InfoHub Logo

ادەبيەتتىك وقۋ 2 سىنىپ
تاقىرىبى: «قازاقستان» قاسىم امانجولوۆ
ماقساتى:
بىلىمدىك: اقىن ومىرىنەن ماعلۇمات بەرۋ. ولەڭدى مانەرلەپ وقۋعا، مازمۇنىن مەڭگەرىپ تاقىرىبى مەن يدەياسىن اشا بىلۋگە، ولەڭدى تەوريالىق جاعىنان تالداي بىلۋگە ۇيرەتۋ.
دامىتۋشىلىق: شىعارماشىلىق جۇمىستار ارقىلى ويلاۋ قابىلەتتەرىنىڭ دامۋىنا، ءتىل بايلىعىنىڭ ارتۋىنا ىقپال جاساۋ.
تاربيەلىك: وتانسۇيگىشتىككە، ءسوز ونەرىن باعالاپ، تۋعان جەردى قاستەرلەۋگە، ادامگەرشىلىككە تاربيەلەۋ.
ساباقتىڭ ءتيپى: ارالاس ساباق
ساباقتىڭ ءتۇرى: ءبىلىم جەتىلدىرۋ، جەكە قابىلەتتى دامىتۋ
ساباقتىڭ ءادىس - تاسىلدەرى: ينتەراكتيۆتىك، سۇراق - جاۋاپ، توپتاستىرۋ.
ءپانارالىق بايلانىس: دۇنيەتانۋ، قازاق ءتىلى
كورنەكىلىگى: ينتەراكتيۆتى تاقتا، ماگنيتتى تاقتا، فلوماستەر، وقۋلىق، داپتەر.
ساباقتىڭ جوسپارى:
1. پسيحولوگيالىق دايىندىق
2. 1 - ساندىقشا «جۇلدىزىم جوعارى» / ءۇي تاپسىرماسىن تەكسەرۋ، بەكىتۋ
3. 2 - ساندىقشا «ول اقىن ەدى» جاڭا تاقىرىپقا كىرىسپە، «جاڭا تولقىندا» /جاڭا تاقىرىپپەن جۇمىس
4. 3 - ساندىقشا ماتىنمەن جۇمىس
5. 4 - ساندىقشا سوزدىك جۇمىس
6. 5 - ساندىقشا سەرگىتۋ ءساتى 7. 6 - ساندىقشا شىعارماشىلىق تاپسىرما
داپتەرمەن جۇمىس
8. 7 - ساندىقشا قورىتىندى. نە تۇسىندىك، نە ۇقتىق؟
9. 8 - ساندىقشا «بىرگە ويلانايىق!» /بەكىتۋ
10. 9 - ساندىقشا ءۇي تاپسىرماسىن ءتۇرتىپ الۋ
11. 10 - ساندىقشا رەفلەكسيا. كەرى بايلانىس
ساباقتىڭ بارىسى:

1. ۇيىمداستىرۋ ءبولىمى. پسيحولوگيالىق دايىندىق
- سالەمەتسىزدەر مە بالالار! قانە، قوناقتارىمىزبەن امانداسىپ جىبەرەيىك.
- ساباعىمىزعا كەلگەندەر،
سالەم بەردىك، بارىڭە.
ىزگىلىككە سەنگەندەر،
سالەم بەردىك بارىڭە!
ءوز باقىتىن وزگەمەن
تەڭ بولىسە بىلگەندەر
سالەم بەردىك بارىڭە!
ءبىر - بىرىنە قاراپ: ءساتتى ءوتسىن ساباعىمىز، اشىق بولسىن قاباعىمىز!

- مەن دە سەندەردىڭ قاباقتارىڭنىڭ اشىق بولۋىنا تىلەكتەسپىن! راحمەت، بالالار وتىرا قويىڭدار. ەندەشە، ءسوز اسىلىن، ءتىل تازالىعىن سەزىنەتىن انا ءتىلى ساباعىمىزدى باستايىق. - بۇگىنگى ساباعىمىز تاۋەلسىزدىك كۇنىنە وراي الاتىن جالاۋشالارعا بايلانىستى بولماق. مەكتەبىمىز ءار سىنىپقا ءتۇرلى تاپسىرمالار بەرىپ تاۋەلسىزدىك كۇنىنە وراي دايىندىق شارالارىن باستاپ كەتتى. مىنە، بىزگە بەرىلگەن تاپسىرما مەكتەپ الاڭىنداعى قورشاۋعا جالاۋشالار ءىلۋ بولاتىن. ول جالاۋشالاردى الۋ ءۇشىن ءبىزدىڭ ءبىلىمىمىز سىنالماق. ول ءۇشىن بىزدەرگە بەرىلگەن 10 ساندىقشا بار ەكەن، سول ساندىقشالارىمىزدىڭ تاپسىرمالارىن ورىندايمىز. جالاۋشالار 3 ءتۇستى بولىپ كەلەدى. (ءتۇسىندىرۋ.)

