قازاقستاندا جەكەمەنشىك مەكتەپتەردىڭ سانى 400-دەن استى
ق ر ءبىلىم جانە عىلىم مينيسترلىگى «قارجى ورتالىعى» اق باسقارما ءتوراعاسى اسقار يبرايموۆ جان باسىنا شاققانداعى نورماتيۆتىك قارجىلاندىرۋ اياسىندا جەكەمەنشىك مەكتەپتەردى سالۋعا قاتىستى تۇسىنىك بەردى.
«بۇگىنگى كۇندە ورتا ءبىلىم بەرۋ سالاسىنداعى ماڭىزدى مىندەتتەردىڭ ءبىرى – جۇكتەمەسى جوعارى مەملەكەتتىك مەكتەپتەرگە دەگەن اۋىرتپالىقتى ازايتۋ، سونداي-اق ءبىلىم بەرۋ ساپاسىن ارتتىرۋ ءۇشىن تارتىستا مەكتەپتەر اراسىندا باسەكەلەستىكتى دامىتۋ. 2018 جىلدان باستاپ جەكەمەنشىك ءبىلىم بەرۋ ۇيىمدارىندا ورتا ءبىلىم بەرۋگە مەملەكەتتىك ءبىلىم بەرۋ تاپسىرىسىن ورنالاستىرۋ مۇمكىندىگى زاڭدى تۇردە بەكىتىلدى. جان باسىنا شاققانداعى قارجىلاندىرۋ ادىستەمەسىندە جەكەمەنشىك مەكتەپتەر ءۇشىن جان باسىنا شاققانداعى نورماتيۆ ايقىندالدى»، - دەدى ا. يباريموۆ.
ادىستەمەگە سايكەس جان باسىنا شاققانداعى ءنورماتيۆتىڭ مولشەرى ەكى كومپونەنتتەن تۇرادى، ولار:
- مەملەكەتتىك جالپىعا مىندەتتى ءبىلىم بەرۋ ستاندارتىن (مجمبس) ىسكە اسىرۋعا ارنالعان وپەراسيالىق شىعىستار. جاڭادان ىسكە قوسىلاتىن جەكەمەنشىك مەكتەپتەر ءۇشىن اعىمداعى جىلعا نورماتيۆ ورتاشا ەسەپپەن 532 مىڭ تەڭگەنى قۇرايدى.
- جىلىنا جاڭادان ەنگىزىلگەن ءاربىر وقۋشى ورنى ءۇشىن عيماراتتىڭ امورتيزاسياسىنا ارنالعان شىعىستار:
- قۇرىلىس جاعدايىندا - 96 اەك (294 مىڭ تەڭگە)،
- رەكونسترۋكسيا جاسالعان جاعدايدا - 47 اەك. (143 مىڭ تەڭگە).
«ونىمەن قوسا، ينۆەستوردىڭ مەكتەپتە بالاعا جاقسارتىلعان جاعدايلاردى ۇسىنعانى ءۇشىن اتا-انا تولەماقىسىن الۋعا قۇقىعى بار. مەملەكەتتەن تولەمدەر مەرزىمى اياقتالعاننان كەيىن، نىسان قۇرىلىس سالۋشىنىڭ مەنشىگىندە قالادى. الايدا، شارتتارعا سايكەس مەكتەپتىڭ نىسانالى ماقساتىن وزگەرتۋگە شەكتەۋ 20 جىل مەرزىمگە تىركەلەدى»، - دەدى ورتالىق باسشىسى.
جوبالارعا قاتىسۋ ءۇشىن كاپيتال نەمەسە قارىز قاراجاتىن تارتۋعا مۇمكىندىك، سونداي-اق جەر ۋچاسكەسى بولۋ قاجەت.
«2019-2021 جىلدارى 287 جەكەمەنشىك مەكتەپ (94 696 ورىندىق) اشىلدى. جالپى، ەلىمىزدە جەكەمەنشىك مەكتەپتەردىڭ جالپى سانى 408-گە جەتتى»، - دەدى ول.
وڭىرلەر بويىنشا جەكەمەنشىك مەكتەپتەردى اشۋدا كوشباسشىلار رەتىندە تۇركىستان وبلىسى (56)، شىمكەنت قالاسى (52)، الماتى قالاسى (41)، نۇر-سۇلتان قالاسى (29)، جامبىل وبلىسى (30)، الماتى وبلىسى (17)، قىزىلوردا وبلىسى (16)، ماڭعىستاۋ وبلىسى (14) جانە اقتوبە وبلىسى (8) بولدى.
You Might Also Like
-
ق ر ءبىلىم جانە عىلىم مينيسترلىگى «ءوزىن-وزى تانۋ» پانىنە قاتىستى مينيسترلىك وكىلدەرىنىڭ كوزقاراسى تۋرالى ءمالىم ەتتى.
-
سەركە – كوسەم. بوراندى كۇندە ادۋىن كۇشكە توتەپ بەرگەن ءتول باسشى. قازاق كوگىندە ءبىر-اق رەت جارق ەتتى. شوقتىعى بيىك جۇلدىز ەدى. ونسىز ءبىزدىڭ اسپان سۇڭقيىپ قالعانداي. زامانا ءوتتى. ەسكە الىپ، ەسى...
