InfoHub Logo

اعىمداعى جىلى CES 2017 كورمەسىندە ەڭ قىزىقتى تەحنولوگيالاردى ۇسىنعان اۆتوكولىك شىعارۋشىلارى بولدى. اۆتوكولىكتەر قوزعالىس قۇرالى بولىپ قانا قويماي، ناعىز گادجەتكە اينالۋدا. ولار ءتۇرلى ەلەكترونيكامەن جابدىقتالىپ، كەيدە ادەتتەگى كولىكتەردى ۇمىتتىرادى. ال پيلتوسىز اۆتو – مۇلدەم وزگەشە تاقىرىپ. كوپتەگەن كومپانيالار اۆتوكولىكتى اۆتوماتتى تۇردە باسقارۋ تەحنولوگياسىن سىناپ، قولدانۋعا تىرىسۋدا. سونىمەن قاتار كولىككە جاساندى ينتەللەكت ورناتۋ دا كەڭ تانىمالدىق الىپ كەلەدى. مۇنىڭ بارلىعىنا CES 2017- تانىستىرىلدى.

Toyota Concept-i

مىسالى، CES 2017-دە Toyota كومپانياسى Concept-i تۇرىندە كەلەشەك اۆتوكولىكتەرىنە قاتىستى قيالىن كورسەتتى. Concept-iء-دىڭ ەڭ نەگىزگى ءارى ۇتىمدى تۇسى – دەربەستىك ەمەس، اۆتوكولىكتەگى Yui جاساندى ينتەللەكتى. وزىندىك ينتەللەكتىگە يە مۇنداي كولىكتىڭ نەگىزگى ماقساتى – قوزعالىس پروسەسسى مەن ادام مەن كولىك قاتىناسىن جەڭىلدەتۋ. مۇنان جەڭىل نە بار؟ كولىكتىڭ باسقىشىن باسىپ، جولدان كوز الماساڭىز بولعانى. الايدا Toyota كومپانياسىنىڭ بولاشاققا كوزقاراسى وزگەشە. اۆتوكولىككە ورناتىلعان Yui جاساندى ينتەللەكتى جۇرگىزۋشىمەن داۋىس جانە ءتۇستى حابارلامالار ارقىلى بايلانىسىپ قانا قويماي، دەنەڭىزگە جاناسا الادى. قورقىنىشتى بولعانىمەن، Toyota كومپانياسىنىڭ بولاشاققا كوزقاراسى – وسىنداي سيپاتتا. ارينە، Concept-i دەربەس ءجۇرۋ مۇمكىندىگىنە دە يە. دەسە دە اۆتوكولىكتىڭ باستى ماقساتى – جۇرگىزۋشىنى قولداۋ. جاساندى ينتەللەكت ادامنىڭ كوڭىل-كۇيىن سەزە الادى. ەگەر ول جۇرگىزۋشىنىڭ ەنجارلىعىن بايقاسا، بايلانىسقا تۇسەدى نەمەسە جۇرگىزۋشىگە تىنىعۋ كەرەكتىگىن باسقا دا ادىستەرمەن جەتكىزەدى.

Divergent Blade

Divergent 3D توبى الداعى 10-15 جىلدى وزگەشە كورەدى. اتاۋىنان بەلگىلى بولعانداي، كومپانيا 3D باسپا بويىنشا مامانداندىرىلعان. ياعني اۆتوكولىكتەردى باسىپ شىعارۋ. ولاردىڭ تۋىندىسى Divergent Blade سۋپەركار بولىپ تابىلادى جانە نەبارى 2،5 سەكۋندتا 100 كم/ساع جىلدامدىقپەن جۇيتكي الادى. بۇل اۆتوكولىك گاز نەمەسە جانارمايمەن جۇرەدى، ءبىراق ەلەكتروكولىكتەرگە قاراعاندا اناعۇرلىم ەكولوگيالىق تازا كولىك بولىپ تابىلادى. سەبەبى 3D باسپادا باسىپ شىعارىلعان Blade كونۆەيەردە جيناستىرىلعان ەلەكتروكولىكپەن سالىستىرعاندا، ەكولوگياعا زيانى 65%-عا تومەن. سونىمەن قاتار Bladeء-تىڭ شاناعى عانا ەمەس، ءشاسسيى دە پرينتەردە باسىپ شىعارىلعاندىعى تاڭداندىرادى. اۆتوكولىك نەگىزى دە 3D پرينتەردە باسىپ شىعارىلعان. ول 28 كيلوگرامم الليۋمينيي، 19 كيلوگرامم كاربوننان تۇرادى. ءشاسسيدىڭ جيناستىرىلۋىنا 3 ادام ەڭبەگى مەن 30 مينۋت ۋاقىت قاجەت. ايتپاقشى، Divergent Blade سالماعى 630 كيلوگراممدى قۇرايدى. ال قوزعالتقىشىنىڭ كۇشتىلىگى 700 ات كۇشىنە تەڭ. بۇل اقىلعا سىيعىسىز جەتىستىك.

