InfoHub Logo

قازاقستان رەسپۋبليكاسىنداعى ءبىلىم بەرۋدى دامىتۋدىڭ 2011 - 2020 جىلدارعا ارنالعان مەملەكەتتىك باعدارلاماسىنىڭ تالاپتارىنا ساي العاشقى اسكەري دايىندىقتى ۇيىمداستىرۋداعى جاڭا كوزقاراس

قازاقستان رەسپۋبليكاسىنىڭ ءبىلىم بەرۋدى دامىتۋدىڭ 2011 - 2020 جىلدارعا ارنالعان مەملەكەتتىك باعدارلاماسىنا سايكەس اتقارىلاتىن
تاربيە جۇمىسى جانە جاستار ساياساتى
ماقساتى:
جاستاردىڭ بويىندا بەلسەندى ازاماتتىق ۇستانىمدى، الەۋمەتتىك جاۋاپكەرشىلىكتى، وتانسۇيگىشتىك سەزىمدى، جوعارى ادامگەرشىلىك جانە كوشباسشىلىق قاسيەتتەردى قالىپتاستىرۋ.
مىندەتى:
جاستاردى وتانسۇيگىشتىككە تاربيەلەۋ جانە ولاردىڭ ازاماتتىق بەلسەندىلىگىن، الەۋمەتتىك جاۋاپكەرشىلىگىن جانە الەۋەتىن اشۋ تەتىكتەرىن قالىپتاستىرۋ جونىندەگى شارالار كەشەنىن ىسكە اسىرۋ.
جاستار ساياساتىن ىسكە اسىرۋ قازاقستاندىق ءپاتريوتيزمدى، رۋحاني - ادامگەرشىلىك مادەنيەتتى تاربيەلەۋ، ۇلتتىق سايكەستىكتى قالىپتاستىرۋ نەگىزىندە جۇزەگە اسىرىلادى.؛
رەسپۋبليكالىق دەڭگەيدە مەملەكەتتىك الەۋمەتتىك تاپسىرىستى ىسكە اسىرۋ شەڭبەرىندە ەرىكتى، اسكەري - پاتريوتتىق ۇيىمداردىڭ، اسكەري - سپورتتىق، اسكەري - ىزدەۋشى جانە سپورتتىق - تەحنيكالىق كلۋبتاردىڭ جەلىسى 20 دان 30 - عا دەيىن كوبەيەدى؛
ءبىلىم بەرۋ ۇيىمدارىندا سپورت سەكسيالارىنىڭ جەلىسى دامىتىلادى؛
قازاقستاندىق ءپاتريوتيزمدى قالىپتاستىرۋ ماقساتىندا تۇراقتى نەگىزدە مەملەكەتتىك رامىزدەردى تانىتۋ، تاريح، سالت - ءداستۇر جانە انا ءتىلىن ءبىلۋ جونىندە ءىس - شارالار جالعاستىرىلاتىن بولادى؛
ءتۇرلى جوبالاردى ىسكە اسىرۋ ارقىلى جاستار اراسىندا قايىرىمدىلىق مادەنيەتىن قالىپتاستىرۋ جونىندە ماقساتتى شارالار قابىلداناتىن بولادى جانە
جاستاردىڭ جالپى سانىنان 55 %- ى جاستار ساياساتى مەن
پاتريوتتىق تاربيە سالاسىنداعى ءىس - شارالاردى ىسكە
اسىرۋعا بەلسەندى تۇردە قاتىساتىن بولادى دەپ اشىپ ايتىلعان. سوندىقتان اتالعان باعدارلاما تالاپتارىنا ساي مەكتەپتەگى العاشقى اسكەري دايىندىق ءپانىن وقىتۋدا دا جاڭاشا كوزقاراس قالىپتاسۋى كەرەك. قازاق حالقىنىڭ تاربيە جۇيەسىندە جاس ۇرپاقتى، قوعام مۇشەلەرىن وتانعا، حالقىنا، ەلگە، جەرگە دەگەن سۇيىسپەنشىلىككە تاربيەلەپ، مۇنى ولاردىڭ بويىنا ءسىڭىرىپ، قالىپتاستىرۋ جەتەكشى ورىن الادى. ويتكەنى وتان، حالىق، ەل، جەر دەگەن ۇعىم وتە اۋقىمدى. بۇعان شىن مانىندە ادامنىڭ بۇكىل بولمىسىنىڭ قاتىسى بار. ءوزىنىڭ بۇكىل حالىق بولىپ، مەملەكەت بولىپ قۇرىلۋ تاريحىندا تالاي تار جول، تايعاق كەشۋلەردى، باسىنان كەشىرىپ ۇنەمى شاپقىنشىلاردىڭ شابۋىلىنا توتەپ بەرۋمەن ءومىرىن وتكىزگەن حالقىمىز ەلدى، جەردى قورعاۋدىڭ ءقادىرىن ەرتە ءتۇسىنىپ، بالاسىن انا سۇتىمەن بىرگە وتانىن سۇيۋگە جانە قورعاۋعا تاربيەلەگەن. بولاشاق ەل ساربازدارىن جاستايىنان جاۋىنگەرلىككە باۋلۋ، ولاردىڭ بويىنا وتانشىلدىق ەرلىك رۋحتى قالىپتاستىرۋ قازاقستاندىقتاردىڭ ورتاق پارىزى، تىكەلەي مىندەتى بولىپ تابىلادى. اتا - بابالارىمىزدىڭ عاسىرلار بويى جيناقتاعان سالت داستۇرىنەن ءنار العان قازاق ەلىنىڭ مىڭداعان ۇل - قىزدارى ەكىنشى دۇنيە جۇزىلىك سوعىستىڭ قاندى مايداندارىندا دا قاھارماندىق تالاي قايتالانباس ۇلگىسىن كورسەتتى.
ۇلان - بايتاق دالاسىن «نايزانىڭ ۇشىمەن، بىلەكتىڭ كۇشىمەن» قورعاعان اتا - بابالارىمىز سان عاسىر بويى قاناتتىعا قاقتىرماي، تۇمسىقتىعا شوقىتتىرماي امان ساقتاپ كەلدى. قۇرىپ كەتۋ ءقاۋىپى ءتونىپ تۇرعان كەزدە ءبىر جاعادان باس، ءبىر جەڭنەن قول شىعارىپ جاۋعا قارسى تۇرۋ ناعىز وتانسۇيگىشتىك قاسيەت بولىپ تابىلادى.
