InfoHub Logo

بەيجىڭ. قازاقپارات - قازاقستان قحر-دا  ءبىلىم الاتىن شەتەلدىك ستۋدەنتتەر سانى بويىنشا 9-شى ورىندا. بۇل رەتتە   فرانسيا، ۆەتنام، گەرمانيا، موڭعوليا، مالايزيا  جانە  ۇلىبريتانيانى باسىپ وزادى. بۇل تۋرالى قحر ءبىلىم بەرۋ مينيسترلىگىنە سىلتەمە جاساپ كۇندەلىكتى اعىلشىن ءتىلدى    «China Daily»  باسىلىمىندا حابارلاندى. 

«قىتايدا ءبىلىم الۋ «جىبەك جولى ەكونوميكالىق بەلدەۋى» ماڭىندا ورنالاسقان ورتالىق ازيا ەلدەرى ءۇشىن سانگە اينالۋدا. وعان قازاقستان مىسال. قىتايدا قازاقستاندىق ستۋدەنتتەر سانى وتكەن ونجىلدىق ىشىندە 14 ەسەگە ارتتى. قحر بم ستاتيستيكالىق دەرەكتەرىنە سايكەس 2005 جىلى قىتايدا 781 قازاقستاندىق ءبىلىم السا، 2014 جىلى - 11764-كە جەتكەن»، - دەپ جازادى باسىلىم.

2014 جىلعى جاعداي بويىنشا گازەت كەلتىرگەن  ينفوگرافيكادا  قحر-دا   377054 شەتەل ستۋدەنتى ءبىلىم الادى، سانى بويىنشا ءبىرىنشى كورەي رەسپۋبليكاسى  (62923 ادام)، سوسىن اقش  (24203)، تايلاند (21296)، رەسەي (17202)، جاپونيا (15057)، يندونەزيا (13689)، ءۇندىستان (13578)، پاكىستان (13360)، قازاقستان (11764)، فرانسيا (10729)، ۆەتنام (10658)، گەرمانيا (8193)، موڭعوليا (7920)، مالايزيا (6645)، ۇلىبريتانيا (5920).

ماقالادا قحر-دا الەمنىڭ 203 ەلىنەن ستۋدەنتتەر ءبىلىم الاتىنى اتاپ وتىلەدى. جۇڭگو شەتەل ستۋدەنتتەرىنىڭ سانى بويىنشا اقش پەن ۇلىبريتانيادان كەيىن ءۇشىنشى ورىندا. ق ر مەمكەڭەسى مۇنى 2020 جىلعا دەيىن 5000 مىڭعا ۇلعايتۋدى كوزدەۋدە.

كوپشىلىگى تەحنيكالىق ەمەس، گۋمانيتارلىق ماماندىقتى تاڭداعان،  44 پايىزى جوعارى ءبىلىم، 56 پايىزى قىسقامەرزىمدى كۋرستار مەن وقۋ باعدارلامالارىنان وتۋدە.

قىتايدىڭ تارتىمدىلىعى وقىتۋ باعاسىنىڭ  تومەندىگىنە قاتىستى. جىلىنا 14 مىڭنان 26 مىڭ يۋانعا دەيىن (2100-3600 ش.ب.)، مىسالى بۇل سان ۇلىبريتانيادا 14،2 ش.ب. دەيىن اسىپ تۇسەدى.

دەرەككوز: inform.kz

---