اپىر-اۋ، ءبىر-اق تۇندە قىس كەلگەن بە؟!
قار عوي مىناۋ، ءبىر تۇندە تۇسكەن جەرگە
ءبىر تۇندە مىنا ايماقتىڭ ءوڭى وزگەرىپ،
ءبىر-اق تۇندە كەرەمەت ىستەلگەن بە؟!
جايىمەن جاپالاقتاپ قار جاۋىپ تۇر.
ۇلگەرمەي دە قالدىڭ-اۋ قامدانىپ ءبىر
ىققا كەپ قوناقتاعان كوگەرشىندەر،
بۇتالارعا قارايدى تاڭدانىپ قۇر.
قار جاۋىپ تۇر،
جاۋىپ تۇر، قار جاۋىپ تۇر.
زاڭدى عوي،
زاڭدى ءبارى، تالاس بار ما،
اققا ورانعان كوشەلەر، اعاشتار دا.
بار تابيعات ءوزارا جاراسقان با؟
اق مامىقتار ۇشىپ ءجۇر اق اسپاندا.
قالا جاتىر ورانىپ اق تۇمانعا،
(ءسىرا، دالا كىرشىكسىز، اق بۇدان دا.)
جىعىلعان سوڭ جالاۋى، جاز تىعىلدى،
قىس كىرە الماس ءومىرى شاحتىلارعا.
قىت قىتىمىر.
جايلى ەمەس دالاعا ونشا.
(مالشىلارعا قيىن-اۋ، دارا قونسا...)
بىلەدى ءوزى تابيعات، قايتەر ەدىك،
قىس اق بولماي، ەگەردە قارا بولسا؟!

---