قاراعاندى وبلىسىندا اۋىلدىق مەكتەپتە بالالار سانيتارلىق تالاپقا ساي ەمەس جاعدايدا ءبىلىم الىپ كەلگەن
قاراعاندى وبلىسى شەت اۋدانىندا سانيتارلىق قاعيدالاردى بۇزۋشىلىقتى جويعانعا دەيىن اۋىلدىق مەكتەپتەردىڭ ءبىرى ۋاقىتشا جابىلدى. بۇل تۋرالى قاراعاندى وبلىسى مامانداندىرىلعان اۋدانارالىق سوتتىڭ باسپا ءسوز قىزمەتى حابارلادى.
«سوت «قارامىس باستاۋىش مەكتەبىنە» «شەت اۋداندىق تۇتىنۋشىلاردىڭ قۇقىقتارىن قورعاۋ باسقارماسى» ءومم تالاپارىزى بويىنشا ازاماتتىق ءىستى قارادى. ارىز بەرۋشى سانيتارلىق نورمالاردى ورەسكەل بۇزعانى ءۇشىن مەكتەپتى پايدالانۋدى توقتاتۋىن سۇرادى. ارىز قاناعاتتاندىرىلدى. بۇزۋشىلىقتى تولىق جويعانعا دەيىن وقۋ ورنىن پايدالانۋ توقتاتىلا تۇرادى»، - دەلىنگەن حابارلامادا.
سوت وتىرىسىندا مەكتەپ وكىلدەرى تالاپپەن تولىقتاي كەلىسكەنى اتاپ وتىلەدى.
ءىس ماتەريالدارىنا سۇيەنسەك، تەكسەرۋ اۋىل مەكتەبىندە سانيتارلىق قاعيدالاردىڭ ورەسكەل بۇزىلعانىن انىقتادى. باستاۋىش سىنىپ وقۋشىلارى ءبىلىم الاتىن كابينەتتەر جوندەۋدى تالاپ ەتەدى. سىنىپتاردا توبە تومەن ءيىلىپ تۇر، سىلاقتارى تۇسكەن. سۋ اققان ىزدەر بايقالادى. تەكسەرۋشىلەر وقۋشىلاردىڭ ءومىرى مەن قاۋىپسىزدىگىنە ءقاۋىپ بارىن ايتتى.
سوت شەشىمى زاڭدى كۇشىنە ەنگەن جوق، اپپەلياسيالىق ساتىدا شاعىمدانۋعا بولادى.
You Might Also Like
-
جاز — باقشانى رەتكە كەلتىرىپ، جايقالتۋدى قولعا الاتىن كەزەڭ. Bilim-all.kz ءار باعبانعا پايدالى بولاتىن بىرنەشە ايلا-تاسىلدەرمەن بولىسەدى.
-
اقش-قا ءبىرجولا كوشۋگە بەل بۋعان قازاقستاندىق ستۋدەنت تەمىر حان قازاقستاندا ءومىر ءسۇرۋ ۋاقىتتى بەكەرگە وتكىزۋ دەگەنگە سەنىمدى. بۇل تۋرالى ول الەۋمەتتىك جەلىلەردەگى جەكە پاراقشاسىندا بولىسكەن.
