InfoHub Logo

تاقىرىبى: قازاق حالقىنىڭ ۇلى اقىنى - ماعجان جۇمابايەۆ
(دوڭگەلەك ۇستەل)

ماقساتى: قازاقتىڭ ۇلتتىق اقىنى ماعجان جۇمابايەۆ ءومىرى، شىعارماشىلىعى تۋرالى وقۋشىلاردىڭ ويىن دامىتۋ، سويلەۋ قابىلەتتىلىگىن ارتتىرۋ، ۇلتىن سۇيۋگە تاربيەلەۋ.
ج: سالەمەتسىزدەر مە، قۇرمەتتى كورەرمەندەر! بىزدەر بۇگىن قازاق ادەبيەتىنىڭ كورنەكتى وكىلى، شولپان جۇلدىزى، ۇلتتىڭ ۇلى اقىنى ماعجان جۇمابايەۆتىڭ ءومىرى مەن شىعارماشىلىعى تۋرالى وي ءبولىسۋ ءۇشىن دوڭگەلەك ۇستەل ۇيىمداستىرىپ وتىرمىز. دوڭگەلەك ۇستەلگە قوناققا كەلىپ وتىرعان وقۋشىلاردى ورتاعا شاقىرايىق. قوش كەلدىڭىزدەر!
ج: ماعجان - ەڭ الدىمەن، سىرشىل اقىن. ول جۇرەكتىڭ قوبىزىن شەرتە بىلەدى، ونىڭ جۇرەگىنەن جاس پەن قانى ارالاس شىققان ءتاتتى سوزدەرى وزگەنىڭ جۇرەگىنە ءتاتتى ۋ سەبەدى. ماعجان نە جازسا، سىرلى، كوركەم، ءساندى جازادى. وقۋشىنىڭ جۇرەگىنە اسەر بەرە المايتىن قۇرعاق ولەڭدى، جابايى جىردى ماعجاننان تابا المايسىز دەگەن ەكەن ب. مايلين.
ج: ماعجان جۇمابايەۆتىڭ تۋىپ - وسكەن جەرى، ءبىلىم العان جەرلەرى تۋرالى نە ايتا الاسىزدار؟
ج: ال، اقىننىڭ وتباسى تۋرالى نە بىلەسىزدەر؟
ج: ماعجان جۇمابايەۆ كەلەشەكتى جاستار دەپ ۇعىنعان اقىنداردىڭ ءبىرى. جاستاردى وقىتۋعا بار كۇش - جىگەرىن سالعان بولاتىن. ول تۋرالى ءبىر بىلگەنىڭىز بار شىعار؟
ج: ورتاعا 6ب كلاسس وقۋشىسىن شاقىرايىق.
ج: ماعجان - قازاق پوەزياسىنىڭ شولپان جۇلدىزدارىنىڭ ءبىرى ءارى بىرەگەيى. ول ارتىنا وشپەس رۋحاني مول مۇرا، وزىنە ولمەس ماڭگىلىك ەسكەرتكىش قالدىرىپ كەتتى. ونىڭ بىزگە قالدىرعان مۇراسى - پوەزياسى. ونىڭ ولەڭدەرى مەن پوەمالارى تۋرالى نە بىلەسىزدەر؟
ج: ماعجان جۇمابايەۆتىڭ شىعارمالارى قانداي جانرلاردا جازىلعان؟
ج: ماعجان انا ءتىلىنىڭ مول بايلىعىن بويىنا بارىنشا سىڭىرگەن، ورىس ءتىلىن دە جەتىك مەڭگەرگەن. ونىڭ پۋبليسيست ەكەنىن دە بىلەمىز. ول كىمدەردىڭ شىعارمالارىن اۋدارعان؟
ج: ماعجاننىڭ "تۇركىستان" دەگەن ولەڭى - ەلىم، ەرىم، جەرىم دەپ سوققان اقىن جۇرەگىنىڭ قاينارىنان توگىلگەن وتانشىلدىق جىردىڭ شىنايى شەبەر ۇلگىسى. ورتاعا "تۇركىستان" ولەڭىن وقۋعا 9ءا كلاسس وقۋشىسىن شاقىرامىز.