قازاقستان رەسپۋبليكاسىنىڭ پرەزيدەنتى «قازاقستاننىڭ بولاشاعى – قوعامنىڭ يدەيالىق بىرلىگىندە» اتتى ەڭبەگىندە «ءبىزدىڭ تاعى ءبىر اسا ماڭىزدى يدەولوگيالىق مىندەتىمىز – قازاقستاندىق وتانسۇيگىشتىككە تاربيەلەۋ، ءاربىر ازاماتتىڭ ءوزىن - ءوزى ايقىن بيلەۋىن قالىپتاستىرۋ» - دەپ جازدى. كوپۇلتتى قازاقستان حالقى ءۇشىن وتانسۇيگىشتىك سەزىمنىڭ رۋحاني سالاداعى تاتۋ - ءتاتتى تىرلىك، ازاماتتىق كەلىسىمگە عانا ەمەس، مەملەكەتتىڭ ماتەريالدىق نەگىزىن نىعايتۋعا دا تىكەلەي ىقپالى بار. وتانسۇيگىشتىك رۋح - قازاق ەلىنىڭ الەمدىك وركەنيەتتى ەلدەر كوشىنە قوسىلىپ دۇنيەجۇزىلىك قاۋىمداستىقتان لايىقتى ورىن الۋىنا مۇمكىندىك بەرەتىن بىردەن - ءبىر كۇش. باستاپقى اسكەري دايىندىق ءپانىن وقۋ بارىسىندا وقۋشىلار ازاماتتاردىڭ قازاقستان رەسپۋبليكاسىن قورعاۋ جونىندەگى كونستيتۋسيالىق قۇقىقتارىن ۇعىنۋعا، ق ر قارۋلى كۇشتەرىنىڭ سيپاتى مەن ماقساتىن، اسكەري ءىس پەن ازاماتتىق قورعانىستىڭ نەگىزدەرىن انىقتاپ تۇسىنۋگە ءتيىس، قازاقستان رەسپۋبليكاسىنىڭ قارۋلى كۇشتەرىندەگى مەرزىمدى اسكەري قىزمەتتى وتكەرۋدىڭ جاعدايلارىنا قىسقا مەرزىمدە بەيىمدەلىپ، وزدەرىنە سەنىپ تاپسىرىلعان قارۋ - جاراق پەن جاۋىنگەرلىك تەحنيكانى مەڭگەرۋ ءۇشىن جاس ساربازدى دايىنداۋ كولەمىندە قاجەتتى ءبىلىم، پراكتيكالىق ماشىقتانۋشىلىق، مىنەز - قۇلىق ورنىقتىلىعىن قالىپتاستىرۋى ءتيىس.
بۇگىنگى تاڭدا قوعام مەن مەملەكەتتىڭ ءبىلىم بەرۋ جۇيەسىنىڭ الدىنا قويىپ وتىرعان مىندەتتەرىنىڭ ءبىرى - جەتكىنشەكتەردى قازاقستاندىق ەلجاندىلىق پەن قازاقستاندا تۇراتىن حالىقتاردىڭ ۇلتارالىق ىنتىماقتاستىعى رۋحىندا تاربيەلەۋ بولىپ تابىلادى. بۇل ماسەلەنىڭ كوكەيكەستىلىگى قازىرگى الەمدى جاھانداندىرۋ جاعدايىندا بۇرىنعىسىنان دا ارتىپ وتىر.
جاستاردىڭ ادامزاتتىق، پاتريوتتىق قاسيەتتەرىن قالىپتاستىرۋ پروبلەماسىنا قازاقستان ۇكىمەتى قۇجاتتارىندا جانە ەلباسى جولداۋلارىندا اسا ۇلكەن ءمان بەرىلگەن. ەلباسى ءوزىنىڭ جولداۋلارىنىڭ بىرىندە «ءوز تاريحىمىز بەن ەرەكشە. جاعدايلارىمىز نەگىزىندە دۇرىس جولدى تاڭداپ الۋ مۇمكىندىگىمىز دە بار» (1997) دەسە ەكىنشىسىندە «ءبىز بىرلەسە وتىرىپ، ەرىكتى ۇلت جاساقتاۋ جولىندا، العا جىلجۋىمىزعا «قاجەتتى بەرىك نەگىز قالادىق» (2005) - دەپ ءوزىمىزدىڭ تاريحىمىزدى، ءدىنىمىزدى، ۇلتتىق قاسيەتتەرىمىزدى الدىڭعى قاتارعا قويىلعان.
پرەزيدەنتتىڭ پاتريوتتىق سەزىمگە تولى وسى وي - پىكىرى قازاقستان رەسپۋبليكاسىنىڭ «ءبىلىم تۋرالى زاڭىندا» ەڭ ماڭىزدى مىندەتتەر رەتىندە ءوز وتانى قازاقستاندى سۇيۋگە، ازاماتتىق پەن پاتريوتيزمگە تاربيەلەۋ، مەملەكەت رامىزدەرى مەن حالىقتارىنىڭ سالت - داستۇرلەرىن قۇرمەتتەۋ» اتا زاڭ مەن قوعامعا قايشى كەلەتىن كورىنىستەرگە توزبەۋ، الەمدىك جانە وتاندىق جەتىستىكتەرىن يگەرۋ، قازاقستاندا تۇراتىن باسقا دا حالىقتاردىڭ ادەت - عۇرىپ، سالت - داستۇرلەرىن، تاريحىن جەتە ءبىلۋ دەپ كورسەتكەن.
دەمەك، سالت - داستۇرلەردىڭ، سونىڭ ىشىندە حالىق پەداگوگيكاسىندا كورىنىس العان پاتريوتتىق سانا - سەزىمنىڭ قالىپتاسۋىنا تىكەلەي ىقپال ەتەتىن وزىق داستۇرلەردىڭ تاعىلىمدىق مۇمكىندىكتەرىن پايدالانۋ قاجەتتىلىگىنە اسا ءمان بەرەدى.