پيلتوسىز اۆتو

CES 2017-دە تانىستىرىلعان كولىكتەردىڭ باسىم بولىگىنىڭ نەگىزگى يدەياسى – كولىكتىڭ دەربەس ءجۇرۋى. قۇددى الەم تۇتاستاي وسى ويعا بەرىلگەندەي. Honda كومپانياسى پيلوتسىز اۆتوعا دەگەن كوزقاراسىن ءدال وسى سيپاتتا تانىتتى. ونىڭ ۇسىنعان NeuV كولىگى – ەكى ادامعا ەسەپتەلگەن جانە كومپانيا پىكىرى بويىنشا Uber-گە ارنالعان ءمىنسىز اۆتوكولىك. ياعني جۇرگىزۋشىسىز تاكسي. Hondا وزدىگىنەن قوزعالاتىن ورىندىقتاردى دا كورسەتە كەتتى. دەسە دە ولاردىڭ نەگە قاجەت ەكەنى مۇلدەم تۇسىنىكسىز. وعان قوسا جاپوندىقتار جۇرگىزۋشىگە ىلەسە الاتىن نەمەسە جولداعى كولىك كەپتەلىسىندە تەپە-تەڭدىكتى جوعالتپاي وزدىگىنەن جىلجي الاتىن اقىلدى موتوسيكلدى تانىستىردى.

ال Hyundai كومپانياسى پيلتوسىز اۆتونىڭ سىرت كورىنىسىمەن تاڭعالدىرۋدى ۇيعارعان. سەبەبى ولار ۇسىنعان Ioniq اۆتوكولىگىنىڭ كادىمگى كولىكتەردەن ەش ايىرماشىلىعى جوق. سەنسورلاردىڭ بارلىعى كولىك شاناعىنىڭ ىشىنە جاسىرىلعان. بۇل ارقىلى كارىستەر بولاشاقتى اناعۇرلىم جىلدام جاقىنداتا الاتىندىعىن دالەلدەگىسى كەلگەندەي.

BMW كومپانياسى بولسا HoloActive Touch ينتەرفەيسىنىڭ جاڭا جۇيەسىن كورسەتتى. ول جاقىن بولاشاقتا كومپانيا كولىكتەرىنە ورناتىلماق.

ەلەكتروكولىكتەر

CES 2017-تەگى كولىكتەردىڭ ەكىنشى قاتارداعى ترەندى – ەلەكترلى كۇش قوندىرعىسى. ءبىر سوزبەن ايتقاندا، ەلەكتروكارلار. Tesla ءوزىنىڭ پايدا بولۋىمەن الەمدى وزگەرتىپ، ەلەكتروكولىكتەردىڭ شىندىققا اينالا الاتىنىنا كوز جەتكىزدى. سوندىقتان ەندىگى ءىرى وندىرۋشىلەر وزىندىك ەلەكتروكولىكتەر قۇراستىرۋعا بەلسەنە كىرىسكەن. مىسالى، Mercedes كورمەگە EQ جول تالعامايتىن كولىگىنىڭ كونسەپتىسىن الىپ كەلگەن. كومپانيانىڭ سوزىنشە، بۇل كولىك سەريالى وندىرىسكە دايىن جانە 2019 جىلى ساتىلىمدا پايدا بولادى. اۆتوكولىكتىڭ كۇش قوندىرعىسى مەن اككۋمۋلياتورلارى ءبىر زاريادپەن 500 كيلومەتردى ەڭسەرۋىنە مۇمكىندىك بەرەدى. ايتپاقشى، «ءبىر زاريادپەن ءجۇرۋ» تىركەسىنە ۇيرەنە بەرگەيسىز، سەبەبى بۇل تىركەس جاقىن كۇندەرى كۇندەلىكتى قولدانىسقا يە بولادى.