ج: اقىننىڭ پاتريوتتىق شىنايى سەزىمىن وسى جولداردان اڭعارساق كەرەك.
ج: ماعجان قازاق حالقىنىڭ بولاشاعىنا سەنگەن. «مەن جاستارعا سەنەمىن».
ج: ماعجان - ۇلتجاندى اقىن. ونىڭ قازاق تىلىنە قوسقان ۇلەسى زور. انا ءتىلىن اتا - باباسىنان قالعان مول مۇرا دەپ تۇسىنگەن.
----------------- "قازاق ءتىلى"اتتى ولەڭىن وقىپ بەرۋگە ورتامىزعا شاقىرايىق.
ج: ماعجانعا «ۇلت جاۋى» دەگەن جالا جابىلىپ، اباقتىدا وتىرعاندىعى بىزگە ءمالىم. اقىننىڭ اباقتىعا وتىرعاندىعى تۋرالى نە بىلەسىزدەر؟
ج: سول كەزدەگى اقىننىڭ ىشكى دۇنيەسىن "ساعىندىم" شىعارماسىنان انىق كورۋگە بولادى.
ج: ول "الاش"پارتياسىنىڭ بەدەلدى مۇشەسى بولعانى دا بەلگىلى. ول تۋرالى ءبىر بىلەتىنىڭىز بار شىعار؟
ج: 7"ا"كلاسس وقۋشىسىن "تولقىن" شىعارماسىمەن ورتاعا شاقىرامىز.
ج: ماعجان جۇمابايەۆ ولەڭدەرىن شىنايى ومىرمەن ۇشتاستىرىپ جازعانى بىزگە وسى شىعارمالارىنان كورە الامىز.
ج: ماعجان جۇمابايەۆ قاي جىلى دۇنيەدەن وزدى؟ ول دۇنيە سالعان سوڭ ونىڭ اتىنا كوشە اتىن قويدى ما نەمەسە ەسكەرتكىش؟ ول تۋرالى نە ايتاسىزدار؟
ج: ال، ەندى ورتاعا جارقىنوۆا ارايلىمدى "سۇيەمىن" اتتى ولەڭىن وقىپ بەرۋگە ورتاعا شاقىرامىز.
ج: قازاق ادەبيەتىندەگى اسا ءىرى تۇلعا ماعجان جۇمابايەۆتىڭ اقىن بولۋ، قالىپتاسۋ كەزەڭى قازاق تاريحىنداعى، وسى، ءبىر جاعىنان ۇلتتىق ويانۋ، ەكىنشى جاعىنان، جاڭا جول ىزدەپ، داعدارۋ داۋىرىنە تۋرا كەلدى. ءومىرى حالىق تاريحىنداعى كۇردەلى كەزەڭمەن تۇسپا - تۇس كەلىپ، سول ءداۋىردىڭ بارشا قاراما - قايشىلىعىن جۇرەگىمەن سەزىنگەن، تاريحتىڭ تار جولدارىندا بۇكىل عۇمىرىن شىندىق ىزدەۋمەن تاۋىسقان، سول تاۋقىمەتى مول جىلدار تەز ەسەيتىپ، قيالىنا قانات، قالامىنا قايرات ءبىتىرىپ، قاتارعا قوسقان ماعجان جۇمابايەۆ – «قازاق حالقىنىڭ ۇلتتىق ۇلى اقىنى».

ج: بۇگىنگى دوڭگەلەك ۇستەلگە ات سالىسقاندارىڭىزعا راحمەت. ماعجان جۇمابايەۆتىڭ ومىرىنەن سىر شەرتكەندەرىڭىزگە كوپ - كوپ راحمەت! كەلەسى كەزدەسكەنشە ساۋ بولىڭىزدار!