InfoHub Logo

قازاقستاندا ءبىرقاتار جوو جەكەمەنشىككە بەرىلۋى مۇمكىن. ق ر قارجى مينيسترلىگى بىرنەشە جوعارعى وقۋ ورنىن  ساتىلىمعا شىعاردى.

اۋكسيون 2019 جىلى 7 ناۋرىزدا وتەدى. بۇل كۇنى اعىلشىن تاسىلىمەن، ياعني باعانىڭ جوعارىلاۋىمەن ءباسساۋدا وتەدى. ەڭ جوعارعى باعانى ۇسىنعان تۇلعا جەڭىمپاز اتانادى.

ساتىلىمعا ابىلاي حان اتىنداعى قازاق حالىقارالىق قاتىناستار جانە شەت تىلدەرى ۋنيۆەرسيتەتى، و.بايقوڭىروۆ اتىنداعى جەزقازعان ۋنيۆەرسيتەتى، قازاق باس ساۋلەت قۇرىلىس اكادەمياسى، الماتى ەنەرگەتيكا جانە بايلانىس ۋنيۆەرسيتەتى شىعارىلدى.

بارلىق نىسانداردىڭ 35%-ى ساتىلىمعا قويىلعان.

باستاپقى باعالارى ءارتۇرلى. ابىلاي حان اتىنداعى قازاق حالىقارالىق قاتىناستار جانە شەت تىلدەرى ۋنيۆەرسيتەتى باستاپقى باعامەن 1 711 278 931،00 تەڭگەگە شىعارىلىپ جاتىر. كەپىلدىك سالىمى -  75 750 000،00 تەڭگە. وتىنىمدەر 7 ناۋرىزدا تاڭعى 8-دەن قابىلدانادى.

و.بايقوڭىروۆ اتىنداعى جەزقازعان ۋنيۆەرسيتەتىنىڭ ساۋداسى 336 396 978،00 تەڭگەمەن شىعارىلىپ جاتىر.

قازاق باس ساۋلەت قۇرىلىس اكادەمياسىنىڭ باستاپقى باعاسى - 2 522 061 695،00 تەڭگە، الماتى ەنەرگەتيكا جانە بايلانىس ۋنيۆەرسيتەتى - 1 401 617 089،00 تەڭگەگە باعالانىپ وتىر.

سونىمەن قاتار رەسپۋبليكالىق سۋ  سپورتى شەبەرلىگى مەكتەبى  331 060 000،00 تەڭگەمەن ساتىلىمعا شىعارىلدى.

نىسان ەلەكتروندى تەندەر بويىنشا ساتىلادى. بۇل جاعدايدا قاتىسۋشىلار وزدەرى قالاعان باعالارىن ۇسىنىس رەتىندە ەلەكتروندى كونۆەرتكە سالىپ، رەەستردىڭ مەملەكەتتىك ۆەب-پاراقشاسىنا قويادى.

---