InfoHub Logo

1 سىنىپ
انا ءتىلى پانىنەن ساباق جوسپارى
ساباقتىڭ تاقىرىبى: قازاقستان بايراعى. بۋىن.
ساباقتىڭ ماقساتى:
بىلىمدىلىك: وقۋشىلاردىڭ بۋىن تۋرالى بىلىمدەرىن كەڭەيتۋ. ءسوز ىشىندە قانشا داۋىستى دىبىس بولسا سونشا بۋىن بولادى دەگەن ۇعىمدى تەرەڭ ءتۇسىنۋىن جانە ولەڭدى مانەرلەپ وقۋىن جەتىلدىرۋ. ەل رامىزدەرى تۋرالى ماعلۇمات بەرۋ
دامىتۋشىلىق: سوزدىك قورىن بايىتا ءتۇسۋ. ەل رامىزىندەگى بەلگىلەردى قالاي تۇسىنەتىندىگىن ايتا ءبىلۋ داعدىلارىن دامىتۋ.
تاربيەلىلىك: ەل رامىزدەرىن تانۋدى، ونى قۇرمەتتەۋگە، ءوز وتانىن سۇيۋگە تاربيەلەۋ. ۇقىپتىلىق پەن شىدامدىلىق قاسيەتتەرىن شىڭداۋ.
ساباقتىڭ كورنەكىلىگى مەن جابدىعى: كەسپە ارىپتەر، بۋىندار، جالاۋشالار، ماگنيتتى تاقتا، سيۋجەتتى سۋرەتتەر، وقۋلىق پەن №1 انا تىلىنە ارنالعان جۇمىس داپتەرى.
ساباقتىڭ ءادىسى: كورسەتۋ، ءتۇسىندىرۋ
ساباقتىڭ بارىسى:

• ۇيىمداستىرۋ كەزەڭى
وقۋشىلارمەن سالەمدەسۋ، قاتىناستى باقىلاۋ.
ۇيگە بەرىلگەن تاپسىرمانىڭ ورىندالۋىن تەكسەرۋ.

• جاڭا ساباق.
1 - تاپسىرما. سۇراق – جاۋاپ مينۋتى (وتكەنگە شولۋ).
ا) دىبىس دەگەنىمىز نە؟
ءا) دىبىستار نەشەگە بولىنەدى؟
ب) داۋىستى دىبىستار قالاي ايتىلادى؟ ولاردى اتا.
گ) داۋىسسىز دىبىستارعا نەلەر كەدەرگى كەلتىرەدى؟ (ب، ق، ش)
ع) داۋىستى دىبىستاردىڭ قانداي تۇرلەرى بار؟
د) جۋان ايتىلاتىن سوزدەرگە مىسال كەلتىر
ە) جىڭىشكە داۋىستى دىبىستار قايسى، ولار نەشەۋ؟

2 - تاپسىرما. مىنا سوزدەردى بۋىنعا ءبول: قازاقستان، وتان، ەل، اسپان، قىران، التىن، ورنەك.
• سوزدەردەگى بۋىندار سانىن قالاي ءبىلدىڭ؟
(وقۋشىلار جاۋابىن تىڭداپ، قورىتىندىلاي وتىرىپ، تومەندەگى ەرەجەنى ءتۇسىندىرۋ، 51 - بەت)
3 - تاپسىرما.
وي قوزعاۋ.
وقۋشىلارعا قازاقستاننىڭ جالاۋىن (جالاۋشا) كورسەتە وتىرىپ، « جالاۋ» دەگەن ءسوزدى تاعى دا قالاي ايتۋعا بولاتىندىعىن سۇراۋ.
- تۋ جانە بايراق.
- قازاقستان بايراعىن سيپاتتاپ بەر

قازاقستان بايراعى → اسپان تۇستەس، كوك

4 - تاپسىرما. وقۋلىقپەن جۇمىس.
1. ولەڭدى مانەرلەپ وقىپ بەرۋ.
2. ءار شۋماقتى مازمۇنداۋ
3. ولەڭ اۆتورىمەن تانىسۋ
4. وقۋشىلاردىڭ تىزبەكپەن (شۋماقتاپ) وقۋى.
5. قازاقستان بايراعىندا نەلەر بەينەلەنگەن؟
6. قازاقستان رامىزدەرىنە تاعى دا نەلەر جاتادى؟
7. اسپان، قىران، بۇركىت سوزدەرى قالاي ايتىلىپ تۇر، بۋىنعا ءبول.
• سەرگىتۋ مينۋتى
جوعارى قاراپ اي كوردىم،
تومەن قاراپ جەر كوردىم.
وڭعا، سولعا بۇرىلدىم،
ەگەمەندى ەل كوردىم.
5 - تاپسىرما. داپتەرمەن جۇمىس. №1 انا ءتىلى جۇمىس داپتەرىندەگى تاپسىرمالاردى ورىنداۋ.

6 - تاپسىرما. سوزدەردى دۇرىس ورنالاستىر جانە بۋىنداردان ءسوز قۇرا.
جالاۋشا، ۇستادى، كوك، بالا.
ءسوز قۇرا: باي ءبۇر قى كىت راق ران. (بايراق، بۇركىت، قىران)

7 - تاپسىرما. كىم تاپقىر؟ ويىنى. قاتە بۋىندى تاپ. تۇزەت.
بال - ا، باي - راق، جال - اۋ، اسپ - ان، الاق - اي، با - تى - ر، قويا - ن، تە - لە - فو - ن.

ساباقتى قورىتىندىلاۋ.
نەنى ۇيرەندىك، نەنى بىلدىك؟
ءسوزدى نەگە بولەمىز؟ (بۋىنعا)
داۋىستى دىبىس قانشا بولسا، سونشا نە بولادى؟ (بۋىن)
بۋىندى تابۋعا داۋىسسىز دىبىستاردىڭ قاتىسى بار ما؟ (جوق)
رەفلەكسيا.
ءۇي تاپسىرماسى: 73 - جاتتىعۋ، «قازاقستان بايراعى» ولەڭىن مانەرلەپ وقۋ، 75 - جاتتىعۋدى ورىنداۋ.
ساباقتى اياقتاۋ.