جەتكىنشەكتەردىڭ ادامزاتتىق، پاتريوتتىق قاسيەتتەرىن قالىپتاستىرۋ پروبلەماسىنا قازاقستان ۇكىمەتى قۇجاتتارىندا جانە ەلباسى جولداۋلارىندا اسا ۇلكەن ءمان بەرىلگەن. «جاستارعا ايتاتىنىم: باقىتتى ءومىردى باسقا جاقتان ىزدەمەڭدەر. اتا بابالارىمىزدىڭ ايتىپ كەتكەن اسىل سوزدەرى ەستە بولۋى كەرەك». «وزگە ەلدە سۇلتان بولعانشا، ءوز ەلىڭدە ۇلتان بول» دەگەن وسيەت قالدىرعان. ءوز وتانىنىڭ بۇل دۇنيەدەگى ءجانناتىڭ مەن شۋاعىڭ. سوندىقتان دا بىلىمدەرىڭ مەن قايرات - جىگەرلەرىڭدى ءوز ەلدەرىڭنىڭ مۇددەسىنە جۇمساڭدار. تۋعان ەلىڭ داۋلەتتى، تۋعان جەرىڭ ساۋلەتتى بولسا، سەندەر دە اۋلەتتى دە داۋلەتتى بولاسىڭدار... ەلىڭدى سۇيە بىلسەڭ، جان اياماي قىزمەت ەتە بىلسەڭ، ەلىڭ دە سەنى الاقانعا سالىپ ايالاي الادى. وسىنى ۇمىتپاڭدار!. مۇنىڭ ءوزى ەلباسىنىڭ كەلەشەك ۇرپاقتىڭ بويىنا وتانسۇيگىشتىك قاسيەتتى ءسىڭدىرىپ، وسىناۋ باعا جەتپەس قۇندىلىققا باۋلۋعا ءجىتى كوڭىل قوياتىندىعىن تاعى دا دايەكتەدى. شىن مانىندە وتانسۇيگىشتىك، ەلجاندىلىق قاسيەتتەر ادامي قاسيەتتەردىڭ ەڭ بيىگى، ەڭ اسىلى ەكەندىگى داۋ تۋدىرماسا كەرەك.
«ادامعا ەڭ ءبىرىنشى ءبىلىم ەمەس، تاربيە كەرەك، تاربيەسىز بەرىلگەن ءبىلىم - ادامزاتتىڭ قاس جاۋى، ول كەلەشەكتە ونىڭ ومىرىنە قاۋىپ اكەلەدى»، - دەپ ۇلى عالىم، فيلوسوف ءابۋ ناسىر ءال - فارابي ايتقانداي، وسكەلەڭ ۇرپاققا جان - جاقتى تاربيە بەرۋدى جەتىلدىرىپ وتىرۋ باستى پارىزىمىز دەپ ەسەپتەيمىز.
جاقسى جىگىت ون بەسىندە باسپىن دەيدى، جامان جىگىت وتىز بەسىندە جاسپىن دەيدى، - دەپ حالىق جەكە تۇلعانىڭ مادەنيەتتىلىگى مەن ەلجاندىلىعىنىڭ جاستايىنان - اق بەلگىلى بولاتىندىعىن دالەلدەگەن.
«قازاقستان رەسپۋبليكاسىنىڭ قورعانىسى مەن قارۋلى كۇشتەرى تۋرالى» زاڭدا وتاندى قورعاۋ جانە رەسپۋبليكا قارۋلى كۇشتەرىندە قىزمەت ەتۋ قازاقستان رەسپۋبليكاسى ازاماتتارىنىڭ حالىق پەن مەملەكەت الدىنداعى كونستيتۋسيالىق مىندەتى مەن پارىزى بولىپ تابىلادى دەپ كورسەتىلگەن.
قازىرگى ۋاقىتتا ارميا مەن فلوتتىڭ جاڭا قارۋ مەن جانە تەحنيكامەن جاراقتانۋىنا بايلانىستى جاس جاۋىنگەرلەردى وقىتۋ مەن تاربيەلەۋ مىندەتى ەداۋىر كۇردەلەندى، قىسقا مەرزىم ىشىندە قازىرگى قارۋدى مەڭگەرۋ، ءوزىنىڭ تاۋەلسىز دەموكراتيالىق وتانىنىڭ لايىقتى قورعاۋشىسى بولۋ - جاۋاپتى ءىس، سوندىقتان ءاربىر ءجاسوسپىرىم مەكتەپ قابىرعاسىنان باستاپ ءوزىن اسكەري قىزمەتكە دايىنداۋعا، ءوز وتانى – تاۋەلسىز قازاقستان حالقى الدىڭداعى ازاماتتىق جاۋاپكەرشىلىگىن كامىل ۇعىنۋعا ءتيىس. ورتا وقۋ ورىندارىندا باستاۋىش اسكەري دايىندىق كۋرسىن مەڭگەرۋ - جاستارعا ق ر قك قاتارىندا قىزمەت ەتۋگە دايىندالۋىنا كومەكتەسەدى. ونىڭ باعدارلاماسى شاقىرىلعان جاستاردى ق ر قك - دە قازىرگى زامانعى قارۋ مەن اسكەري تەحنيكانى قىسقا مەرزىمدە مەڭگەرە الۋى ءۇشىن جاس ساربازدى دايىنداۋ كولەمىندە اسكەري ءىستى وقىپ - ۇيرەنۋىن كوزدەيدى.
العاشقى اسكەري دايىندىق جاستاردى پاتريوتيزم مەن ينتەرناسيوناليزم، دەموكراتيالىق قوعام جانە وعان شەكسىز بەرىلگەندىك، وتانعا جانە قارۋلى كۇشتەرگە دەگەن سۇيىسپەنشىلىك، اسكەري بورىشتى مۇلتىكسىز ورىنداۋعا ازىرلىك رۋحىندا تاربيەلەۋگە باعىتتالعان. وتاندى قورعاۋ ءاربىر ازاماتتىڭ پارىزى. ەلىمىزدە وتاننىڭ قورعاۋشىسى بولۋدى ارماندايتىن ۇلدار مەن قىزدار ءبىلىم الۋدا ەكەندىگىن ايتا كەتۋ كەرەك. ولار قازاقستان تاريحىن تەرەڭدەتىپ وقيدى، العاشقى اسكەري دايىندىق ساباعىنا اسا ءبىر ىنتامەن قاتىسىپ، بولاشاقتا تاۋەلسىز ەلىمىزدىڭ ماقتان تۇتار اياۋلى ۇلدارى - باۋىرجان مومىش ۇلى، تالعات بيگەلدينوۆ، توقتار اۋباكىروۆ سىندى حالقىنىڭ قۇرمەتتى ازاماتى بولۋدى ارماندايدى.
عاسىرلار بويى حالقىمىز ۇرپاعىن ىزگىلىككە، ءوز ەلىن سۇيۋگە باۋلىپ كەلەدى. بۇل بەرىك قالىپتاسقان ءداستۇردى ۇلتتىق تاربيەنىڭ وزەگى، دىڭگەگى دەسە دە بولادى. «اتانىڭ ۇلى بولما، ادامنىڭ ۇلى بول» دەي كەلىپ، ادامنىڭ ۇلى بولۋى ءۇشىن كىسىگە «نۇرلى اقىل، ىستىق قايرات، جىلى جۇرەك» كەرەكتىگىن ۇلى اباي دا جەرىنە جەتكىزە وسيەت ەتىپ كەتتى. بۇل وسيەت، پىكىرلەر بۇگىنگى مەكتەبىمىزدە جەكە تۇلعانى پاتريوتيزم رۋحىندا تاربيەلەۋدىڭ تەمىرقازىعى.
