قالتادان تۇسكەن اۋىر جۇك
قارجىنى قاسىقتاپ جيناپ ءجۇرىپ، شومىشتەپ توگەتىن كەيبىر قانداستارىمىزدىڭ بۇگىنگى كۇيى ادام الاڭداتارلىق بولىپ وتىر. ەجەلگى قارىزدى قويىپ، ەندىگىدە بىرەۋدەن سۇراپ العان اقشاسىن «كرەديت» دەيتىندى شىعارىپتى. «پايىزى از، بەرىلەتىن مەرزىمى ۇزاق» دەگەن سىلتاۋلار ايتقاندا، سول كرەديتتى تەگىن العانداي بولادى. دەگەنمەن، كرەديتتىڭ ءوزىن دە اقشاعا ساتىپ الاتىنىمىز ايدان انىق.
«اقشا ءومىردىڭ ماڭىزى ەمەس، ءبىراق بارلىق ماڭىزدىلار سوعان تاۋەلدى» دەگەن ناقىل ءسوز قالاي ءدوپ تاۋىپ ايتىلعان. بۇگىندە قارجىنىڭ كۇشىمەن شەشىلمەيتىن ماسەلە كەمدە-كەم. جوق، اقشاسى باردىڭ ءبارى باقىتتى دەپ، اقشاسى ازدىڭ القىمىنان الايىن دەگەن وي ەمەس. كەرىسىنشە، توي-تومالاققا تالاي سوممانى قۇيعانشا، ىسىراپتان اۋلاق بولىپ، ءتيىمدى جولدارمەن نەگە ءوزىمىزدى بايىتپاسقا؟
1991 جىلى الماتىدا «ال-باراكا قازاقستان» كوممەرسيالىق بانكى اشىلىپ، كەيىننەن «بانك كاسپييسكيي» ونىڭ مۇراگەرى بولدى. اتالمىش بانك 2017 جىلى قازىرگى ۋاقىتتا تاپتىرماس تەندەنسياعا اينالعان «Kaspi Gold» دەبەتتىك كارتاسىن بارلىق جەكە تۇلعالارعا ۇسىنعان بولاتىن. وسى جىلدان باستاپ ادامداردىڭ ارقاسىنان دا، ءاميان-قالتاسىنان دا اۋىر جۇك ءتۇستى. بار قاراجاتىن قالاقتاي قاتتى كارتاعا سالۋ قازاقستان ازاماتتارى ءۇشىن ىڭعايلى بولدى.
شىنىمەن دە، بۇل كارتانىڭ كەمشىلىگىنەن گورى ارتىقشىلىعى باسىمداۋ ەكەنىنە بۇگىنگى كۇنى كوزىمىز انىق جەتتى. بىرىنشىدەن، كارتادان اقشانى كەز-كەلگەن بانكوماتتان كەز-كەلگەن ۋاقىتتا 0%-دىق كوميسسيامەن شەشىپ الا الاسىز. تيىنىن ساناپ، تۇيە سويىپ، ەشكى سويعاننان دامەتەتىن ادامدار ءۇشىن بۇل تاپتىرماس مۇمكىندىك! بوس بولعان بەس تيىنىن ساناپ ابىگەرگە تۇسەتىندەرگە Kaspi Gold قۇدايدان كەلگەن كادىمگى سىي دەرسىڭ.
كارتانىڭ سىزدەن ەشتەڭە دامەتپەيتىنى بىلاي تۇرسىن، اياداي الاقانىڭىزعا اقىڭىزدى دا ساناپ، سالىپ بەرەدى. «داۋىل – قۇيىننان، اقشا – تيىننان» دەيدى دانا قازاق بۇل جايلى. جاساعان تولەمىڭىز بەن سالعان قاراجاتىڭىز 1% كەشبەكپەن وزىڭىزگە سىي بولىپ قايتا ورالادى. قايتىپ كەلگەن قىز جامان، ءبىراق قايتىپ كەلگەن اقشا كىم-كىمدى بولسىن قۋانتاتىنى راس.
سونىمەن قاتار، قولما-قول تولەم جاساعاننان قاراعاندا، كارتامەن جاسالعان تولەمدەر سىزگە بەلگىلى ءبىر سوممانى ۇنەمدەۋگە كومەكتەسەدى. ستۋدەنتتەر اقشاسىن قاجەتسىز جۇمساپ قويماۋى ءۇشىن دە پلاستيك كارتانى قولداناتىن كورىنەدى. كوكو شانەل: «مەن ادامداردى اقشانى ۇستاۋلارىنا قاراپ باعالايمىن» دەگەن بولاتىن. ەگەر ءسىز اقشانى وڭدى-سولدى جاراتۋدىڭ شەبەرى بولساڭىز، Kaspi Gold ارنايى ءسىز ءۇشىن جاسالعان دەۋگە دە بولادى.
ايگىلى چەح پەداگوگى يان اموس كومەنسكيي: «قىزمەتتىڭ پايدالى بولۋى ۋاقىتتى ۇتىمدى قولدانۋدان»،-دەپ ۋاقىتتىڭ ماڭىزدىلىعىنا اسا نازار اۋدارتقان بولاتىن. ۋاقىت – ەمشى، ۋاقىت – التىن، ۋاقىت – ساراپشى. اسىرەسە، ادامداردىڭ قولى بوسامايتىن 21 عاسىردا ۋاقىتتىڭ قۇنى التىننان دا قىمبات بولىپ تۇر. مىنە، Kaspi Gold بۇل تالاپقا دا ابدەن ساي كەلەدى. كارتا الۋ ءۇشىن ساعاتتاپ سارىلا كۇتۋدىڭ قاجەتى جوق: كەلدىڭىز، قۇجاتىڭىزدى كورسەتتىڭىز، كامەراعا كۇلىپ قارادىڭىز – كارتاڭىز دايىن. قاراجاتتىڭ قۇلىپىن قولىڭىزعا قىسىپ، قالتاڭىزداعى قارجىنى كارتاعا اۋدارىپ كەتە باراسىز. عاجاپ ەمەس پە؟
جاڭا عاسىردا جاڭا تەحنولوگيالاردى قولدانىپ، ءوز ءومىرىمىزدى بارىنشا جەڭىلدەتۋ – وتە دۇرىس ارەكەت. دەگەنمەن، اقشانىڭ سوڭىنا ءتۇسىپ، ۇنەمدەۋدىڭ شەگىنەن اسىپ كەتپەگەن ءجون. «تەلمىرىپ العان تەڭگەدەن تەر توگىپ تاپقان تەڭگە جۇعىمدى»،-دەپ بەكەر ايتپاسا كەرەك.
You Might Also Like
-
قازىرگىدەي ءبىلىمنىڭ ءقادىرى بارىنشا ارتقان، اقپاراتتى تەحنولوگيالار زامانىندا ەلىمىزدە جوعارى ءبىلىم بەرۋمەن اينالىساتىن مەكەمەلەر از ەمەس – بۇل، ارينە زاڭدى قۇبىلىس. الايدا سول تولىپ جاتقان وق...
-
پوستكەڭەستىك كەڭىستىك جانە يسلام الەمى جوعارى ءبىلىم مەكەمەلەرى اراسىندا كوشباسشىلىق تانىتىپ وتىرعان قازۇۋ 2019 جىلى QS حالىقارالىق رەيتەنگىسىندە ورتا ازيا جوعارى وقۋ ورنى دارىنىڭ ىشىندە تۇڭعىش بولى...
