InfoHub Logo

ماۋكەن تولعاناي امانگەلدى قىزى
قازاق ۇلتتىق قىزدار پەداگوگيكالىق ۋنيۆەرسيتەتى
فيلولوگيا فاكۋلتەتىنىڭ 1-كۋرس ستۋدەنتى

قازاقتىڭ قىلىقتى قىزدارىنىڭ تاعدىرى قازىرگى تاڭدا الاي-دۇلەي، تىم قاراڭعى. وتباسىلىق زورلىق-زومبىلىق، ەلدىڭ جۇرەككە ينەدەي قادالاتان وتكىر سوزدەرى، قوعامنىڭ قىسپاعى، ەڭ اياعى، ەڭ وكىنىشتىسى ءولىم. قازاعىمدا قىزدى قىرىق ۇيدەن تىيۋ دەگەن ءسوز بار، الايدا سول تىيۋ، سول ۇيات قاراكوزدەرىمىزدىڭ تۇبىنە جەتىپ بارا جاتقان جوقپا؟ كىم ءبىلسىن...

ارۋلاردىڭ ار-نامىسىن تاپتاۋ قازىرگى تاڭدا قالىپتى جاعدايعا اينالىپ كەتكەندەي. تۇرمىستا زورلىق-زومبىلىق كوردىڭبە؟ ۇندەمە! ۇيات بولادى! بىرەۋ ارىڭدى تاپتادى ما؟ ۇندەمە، ايتپا! ۇيات بولادى! قورلىق كورىپ ءجۇرسىڭ بە؟ ەشتەڭە ەتپەس، ۇيرەنىپ كەتەسىڭ! بۇل نە دەگەن بىتپەيتىن شەكتەۋلەر. نەلىكتەن قىزدارىمىز الىمشەكتىك پەن زورلىق-زومبىلىققا شىداپ ءجۇرۋى كەرەك؟تاعدىرى “اقبىلەكتەن” بەتەر بولسادا ۇندەمەي، ىشتەن تىنىپ جۇرگەن قىزدارىمىز قانشاما. ءتىپتى ءومىرىنىڭ سوڭى “باقىتسىز جامالداي” اياقتالعان ارۋلارىمىزدى ەسكە تۇسىرسەم، جۇرەگىم قان جىلايدى.

ءاربىر جان بولاشاقتا ياكي قازىردە قىز ءوسىرىپ وتىرعانى ھاق. سول قاراگوز قازاعىمىزدىڭ قىزدارىنىڭ بولاشاعى ءۇشىن قازىردەن باستاپ ۇلدارىڭىزدى تاربيەلەگەن ءجون. وتباسىدان قىزعا دەگەن سىيلاستىقتى، ءىلتيپاتتى كورىپ وسكەن بالا ەشقاشاندا بىرەۋدىڭ الپەشتەپ وتىرعان قىزىنا قيانات جاسامايدى دەگەن ويدامىن. ال شاڭىراقتىڭ شاتتىعى-قىز بالاسىنا ۇيىندە جۇرگەندە بار ءىلتيپاتتى، ىزگىلىكتى كورسەتۋ كەرەك. قىزدى بابالارىمىز بەكەردەن بەكەر تورگە وتىرعىزباعان، قىز سول ۇيدە قوناق. قىزدى تىيۋ كەرەك دەپ بارلىق زاتتان شەكتەپ تاستاۋ ورەسكەل قاتەلىك. قىزعا بار ماحابباتىڭدى توگىپ، ەشتەڭەدەن تارىلىتپاي وسىرگەن ابزال. سەبەبى قىز بالاسى ءوز ۇياسىنان كورگەن ماحابباتىن بارعان جەرىنە قۇت، بەرەكە قىلىپ اكەلەتىنى ءسوزسىز. كەيىننەن سول وتباسىنىڭ “ۇلپانداي” كوسەم، باتىل، ەل اناسىنا اينالادى.

قىز تاعدىرى - ۇلت تاعدىرى دەمەكشى ارۋلارىمىزدى بارىنشا الاقانعا سالىپ ايالايىق، جاقسى كورەيىك. قىزدارىمىزدىڭ نامىسى ءۇشىن شىبىن جانىمىز قيىلسا دا ەشتەڭە ەتپەس. قازاقتىڭ قىزى دەگەن عاجاپ اتقا ەشكىمنىڭ دە داق تۇسىرۋگە حاقىسى جوق. اينالامىزداعى اپكەلەر، انالار، قارىنداستار بارلىعى دا نازىك جاندىلار. سول نازىك جاندىلاردىلاردان نەبىر الپاۋىت، باتىرلار تۋادى. مەنىڭ ويىمشا وسى جارىق دۇنيە سىيلاعان اناسىن قۇرمەتتەگەن ەر ازامات، ايەلىن الاقانىندا ايالاپ ۇستارى انىق. قاراگوزدەرىمىزدىڭ ابىرويىن كىرلەتپەي، كەرىسىنشە سول قۇندىلىقتى ساقتاۋعا بەرىك بولايىق! ەگەردە قىزدىڭ كوڭىلىن تاۋىپ، سىيلاي بىلسەڭ، ول ساعان قونايەۆ اتامىزدىڭ ءبيبى زۋحراسىنداي ءسۇيىپ، ادال بولىپ وتەتىنى ءسوزسىز.

---