ءار ءداۋىردىڭ تاريحي كەزەڭدەرىندە وتانسۇيگىشتىككە تاربيەلەۋدىڭ وزىندىك مۇددەلەرى بولادى. ول ەڭ الدىمەن «ۇلتجاندىلىق»، «وتانسۇيگىشتىك»، «پاتريوتيزم» ۇعىمدارى سول زاماننىڭ اقيقاتىنان، نانىم - سەنىمىنەن تۋىندايدى. وتانعا دەگەن سۇيىسپەنشىلىك بويىنداعى كۇش - قۋاتى مەن ءبىلىمىن وتان يگىلىگى مەن مۇددەسىنە جۇمساۋ، تۋعان جەرىن، انا ءتىلىن، ەلدىڭ ادەت - عۇرپى مەن سالت - ءداستۇرىن قۇرمەتتەۋ سياقتى پاتريوتيزم ەلەمەنتتەرى ەرتە زاماننان باستاپ قالىپتاسا باستادى. «وتان» دەگەن ءسوز اۋەلدە كوشپەلى ءومىر سۇرگەن اتا - بابالارىمىزدىڭ وت جاعىپ، تىرشىلىك ەتكەن ۇياسى دەگەن ۇعىمنان شىقسا كەرەك.
ءوز وتانىن سۇيەتىن ۇرپاق تاربيەلەۋ مەكتەپتەگى اسكەري - پاتريوتتىق جۇمىستىڭ باستى وزەگى بولۋى كەرەك. ويتكەنى كەز كەلگەن ەگەمەندى مەملەكەت سياقتى قازاقستان ءوزىنىڭ قورعانىس قابىلەتىن ساقتاۋدى ماڭىزدى مەملەكەتتىك مىندەتتەردىڭ جانە بۇكىل حالىقتىڭ ءىسى دەپ سانايدى.
«ءبىزدىڭ باستى ماقساتىمىز – قازاقستاننىڭ ەگەمەندىگى مەن تەرريتوريالىق تۇتاستىعىن ساقتاۋ» دەگەن پرەزيدەنت ءوز جولداۋىندا.
قارۋلى كۇشىمىزدىڭ الدىڭعى ساپىندا قازاق جاستارىنىڭ تۇرۋى، ولاردىڭ ءبىر كىسىدەي ىنتىماقپەن توپتاسۋى، اتا زاڭىمىزدا كورسەتىلگەن قاسيەتتى بورىشىن، پەرزەنتتىك پارىزىن ورىنداۋى - وتانعا، اتامەكەنگە دەگەن سۇيىسپەنشىلىكتىڭ، نەگىزگى مازمۇنى، يماندىلىق پەن ادامگەرشىلىكتىڭ نەگىزگى بەلگىسى مەن باستى ولشەمى.
ال، مەكتەپتە جاستارعا اسكەري پاتريوتتىق تاربيەنى جەتكىزۋ ءۇشىن جانە اسكەري قىزمەتتى ءتۇسىندىرۋ ماقساتىندا العاشقى اسكەري دايىندىق وقىتۋشى - ۇيىمداستىرۋشىسى تاعايىندالعان. قارۋلى كۇشتەردىڭ قاتارىندا اسكەري قىزمەتشىلەردىڭ قۇرامىن ءبىلىمدى جانە سپورتپەن شىڭدالعان، جۇرەگىندە وت جالىنداعان ازاماتتارمەن تولتىرۋ ءۇشىن مەكتەپ جاستارىنا اسكەري جەتەكشىنىڭ اسكەري پاتريوتتىق تاربيەنى ءتۇسىندىرۋىنىڭ (اسكەري تاقىرىپتا اڭگىمەلەر قوزعاۋ، اسكەري كەزدەسۋلەر وتكىزۋ جانە ت. ب.) جانە اسكەري پاتريوتتىق تاربيەگە قاتىستى ءىس - شارالار ۇيىمداستىرۋىنىڭ (اسكەري سپورت جارىستارى، اسكەري ويىندار جانە ت. ب.) پايداسى كوپ.
ەگەمەندى ەل تىرەگى - قارۋلى كۇشتەر بولسا، سول قارۋلى كۇشتەردە اسكەري قىزمەتتى اتقاراتىن - جاستار. ال جاستاردى مەكتەپ تابالدىرىعىنان باستاپ جەكە كۋالىگىن العانشا دايارلايتىن جانە شىڭدايتىن العاشقى اسكەري دايىندىق ءپانى بولىپ تابىلادى. جاستاردىڭ جاقسى ازامات بولۋىنا وسى ءپاننىڭ كوپتەگەن پايداسى بار ەكەندىگىن ايتا كەتۋ كەرەك.
العاشقى اسكەري دايىندىق مەكتەپتەردە 1996 جىلدان باستاپ ق ر ۇكىمەتىنىڭ، ارنايى قاۋلىسىمەن ەنگىزىلدى. وسى قاۋلىعا سايكەس باستاپقى اسكەري ءبىلىم بەرۋ ەلىمىزدىڭ بارلىق ورتا ءبىلىم بەرەتىن وقۋ ورىندارىندا جۇرگىزىلەدى. ال، قازاقستان رەسپۋبليكاسى ۇكىمەتىنىڭ 2013 جىلعى 11 اقپانداعى №118 قاۋلىسى قابىلدانىپ، اسكەري دايىندىقتىڭ دەڭگەيى جوعارىلاي ءتۇستى. باستاپقى اسكەري دايىندىق ءپانى كوپتەگەن پاندەرمەن جاناما بايلانىستا، ال دەنە تاربيەسى ساباعىنا تىكەلەي بايلانىستى.
العاشقى اسكەري دايىندىق - قازاقستان رەسپۋبليكاسىنىڭ ازاماتتارىن جاستارىن، قازاقستان رەسپۋبليكاسىنىڭ قارۋلى كۇشتەرىندە، باسقا دا اسكەرلەرىمەن اسكەري قۇرامالارىندا اسكەري قىزمەت ەتۋگە دايارلاۋ جۇيەسىنىڭ قۇرامداس بولىگى، يەلىگى مەن مەنشىك نىساندارىنا قاراماستان جالپى ءبىلىم بەرەتىن جانە كاسىپتىك - تەحنيكالىق مەكتەپتەردە، ارناۋلى ورتا وقۋ ورىندارىندا مىندەتتى مەملەكەتتىك ءپان بولىپ تابىلادى.
