InfoHub Logo

قازاق ءتىلى مەن ادەبيەتى پانىنەن وتكىزىلەتىن «ەرۋديت» ويىنىنىڭ سەنارييى.
ويىننىڭ ماقساتى:
▪ وقۋشىلاردىڭ قازاق ءتىلى مەن ادەبيەتىنەن بىلىمدەرىن تەكسەرۋ، سىناۋ؛
▪ تىلدەرىن دامىتۋ؛
▪ وقۋشىلاردى قازاق ءتىلىن ۇيرەنۋگە باۋلۋ، قىزىقتىرۋ.
ويىن شارتتارى:
1. ءار سىنىپتان 5 وقۋشىدان تۇراتىن 1 توپ.
2. توپتىڭ اتى، ەمبلەماسى، ۇرانى بولۋ قاجەت.
ويىننىڭ كەزەڭدەرى:
1. «تانىستىرۋ» كەزەڭى.
2. «كەلسەڭ، كەل!» توپباسشىلار سايىسى.
3. «اسىق ءيىرىم» توپ مۇشەلەرى سايىسى.
4. سەرگىتۋ ءساتى.
5. جانكۇيەرلەرمەن سايىس.
6. «تاپقىر دوستار» سايىسى.
7. «قورىتىندى» كەزەڭ.
كورنەكى قۇرالدار: ناقىل سوزدەر، ءتىل تۋرالى ماقال - ماتەلدەر، ۇلەستىرمە ماتەريالدار، جەتوندار، تاقتا.

ءى. ۇيىمداستىرۋ كەزەڭى.
- ءار سىنىپتى ءوز توپتارىمەن سايكەس ورنالاستىرىپ، قولايلى جاعداي تۋعىزۋ.
ويىن بارىسى:
جۇرگىزۋشى: ارمىسىزدار قۇرمەتتى قوناقتار، قاتىسۋشىلار! بۇگىنگى «ەرۋديت» ينتەللەكتۋالدىق ويىنىنا قوش كەلدىڭىزدەر!
انا ءتىلىڭ ءبىلىپ قوي،
بوستاندىعىڭ، تەڭدىگىڭ.
انا ءتىلىڭ ءبىلىپ قوي،
ماقتانىشىڭ، ەلدىگىڭ.
انا ءتىلى – قازاق حالقىنىڭ مەملەكەتتىك ءتىلى، ياعني دامىعان، باي، يكەمدى ءتىلدىڭ ءبىرى – قازاق ءتىلى. ءتىل قاي ۇلتتا، قاي ەلدە بولسا دا قاستەرلى دە قۇدىرەتتى.
انا ءتىلىن بىلمەگەن -
اقىلى جوق جەلىكباس.
انا ءتىلىن سۇيمەگەن -
حالقىن ءسۇيىپ جارىتپاس، - دەپ، ءبايدىلدا سارنوعايەۆ سىزدەردى انا ءتىلىن بىلۋگە، ۇيرەنۋگە، دامىتۋعا شاقىرادى. ول ءۇشىن ءبىز كوپ وقىپ، قازاق ءتىلىنىڭ قىزىقتى دا قۇنارلى گرامماتيكاسىن ءبىلۋ كەرەكپىز.
وسىمەن «ەرۋديت» ينتەللەكتۋالدىق ويىنىن اشىق دەپ جاريالايمىن.
ج: بىرىنشىدەن، ويىندى باستاماس بۇرىن، سىزدەردى ءادىل قازىلارمەن تانىستىرىپ كەتەيىن:
- ديرەكتوردىڭ وج ورىنباسارى – قاسىموۆا ۇلبيكە بايدراحمان قىزى.
- قازاق ءتىلى ءپانىنىڭ ءمۇعالىمى – كاسكاداموۆا قارلىعاش شاراپي قىزى.

