنىڭ ديۆەرسيالىق توپتارىندا بىرنەشە كيلوتونناعا جەتەتىن يادرولىق قۇرىلعىلار بولاتىن. ديۆەرسانتقا بۇل قۇرىلعىنى جاسىرىن تۇردە دۇشپان جەرىنە جەتكىزىپ، تاستاپ كەتىپ، جارىپ جىبەرۋ جۇكتەلەتىن، – دەيدى رەسەي قورعانىس مينيسترلىگى عىلىمي-زەرتتەۋ ينستيتۋتىنىڭ بۇرىنعى وفيسەرى ۆلاديمير بەكيش.
You Might Also Like
-
سوڭعى ونجىلدىقتا قازاقستاندا، رەسەيدە جانە باسقا دا تمد ەلدەرىندە اقپاراتتىق قوعامداعى ساياسي كوممۋنيكاسيانى زەرتتەۋ بەلسەندى تۇردە جۇرگىزىلىپ، وسى سالاداعى عىلىمي مەكتەپتەر قالىپتاستى. ەۋرازيا ەلدە...
-
كەشە يۋنيسەف ەرىكتىلەرىنىڭ العاشقى ونلاين كەزدەسۋى ءوتتى. ءبارى جاقسى باستالدى، مەن كوپتەگەن ادەمى تۇلعالاردى كوردىم، كوپتەگەن سپيكەرلەر ادامدارعا كومەكتەسكىسى كەلدى.