العاشقى اسكەري دايىندىق ءپانىن وقۋ بارىسىندا وقۋشىلار ازاماتتاردىڭ، قازاقستان رەسپۋبليكاسىن قورعاۋ جونىندەگى كونستيتۋسيالىق قۇقىقتارىن ۇعىنۋعا، ق ر قارۋلى كۇشتەرىنىڭ سيپاتى مەن ماقساتىن، اسكەري ءىس پەن ازاماتتىق قورعانىستىڭ نەگىزدەرىن انىقتاپ تۇسىنۋگە ءتيىس، قازاقستان رەسپۋبليكاسىنىڭ قارۋلى كۇشتەرىندەگى مەرزىمدى اسكەري قىزمەتكە شاقىرىلعان كەزدە مەرزىمدى اسكەري قىزمەتتى وتكەرۋدىڭ جاعدايلارىنا قىسقا مەرزىمدە بەيىمدەلىپ، وزدەرىنە سەنىپ تاپسىرىلعان قارۋ - جاراق پەن جاۋىنگەرلىك تەحنيكانى مەڭگەرۋ ءۇشىن جاس ساربازدى دايىنداۋ كولەمىندە قاجەتتى ءبىلىم، پراكتيكالىق ماشىقتانۋشىلىق، مىنەز - قۇلىق ورنىقتىلىعىن قالىپتاستىرۋى ءتيىس.
اسكەري پاتريوتتىق تاربيە - جاس ورەندى وتاندى قورعاۋعا ۇدايى ءازىر بولۋعا مورالدىق جانە دەنە ءبىتىمى جاعىنان دايارلاۋ بولىپ تابىلادى. ءاربىر ءجاسوسپىرىم جاسىنان «قازاقستان - مەنىڭ وتانىم»، «ول مەن ءۇشىن جاۋاپتى بولعانى سياقتى، مەن دە ول ءۇشىن جاۋاپتىمىن»، - دەگەن قاراپايىم ويدى مەڭگەرۋى كەرەك.
اسكەري پاتريوتتىق - تاربيەلىك ءىس شارالار الدىن الا جوسپارلانۋى ءتيىس. جوسپاردا تەك قانا وقىتۋشى - ۇيىمداستىرۋشىنىڭ وي - پىكىرى ەمەس، سول وقۋ مەكەمەسىنىڭ ءاربىر ءمۇعالىمىنىڭ وي ۇلەسى بولۋى ءتيىستى قانداي دا بولماسىن اسكەري پاتريوتتىق ءىس شارانى وتكىزۋ سالتاناتىندا مەملەكەتتىك تۋدى الىپ كەلۋ جانە الىپ كەتۋ. مەملەكەتتىك انۇرانمەن اشۋ جانە جابۋ ماسەلەلەرىن جوعارى ۇستاۋ كەرەك. مەملەكەتتىك تۋدى سالتاناتتى تۇردە الىپ ءجۇرۋ ءۇشىن ەڭ جاقسى وقيتىن وقۋشىلاردان تاعايىنداۋ كەرەك.
جاستارعا اسكەري پاتريوتتىق تاربيەنى تەرەڭدەتۋ ءۇشىن ءار اۋدانداعى، ءار قالاداعى اسكەري بولىمدەر مەكتەپپەن بايلانىستى ۇزبەۋى كەرەك. مەكتەپتەردە وقۋشىلاردىڭ اسكەري كيىم كيۋى اسكەري پاتريوتتىق تاربيەلەۋدىڭ نەگىزگى كىلتى. مۇمكىنشىلىك بولىپ جاتسا، وقۋشىلارعا اسكەري كيىم تىكتىرىپ، ونى دۇرىس كيۋىن قاداعالاۋ قاجەت.
العاشقى اسكەري دايىندىق ءپانى - قازاقستان رەسپۋبليكاسىنىڭ ازاماتتارىن قارۋلى كۇشتەردە، باسقا دا اسكەر جانە اسكەري قۇرامالاردا قىزمەت ەتۋگە دايىندايتىن مەملەكەتتىك جۇيەنىڭ نەگىزگى قۇرامى بولىپ تابىلادى. العاشقى اسكەري دايىندىق پانىمەن اسكەري - پاتريوتتىق تاربيە تىعىز ۇشتاستىرىلا وتىرىپ، جاستاردىڭ اسكەري ءىستى جاقسى مەڭگەرۋىنە، توتەنشە جاعدايلاردا قورعانۋدىڭ تاسىلدەرى مەن قۇرالدارىن دۇرىس پايدالانا بىلۋىنە ىقپال ەتەدى.
العاشقى اسكەري دايىندىق ءبولىمىنىڭ كىرىسپە بولىمىنەن باستاپ، ءاربىر تاقىرىپتارى جاستاردىڭ بويىندا تەرەڭ پاتريوتتىق سەزىم قالىپتاستىرادى دەپ ايتساق بولادى. وقىتۋشى كىرىسپە ساباقتى وتكىزۋدە وقۋشىلاردى اسكەري قىزمەتكە جانە قازاقستان رەسپۋبليكاسىن قورعاۋعا دايىنداۋدىڭ ماڭىزىنا، العاشقى اسكەري دايىندىق كۋرسىنىڭ وقۋ مىندەتتەرىن ورىنداۋعا بايلانىستى مورالدىق - پسيحولوگيالىق جانە دەنە كۇشتى شوعىرلاندىرۋدىڭ قاجەتتىلىگىنە ەرەكشە كوڭىل بولەدى. «قارۋلى كۇشتەر قازاقستان رەسپۋبليكاسىنىڭ ەگەمەندىگى كۇزەتىندە» تاراۋىنداعى «قازاقستان رەسپۋبليكاسىنىڭ مەملەكەتتىك نىشاندارى. قازاقستان رەسپۋبليكاسى قارۋلى كۇشتەرىنىڭ نىشاندارى جانە اسكەري ءبولىمنىڭ جاۋىنگەرلىك تۋى» تاقىرىبىندا مەملەكەتتىك نىشانداردى زەردەلەۋگە ەرەكشە ءمان بەرىلەدى. رەسپۋبليكا نىشاندارىنىڭ ساياسي جانە رۋحاني ءمانىن پايىمداۋ ارقىلى جاستاردىڭ ازاماتتىق مىندەتتەرى تۋرالى دۇنيەتانىمى كەڭەيەدى جانە تەرەڭدەي تۇسەدى. نىشانداردى وقي وتىرا جاستار ەل تاريحىنىڭ ماڭىزىن، ەلىمىزدىڭ بولاشاعى ءۇشىن جاۋاپكەرشىلىك سياقتى جالپى ادامگەرشىلىك نورمالاردى بويلارىندا قالىپتاستىرادى. الەمدە ازاماتتاردىڭ بويىندا ۇلتتىق نىشاندار: تۋعا، ەلتاڭباعا، ءانۇرانعا، ۇلتتىق مەرەكەلەرگە پاتريوتتىق سەزىمدى، ولارعا قۇرمەتپەن قاراۋدى ماقساتتى تۇردە قالىپتاستىرىپ وتىرعان ەلدەر از ەمەس. كوپتەگەن ەلدەر مەملەكەتتىك نىشانداردى مەملەكەتتىڭ وڭ بەينەسىن جاساۋدىڭ نەگىزگى، پاتريوتتىق سەزىم مەن ەرىك - جىگەردى تانىتۋدىڭ نىساناسى رەتىندە پايدالانادى. «ساباقتان تىس اسكەري - پاتريوتتىق تاربيە رەتىندە نىشاندار» تاقىرىبىندا دەرەكتى فيلمدەر، كونفەرەنسيالار، اشىق ساباقتار وتكىزىپ كەڭىنەن ناسيحاتتاۋعا بولادى.