ءىى. ويىن شارتتارى.
جۇرگىزۋشى: قۇرمەتتى قوناقتار، ويىنشىلار، ويىن شارتتارىمەن تانىس بولايىق:
1. ويىن 7 كەزەڭنەن تۇرادى؛
o 1كەزەڭ «تانىستىرۋ». توپ باسشىسى ءوز توبىنىڭ مۇشەلەرىمەن، توپتىڭ اتىمەن، ەمبلەماسى جانە ۇرانىمەن تانىستىرادى. بۇل كەزەڭدەگى ەڭ جوعارعى بالل 10 بالل.
o 2 كەزەڭ «كەلسەڭ، كەل!» توپباسشىلار سايىسى. سۇراقتارعا جاۋاپ بەرۋ قاجەت. ءار دۇرىس جاۋاپقا 5 بالل بەرىلەدى. سۇراق سانى: 10.
o 3 كەزەڭ «اسىق ءيىرىم». كەز كەلگەن توپ مۇشەسى كەلىپ اسىق يىرەدى، اسىق قاي بالدىق سيفرعا تۇسسە سوعان سايكەس سۇراققا جاۋاپ بەرەدى.
الشى – 5 بالل، تايكە – 4 بالل، بۇك – 3 بالل، شىك – 2 بالل.
o 4 كەزەڭ «سەرگىتۋ ءساتى». بارلىق توپتارعا بىردەي تاپسىرما. ديولوگ قۇراستىرۋ.
o 5 كەزەڭ «جانكۇيەرلەر» سايىسى. جانكۇيەرلەرگە سۇراقتار قويىلادى. دۇرىس جاۋاپ بەرسە ءوز ۇپايىن قالاعان توبىنا بەرەدى. جانكۇيەردىڭ دۇرىس جاۋابىنا 5 بالل بەرىلەدى.
o 6 كەزەڭ «تاپقىر دوستار». ءار توپقا ءار ءتۇرلى ءبىر - ءبىر سوزدەن بەرىلەدى. سول ءسوزدىڭ ارىپتەرىنەن سوزدەر قۇرايدى. 1 ءسوز – 5 باللمەن ەسەپتەلەدى.
o 7 كەزەڭ «قورىتىندى». ءادىل قازىلار جيناعان باللداردى ساناپ جەڭگەن توپتى ماراپاتتايدى.
- مىنە شارتتارىمەن دە تانىستىق، سىزدەرگە ايتارىم، قاتىسۋشىلار، ءسات - ساپار!
ويىنىمىزدى باستايمىز. 1 كەزەڭ «تانىستىرۋ». ءبىرىنشى توبىمىزعا ءسوز كەزەگىن بەرەمىز.
- ورتاعا شىعىپ ويىننىڭ شارتى بويىنشا تانىستىرۋ.
- ال، سايىسكەرلەر 1 - ءشى كەزەڭنەن سۇرىنبەي وتتىك. ەندىگى كەزەك توپباسشىلاردا. ويىنىمىزدىڭ 2 - ءشى كەزەڭى «كەلسەڭ كەل!». توپباسشىلارىن ورتاعا شاقىرامىز. سىزدەردىڭ ماقساتتارىڭىز – كىم ءبىرىنشى جاۋاپ بەرەدى، سول 5 ۇپاي الادى، دايىندىقتى تۋ كوتەرۋمەن كورسەتەسىزدەر. باستايىق.
سۇراقتار:
1. مەملەكەتتىك ءتىلىمىز قانداي جانە قاي جىلى قابىلداندى؟
2. ءۇش بايتەرەك كىم؟
3. كىم؟ نە؟ دەگەن سۇراقتارعا جاۋاپ بەرەتىن ءسوز تابى.
4. ءانۇران اۆتورلارى؟
5. بۋىننىڭ نەشە ءتۇرى بار؟
6. بالالار ادەبيەتىنىڭ اۆتورى؟
7. سىن ەسىم دەگەنىمىز نە؟
8. قازاق تىلىنە ءتان دىبىستاردى اتا.
9. داۋىستى دىبىستار قانداي تۇرلەرگە بولىنەدى.
10. الفاۆيتتەگى التىنشى ءارىپتى اتا.

- جارايسىڭدار، توپباسشىلار. ەندىگى ءسوز كەزەگىن ءادىل قازىلارعا بەرەمىز، ەكى كەزەڭنەن كەيىنگى ۇپاي ساندارىن تىڭدايىق.
- 3 كەزەڭ «اسىق ءيىرىم». ءار كوماندادان كەزەك كەزەكپەن شىعىپ، اسىقتىڭ كومەگىمەن سۇراقتى تاڭدايمىز. جاۋاپ بەرۋ بارىسىندا توپپەن اقىلداسۋعا بولادى.
«الشى» سۇراقتارى 5 ۇپايلىق.
1. سويلەمنىڭ قۇرىلىسىنا قاراي تۇرلەرى؟
2. قۇرمالاس سالالاس سويلەمنىڭ تۇرلەرىن اتاڭدار.
3. قۇرمالاس ساباقتاس سويلەمنىڭ تۇرلەرىن اتاڭدار.
4. سويلەم مۇشەلەرىن اتاڭدار.
5. ومونيم دەگەنىمىز نە؟ مىسال كەلتىرىڭدەر.
6. بەيىمبەت ءمايليننىڭ تۋعان جەرى، جىلى.
«تايكە» سۇراقتار 4 ۇپايلىق.
1. قۇرمالاس سويلەمنىڭ تۇرلەرىن اتا.
2. تۇرلاۋلى سويلەم مۇشەلەرىن اتاڭدار. مىسال كەلتىرىڭدەر.
3. تۇرلاۋسىز سويلەم مۇشەلەرىن اتاڭدار. مىسال كەلتىرىڭدەر.
4. ىبىراي التىنسارين كىم؟ تۋعان جەرى.
5. سەپتىكتەردى سۇراقتارىمەن اتاڭدار. «مەكتەپ» ءسوزىن سەپتەڭدەر.
6. ەسىمدىكتىڭ تۇرلەرىن اتاڭدار. مىسال كەلتىرىڭدەر.