ونى CES 2017 كورمەسىنە Leaf. Nissan اتالاتىن ەلەكتروكولىكتەردىڭ جاڭا بۋىنىن الىپ كەلگەن Nissan كومپانياسى دا دالەلدەيدى. ولار جاڭا Leafء-تى كورسەتۋمەن شەكتەلمەي، SAM— Seamless Autonomous Mobility ەرەكشە ينتەللەكتىلى جۇيەسىن تانىتتى. جاپوندىقتار پيلوتسىز اۆتولاردى باسقارۋ ورتالىعىن قۇرۋدى جوسپارلاۋدا. ءوز كەمەلەرىن باقىلاعان NASA ءتارىزدى، Nissan كومپانياسى دا وزىندىك پيلتوسىز اۆتولارىن باقىلاۋعا الماق. Leaf-كە ورناتىلعان SAM جاساندى ينتەللەكتى جول وقيعالارىن وزدىگىنەن شەشە الادى. ءبىراق ءارى قارايعى ارەكەتىن بولجاي الماسا، باسقارۋ ورتالىعىمەن بايلانىسادى. ول ءوز كەزەگىندە ءارى قارايعى ارەكەتتەرىنە نۇسقاۋ بەرەدى. جالپى، Nissan اۆتوپيلوتتاردىڭ بالامالىلىعىنا قاتىستى ماسەلەلەردى شەشۋگە تىرىسۋدا.

ال Ford كومپانياسى وزىندىك جاساندى ينتەللەكت جاساۋمەن باس قاتىرعىسى كەلمەگەن سىڭايلى. ولار Amazon ۇسىنعان Alexa جاساندى ينتەللەكتىنىڭ كومەگىنە جۇگىنگەن. Alexa-نىڭ كومەگىمەن كولىكتە وتىرىپ-اق ۇيىڭىزدەگى Philips Hue اقىلدى شامىن جاعا الاسىز. نەمەسە اۆتوكولىك قوزعالتقىشىن قاشىقتىقتان ىسكە قوسۋىڭىزعا بولادى. دەسە دە ءدال وسى قىزمەت تۇرلەرىن ۇسىنا الاتىن سمارتفوندار باردا، مۇنداي جاساندى ينتەللەكتىنىڭ نە قاجەتى بار ەكەندىگىن Ford كومپانياسى تۇسىندىرمەدى. ءبىراق كوللابراسيا دا قىزىعۋشىلىق تۋدىرادى. سەبەبى بۇگىنگى كۇن Alexa اقش-تا كەڭ تانىمالدىققا يە.

Faraday Future FF91

بارلىعى اۆتوپيلوت جانە اقىلدى كومەكشى قىزمەتى ورناتىلعان ەلەكتروكارلار جاساۋعا دەن قويعان تۇستا، لوس-اندجەلەستىك Faraday Future كومپانياسى ونىمدەرىنىڭ شىندىققا اناعۇرلىم جاقىن ەكەندىگىن كورە الامىز. بىلتىر وتكەن CES كورمەسىندە FFZero1-نىڭ اقىلعا سيىمسىز كونسەپتىسىن الىپ كەلگەن كومپانيا بيىلعى جىلى FF91 سەريالى اۆتوكولىگىن تانىستىردى. ول ءبىر زاريادپەن 608 كم قاشىقتىقتى باعىندىرا الادى. سونىمەن قاتار قۋاتتاندىراتىن ستانسيالاردىڭ كەز-كەلگەن تۇرىنەن قۋاتتانادى. Faraday Future FF91 اۆتوكولىگىنىڭ جيىنتىق كۇشتىلىگى – 1050 ات كۇشىنە تەڭ. بۇل اۆتوكولىك 2،39 سەكۋندتا جۇزدەگەن جىلدامدىقتا جۇيتكيدى. ول TeslaModel S-تەن 0،01 سەكۋندقا جىلدام. ىلگەرى دەڭگەيدەگى اۆتوپيلوت پەن اقىلدى كومەكشىدەن بولەك، كولىك ءىشى جۇرگىزۋشىگە جانە جولاۋشىلارعا ارنالعان ءتۇرلى ديسپلەيلەرمەن، سەنسورلار جۇيەسىمەن، كامەرا جانە Wi-Fi انتەنناسىمەن جابدىقتالعان. FF91 جۇرگىزۋشىسىنىڭ وزىندىك ەسەپ جازباسى بولادى. ول ەلەكتروكاردىڭ جەكە باپتاۋلارىن جۇكتەۋگە مۇمكىندىك بەرەدى. بۇل زاماناۋي كولىكتەردەگى جادى جۇيەسىنىڭ دامىعان ءتۇرى. Faraday Future FF91 جاسالۋى 2018 جىلى باستالادى. ازىرگە ەلەكتروكولىكتىڭ قۇنى بەلگىسىز، ءبىراق 5000 اقش دوللارىن تولەپ، وسى كەزدەن كەزەككە تۇرۋىڭىزعا بولادى.

Faraday Future ءوزىنىڭ سەريالى اۆتوكولىكتەرىن اۆتوكورمەدە ەمەس، CES 2017 كورمەسىندە كورسەتىلىمگە شىعارۋى – ولاردىڭ كولىك رەتىندە ەمەس، الدىمەن گادجەتتىك ماقساتتا قولدانىلاتىنىن اڭعارتاتىنداي.

---