اسكەري قىزمەتشىلەردىڭ جالپى مىندەتتەرىن وقىتۋ ارقىلى جاستارعا قازاقستان رەسپۋبليكاسىنىڭ كونستيتۋسياسىن، زاڭدارىن قاتاڭ ساقتاۋعا جانە اسكەري جارعىلاردىڭ تالاپتارىن ورىنداۋ، اسكەري انتقا ادال بولۋ، ءوز حالقىنا جانقيارلىقپەن قىزمەت ەتۋ، ءوز ەلىن قاسىق قانى قالعانشا قورعاۋ، ءوز وتانىنىڭ پاتريوتى بولۋ، ادال، ءتارتىپتى بولۋ، كاسىپ بىلىكتى ۇدايى مەڭگەرۋ، ءوز جولداسىن باعالاۋ، كيىمدى ۇقىپتى كيۋ دەگەن سەكىلدى كوپتەگەن جاقسى قاسيەتتەر ءتۇسىندىرىلىپ، ولاردى بويلارىندا قالىپتاس¬تىرادى.
اسكەري قىزمەتتىڭ قيىندىقتارىن تاباندى وتكەرۋگە العاشقى اسكەري دايىندىق ساباقتارىنىڭ تاقىرىپتارىنان باسقا اسكەري پاتريوتتىق تاربيەنىڭ الار ورنى ەرەكشە دەگەن بولساق قاتەلەسپەگەن بولار ەدىم. اسكەري ءىستى ءجىتى مەڭگەرۋگە دايىن بولۋ ءۇشىن ساباقتان تىس ۇلى وتان جانە اۋعان سوعىسى ارداگەرلەرىمەن كەزدەسۋلەر، اسكەري - سپورتتىق ويىندار مەن ەستافەتالىق جارىستار، اسكەر تاقىرىبىنداعى ەرلىك ساباقتار، قالالىق، وبلىستىق سلەتتەرگە قاتىسۋ، مۇراجايلارعا، ەسكەرتكىشتەرگە، ماڭگىلىك الاۋ اللەياسىنا بارۋ، اسكەري اندەر سايىستارىن وتكىزۋ سەكىلدى ءىس - شارالار وتە ماڭىزدى ءرول اتقارادى.
پاتريوتتىق سەزىمدى جاستارعا ءماندى جانە ماعىنالى سۋسىنداتۋ ءۇشىن العاشقى اسكەري دايىندىق ءپانى جەتەكشىسىنىڭ ءبىلىم، تاجىريبەسى مول جانە جوعارى بولۋى ءتيىس. ىزدەنىس ۇستىندەگى اسكەري جەتەكشى قاي كەزدە دە بولسىن جاستارعا ۇيرەتۋدەن جالىقپايدى. جەتكىنشەك وتان الدىنداعى بورىشىن وتەۋگە بارعاندا وسى مەكتەپ قابىرعاسىندا، دالىرەك ايتساق العاشقى اسكەري دايىندىق ساباعىندا العان تەوريا جانە پراكتيكاسى تولىق جانە ءماندى بولسا اسكەري ءىستىڭ قيىندىعىنا توزۋگە، تەز ۇيرەنىپ كەتۋگە كوپ كومەگىن تيگىزەدى.
جاستاردى اسكەري پاتريوتتىققا تاربيەلەۋ - ورتا ءبىلىم بەرۋ وقۋ ورىندارىنان، ياعني مەكتەپتەردەن باستالادى. مەكتەپ – ءمۇعالىمنىڭ باسشىلىعىمەن جاس ۇرپاققا ءبىلىم بەرۋ، تاجىريبە ماسەلەلەرى جۇزەگە اسىرىلاتىن وقۋ - تاربيە مەكەمەسى، حالىق اعارتۋ جۇيەسىنىڭ نەگىزگى بۋىنى. مەكتەپتەردە جاستاردى جاسىنا جانە سىنىبىنا سايكەس ۇشكە بولەدى: باستاۋىش سىنىپ وقۋشىلارى، ورتا سىنىپ وقۋشىلارى جانە جوعارعى سىنىپ وقۋشىلارى.
باستاۋىش سىنىپتا ءبىلىم ورداسىن ەندى اتتاعان جاس وقۋشىلارعا العاشقى ۇستازدارى ءوزىمىزدىڭ ەگەمەندى تاۋەلسىز ەلىمىز - قازاقستان رەسپۋبليكاسىنىڭ رامىزدەرى (نىشاندارىن) تۇسىندىرۋدەن باستايدى. وسى باستاۋىش سىنىپتا ءبىزدىڭ حالقىمىزدىڭ ۇلتتىق ءتىلى قازاق ءتىلى جۇرگىزىلە باستايدى. قازاق ادەبيەتىن وقي وتىرىپ، اعارتۋشى اعالارىمىزبەن تانىسادى، اقىن - جازۋشىلارىمىزدى بىلە باستايدى. ودان ءارى ورتا سىنىپتا وقۋشىلار قازاق حالقىنىڭ تاريحىمەن جانە قازاقستان رەسپۋبليكاسىنىڭ گەوگرافياسىمەن، كەڭ بايتاق جەرىمەن جانە پرەزيدەنتىمىز بەلگىلەگەن شەكارالارىمەن تانىسادى. ءبىزدىڭ رەسپۋبليكا قانداي ەلدەرمەن شەكارالاس ەكەنىن بىلەدى. تاريح ءپانى ارقىلى جاستار ەگەر دە جاقسى تىڭداپ، دۇرىس تۇسىنە بىلسە كوپتەگەن ماعلۇمات الادى. ءوز تاريحىن، اتا - باباسىن بىلگەن ازامات قانا بولاشاق ءوز ەلىنىڭ قورعاۋشىسى، قازاق ءداستۇرىن جالعاستىرۋشى جانە وسىعان دەيىنگى قازاقتىڭ باتىر بولعان ازاماتتارىنىڭ رۋحىن جوعارى الىپ جۇرەدى.