2. ءۇي تاپسىرماسىن تەكسەرۋ ( سۇراق - جاۋاپ ادىسىمەن تەكسەرىلەدى)
3. جاڭا ساباقتى حابارلاپ، ءتۇسىندىرۋ.
ا) ساباقتىڭ تاقىرىبىن اشۋ. (ماتەماتيكالىق رەبۋس ارقىلى)
قۇپيا ءسوز."قازاقستان"
ءا) اۆتور تۋرالى تۇسىنىك (سلايد - شوۋدان اۆتور تۋرالى ۆيدەونى كورسەتۋ جانە سىزبادان تۇسىنىك بەرۋ.
ب) ءمۇعالىمنىڭ ساباقتى ءتۇسىندىرۋى
4. تۇسىنىكسىز سوزدەرمەن جۇمىس.
تۇسىنىكسىز سوزدەردى ولەڭدى وقىتۋ ارقىلى تاپتىرا وتىرىپ، تالداۋ جۇرگىزۋ.
قازاقستان
دۇرسىلدەيدى سوناۋ بالقاش جاعاسى،
بارشى ءوزىڭ، كوڭىل قويىپ قاراشى!
تۇر عوي سوعىپ تۋعان دالا جۇرەگى،
جەرىمىز بار قاسيەتتى، كيەلى،
سەن باقىتتى، اتام قازاق بالاسى
كەڭ دالالى، كەڭ پەيىلدى قازاقپىز،
قۇل ەمەسپىز، ەركىن جانبىز، ازاتپىز!
قاس تاعدىردىڭ قيقاڭىنا كونبەيمىز،
ەل نامىسىن ەشبىر جاۋعا بەرمەيمىز.
سەرتىڭ وسى ازات جىگىت، ازات قىز!

5. سەرگىتۋ ءساتى. كوڭىلدى بي تەراپياسىن ورىنداتۋ.
6. داپتەرمەن جۇمىس. شىعارماشىلىق تاپسىرما
اقىن سوزدەرىن بەرىلگەن سوزدەرمەن سايكەستەندىرۋ.
داپتەرلەرىنە ورىنداعان ءسوز تىركەستەرىن جازۋ.
7. بەكىتۋ
(سۇراق - جاۋاپ ارقىلى العان بىلىمدەرىنە قورىتىندى جاسالىنادى)
سۇراقتار:
- ق. امانجولوۆ دەگەن كىم؟
- بۇگىنگى ساباقتا قانداي تاقىرىپپەن تانىستىق؟
- قازاقستان ولەڭىندە نە تۋرالى ايتىلعان؟

- ولەڭ نەشە شۋماقتان تۇرادى؟
8. قورىتۋ. نە تۇسىندىك، نە ۇقتىق؟
4 جول ولەڭ جولدارىن تاقتاداعى بەرىلگەن تىرەك سوزدەرمەن قۇراستىرادى جانە جەكە وقىتىلىپ ماداقتالادى.
ماسەلەن: -
-------------------------- بارامىن.
--------------------------- سالامىن
--------------------------- الامىن.
--------------------------- بالامىن
9. ۇيگە تاپسىرما. ءۇي تاپسىرماسىن ءمۇعالىم نۇسقاۋىمەن ءتۇرتىپ الۋ.
- قازاقستان ولەڭىن ءتۇسىنىپ، مانەرلەپ وقۋ.
- قازاقستان تۋرالى اڭگىمە جازىپ كەلۋ.
10. رەفلەكسيالىق كەزەڭ. تاپسىرمانىڭ ورىندالۋى جانە مەكتەپ اينالاسىن تاۋەلسىزدىك كۇنىنە وراي بەزەندىرۋ.
باعالاۋ. (جيناعان جالاۋشالارعا بايلانىستى وقۋشىلار ءفورماتيۆتى باعالانادى.)