ارميا جاسوسپىرىمدەردىڭ ازاماتتىق قالىپتاسۋىن اياقتايدى دەسە دە بولادى، جاس، ءارى ورنىقپاعان مىنەزىن شىڭدايدى، ۇيىمشىلدىققا، تارتىپكە ۇيرەتەدى.
اسكەري پاتريوتتىق تاربيە - جاس ورەندى وتاندى قورعاۋعا ۇدايى ءازىر بولۋعا مورالدىق جانە دەنە ءبىتىمى جاعىنان دايارلاۋ بولىپ تابىلادى.
جاستاردىڭ اسكەري - پاتريوتتىق تاربيە تەورياسىن جانە پراكتيكاسىن مەڭگەرۋلەرى، وتاندى قورعاۋ جانە رەسپۋبليكا قارۋلى كۇشتەرىندە ادال بورىشتارىن وتەۋ، ونىڭ حالقى الدىنداعى ازاماتتىق جاۋاپكەرشىلىگىن كامىل ۇعىنۋلارى - وقۋ ورىندارىنىڭ پەداگوگيكالىق ۇجىمىنىڭ اسا ماڭىزدى ءبىر مىندەتى بولىپ تابىلادى.
كەڭەستەر وداعى تاراعان سوڭ، ورتا وقۋ ورىندارىنان العاشقى اسكەري دايىندىق ءپانىن الىپ تاستاۋ - جاستارعا اسكەري پاتريوتتىق تاربيە بەرۋ، ولاردى ارميا قاتارىندا قىزمەت ەتۋگە دايىنداۋ ىسىنە ەداۋىر زيانىن تيگىزدى، ونىڭ اسەرى جالپى ءبىلىم بەرۋ دەڭگەيىندە دە، قارۋلى كۇشتەرىنىڭ جەكە قۇرامىنىڭ مورالدىق ادامگەرشىلىك سيپاتىندا دا كورىنىس تاپتى.
قازاقستان رەسپۋبليكاسى ۇكىمەتى جاسوسپىرىمدەردىڭ وتانسۇيگىشتىك، ەلىنىڭ پاتريوتى مەن ازاماتى بولىپ قالىپتاسۋىنا كوڭىل ءبولىپ وتىر. پاتريوتتىق تاربيە بەرۋ - وقۋشىنىڭ سانالى كوزقاراسىن قالىپتاستىرۋ. العاشقى اسكەري دايىندىق ەنگىزىلۋى، وعان بايلانىستى اسكەري پاتريوتتىق تاربيەنىڭ تەرەڭدەۋى، وتانىمىزدىڭ سانالى جانە بەلسەندى كۇرەسكەرلەرىن تاربيەلەۋگە، ولاردى ەلىمىزدىڭ يگىلىگىنە جانقيارلىقپەن ەڭبەك ەتۋگە، رەسپۋبليكامىزدىڭ مۇددەسىن قورعاۋعا، تالانتتى اسكەري كادرلار دايارلاۋعا جاڭا مۇمكىندىكتەر تۋعىزادى. جاستاردى وتاندى قورعاۋعا دايارلاۋ، جاس ازاماتتاردىڭ پاتريوتتىق تاربيەسىنە تانىمدارىمەن مىنەزدەرىن قالىپتاستىرۋ اۋىر جانە سان قىرلى ءۇردىس. «وتاندى ءسۇيۋ وتباسىنان باستالادى»، وتانسۇيگىشتىك قاسيەتتى قالىپتاستىرۋدا وتباسى تاربيەسىنىڭ ماڭىزى زور. پاتريوت، ەرجۇرەك ادامدى، تاباندى كۇرەسكەرلەردى تاربيەلەۋدىڭ نەگىزى وقۋ ورىندارىندا قالانادى.
اسكەري - پاتريوتتىق تاربيە جاسوسپىرىمدەردى ەلىنە دەگەن سۇيىسپەنشىلىككە، ۇلتتىق ارميا ساپىندا ادال قىزمەت اتقارۋعا، ازاماتتىق، ادامگەرشىلىك قاسيەتتەردى بويىنا سىڭىرۋگە باۋليدى. بالا ءاردايىم ومىرگە قىزىعا قارايدى، ءبارىن ۇيرەنگىسى كەلەدى، ەلىنە كەرەكتى ازامات بولىپ وسكىسى كەلەدى.
ءپاننىڭ مىندەتى كەلەشەكتە وتانىن، جەرىن، ەلىن قورعاي الاتىن، ۇلتتىق نامىسى مول، جىگەرلى ۇل - قىز تاربيەلەۋ، اسكەر قاتارىنا ساۋاتتى، مورالدىق جاعىنان دايىن ازامات دايارلاۋ. ساباق بارىسىندا ۇجىمدىق قورعانىس جۇمىستارىنا، ساباقتان تىس ۋاقىتتا جاتتىعۋ جۇمىستارىن وتكىزۋگە اسا كوڭىل بولىنەدى. ۇجىمدىق قورعانىس جۇمىستارى العاشقى اسكەري دايىندىقتى وقىتۋدىڭ نەگىزگى ءبىر ءبولىمى. وقۋشىلار تەوريالىق ساباقتا العان بىلىمدەرىن ۇجىمدىق قورعانىس جۇمىستارى كەزىندە ىسكە اسىرىپ، وزدەرىنىڭ بىلىمدەرىن، بىلىكتىلىك داعدىلارىن ارتتىرادى.
پاتريوتتار دايارلاۋداعى جاۋاپكەرشىلىكتى نەعۇرلىم تەرەڭ سەزىنىپ، بار مۇمكىندىكتى پايدالانىپ، شىنىققان دا، شىمىر وتانسۇيگىش ازاماتتار دايارلاۋ ىسىندە العاشقى اسكەري دايىندىق ءپانى مۇعالىمدەرىنە ۇلكەن تالاپ قويىلادى، سوندىقتان ولارعا ءوز ءىسىنىڭ جەتىك مامانى بولۋ جەتكىلىسىز، سونىمەن قاتار ءبىلىمدى، تىڭ اقپاراتتاردان حابارى مول بولۋى شارت.
قازاق حالقىنىڭ تاربيە جۇيەسىندە جاس ۇرپاقتى، قوعام مۇشەلەرىنىڭ وتانعا، حالقىنا، ەلگە، جەرگە دەگەن سۇيىسپەنشىلىككە تاربيەلەپ، مۇنى ولاردىڭ بويىنا ءسىڭىرىپ قالىپتاستىرۋ جەتەكشى ورىن الادى. ويتكەنى وتان، حالىق، ەل، جەر دەگەن ۇعىم وتە اۋقىمدى.
سونىڭ ءبىر ماڭىزدىسى، تاريحي تۇرعىدا قالىپتاسقان جانە ۇرپاقتان - ۇرپاققا بەرىلىپ وتىراتىن بەلگىلى ءبىر قوعامدىق، قۇرىلىستان تۋىنداعان «جاۋىنگەرلىك داستۇرلەر» بولىپ تابىلادى.
اسىرەسە، بۇل داستۇرلەر جاستاردى پاتريوتتىق رۋحتا تاربيەلەۋگە باعىتتالعان XV عاسىردىڭ ورتاسىنان باستاپ قازاقتىڭ ۇلتتىق مەملەكەتىن قۇرۋ كەزەڭى، وندا قازاق مەملەكەتىنىڭ تاۋەلسىزدىگىن قورعاۋدا ەسىمى اسا قۇرمەتپەن ايتىلاتىن: قاسىم حان، حاقنازار حان، تاۋكە حان، ءابىلقايىر حان، تاۋەكەل حان، ەسىم حان، ابىلاي حاندار ەرلىكتەرى بولسا، وتان قورعاۋدا وزدەرىنىڭ قابىلەتتىلىگىمەن، جەكە باسىنىڭ ەرلىگىمەن حالىق جادىندا ۇمىتىلماس تۇلعا بولىپ قالعان: قابانباي، قاراساي، بوگەنباي، جانىبەك، ناۋرىزباي، ت. ب. باتىرلار باعا جەتپەس اسكەري دارا باسشىلىق تاجىريبەسىن جانە قازاق اسكەري ونەرىنىڭ دامۋىنا اسا زور ۇلەس قوسقاندىعى.
اسكەري - پاتريوتتىق تاربيەنىڭ ەرەكشەلىگى بولىپ ونىڭ شەشىمىن تابۋعا ارنايى دايارلانعان ادامداردىڭ پەداگوگتاردىڭ عانا ەمەس، قوعامنىڭ تولىق قامتىلۋى سانالادى. وسىعان وراي اسكەري - پاتريوتتىق تاربيە بويىنشا جۇمىستاردى مىندەتتى ءبىلىم مەكەمەلەرى قىزمەتكەرلەرىنەن باسقا، وتباسى، مەملەكەتتىك جانە قوعامدىق ورگاندار مەن ۇيىمدار، بۇقارالىق اقپارات قۇرالدارى، تەلەارنالار، راديو مەن باسپاسوزدەر ۇلكەن رولگە يە بولادى. ال بۇل جاستاردى وقۋدان تىس ۋاقىتتا ىقپال ەتەتىن وتباسىنىڭ، ءار ءتۇرلى مەكەمەلەر مەن ۇيىمداردىڭ، تەلەارنالار، راديو مەن باسپاسوزدەردىڭ تاربيەلىك مۇمكىندىكتەرىن وقىتۋشىنىڭ پايدالانىلۋى ءتيىس دەگەندى بىلدىرەدى.
قازىرگى ەگەمەندىك جاعدايىندا مەملەكەتىمىزدە ەركىن ساياسي جۇيەنى دامىتۋ، ەلىمىز ءومىرىنىڭ بارلىق سالاسىن دەموكراتيالاندىرۋ، مەملەكەت پەن قوعام اراسىنداعى سەنىمدىلىك شارالارى مەن ءوزارا ديالوگتى نىعايتۋ، ءبىزدىڭ ورتاق ۇيىمىزدە بەيبىتشىلىك پەن ىنتىماقتاستىقتى ورناتۋ ءاربىر قازاق ازاماتىنان ۇلتتىق پاتريوتتىق سەزىمىن دامىتۋدى تالاپ ەتەدى. ساياسي - الەۋمەتتىك ومىردەگى كوڭىلگە قونبايتىن جاعىمسىز جاعدايلاردىڭ ءوزى دە جاستاردى ادامگەرشىلىككە، جوعارى يدەيالىق سەنىمگە، ەكسترەميزمگە قارسى كۇرەسۋگە، قوعامنىڭ رۋحاني جانە ادامي كۇندىلىقتارىن باعدارلاي ءبىلۋ ىسكەرلىگىن قالىپتاستىرۋعا شاقىرادى.
پاتريوتتىق تاربيە تاربيەنىڭ بارلىق باعىتتارىمەن بىرگە جۇزەگە اسىرىلادى. پاتريوتتىق تاربيەنىڭ سوڭعى ناتيجەسى رەتىندە پاتريوتتىق سانا ءوز وتانىن وركەندەتۋ جولىنداعى كۇرەستە، ونى نىعايتۋ مەن قورعاۋ جولىنداعى ءىس - ارەكەتتە كورىنىپ، باعالانادى، ءسويتىپ سول ارقىلى ءتيىستى ەرلىك جاۋىنگەرلىك جانە ۇلتتىق داستۇرلەردى تۇزە وتىرىپ، كەيىننەن تاربيەلەۋشى فاكتورعا اينالادى.
ءسوز سوڭىندا، ەلىمىزدە وسكەلەڭ ۇرپاقتاردىڭ وتانعا دەگەن پاتريوتتىق سەزىمدەرىن وياتۋ جانە ودان ءارى ارتتىرۋ ماقساتىندا مىنانداي ۇسىنىستار ايتا كەتۋ ابزال
سونىمەن قاتار، قايتادان ەلىمىزدەگى اسكەري - پاتريوتتىق باعىتتاعى كلۋبتاردىڭ جۇمىستارىن جاڭعىرتۋ. ياعني، قانداي دا اسكەري سالا بولماسىن قۇرلىق اسكەرى، اۋە قورعانىسى، ىشكى اسكەرى، شەكارا قىزمەتى تاعى دا باسقا اسكەري ۇيىمدارمەن ءوز كولەمىندە تىعىز بىرلەسە ارەكەتتەسۋ ماسەلەسىن العا قويۋ.
اسكەري دايىندىقتى ودان ءارى دامىتىپ، قولداۋ كورسەتىپ، جاستاردىڭ ەلىمىزدىڭ لايىقتى ازاماتى بولىپ وسۋىنە ات سالىسۋىمىز كەرەك.