قازاقستاندا وتكەن 2 جىلدا 39 مامانداندىرىلعان IT-ليسەي اشىلدى
قازاقستاندا وتكەن 2 جىلدا 39 IT-ليسەي اشىلدى. بۇگىندە بۇل ءبىلىم وردالارىندا 55 مىڭعا جۋىق وقۋشى ءبىلىم الىپ جاتىر.
IT-ليسەيلەر جاڭا موديفيكاسيالىق ۇلگىدەگى كابينەتتەرمەن جانە زاماناۋي IT قۇرالدارمەن جابدىقتالعان. بالالار ءۇشىن اقپاراتتىق-كوممۋنيكاسيالىق تەحنولوگيالاردى تەرەڭ زەرتتەۋگە باعىتتالعان ارنايى ءبىلىم بەرۋ باعدارلامالارى ازىرلەندى.
اتالعان ءبىلىم بەرۋ باعدارلامالارىمەن 7-11 سىنىپ وقۋشىلارى قامتىلعان. مامانداندىرىلعان IT ليسەيلەردە وقۋعا نيەت بىلدىرگەن ءبىلىم الۋشىلار ءتۇسۋ ەمتيحاندارىن تاپسىرادى.
وقۋشىلار باعدارلامالاۋ داعدىلارى، 3D ديزاين، روبوتوتەحنيكا جانە باسقا دا باعىتتار بويىنشا ءبىلىم الادى.
وسىنداي ليسەيلەردىڭ اشىلۋى، جاڭا ءبىلىم بەرۋ باعدارلامالارىن ەنگىزۋ، سونداي-اق پەداگوگتەردىڭ قولداۋىنىڭ ناتيجەسىندە IT-ليسەيلەردەگى ءبىلىم الۋشىلار سيفرلىق ستارتاپتار قۇرىپ، ءوز جوبالارىن ازىرلەپ جاتىر. سونىمەن بىرگە قازاقستاندى الەمدىك ارەنادا لايىقتى دەڭگەيدە تانىتىپ كەلەدى.
مىسالى، كوكشەتاۋ قالاسىنداعى IT-ليسەيدىڭ وقۋشىسى Caspian Start-UP 2021 حالىقارالىق عىلىمي جوبالار بايقاۋىندا جەڭىسكە جەتتى. بايقاۋعا كاسپيي ماڭى ەلدەرىنەن 90-عا جۋىق وقۋشى مەن كوللەدج ستۋدەنتتەرى قاتىستى. جاس دارىن يەلەرى يننوۆاسيالىق تەحنولوگيالار سالاسىنداعى وزدەرىنىڭ اۆتورلىق جوبالارىن تانىستىردى.
«ەلىمىزدە وسىنداي مامانداندىرىلعان IT-ليسەيلەردىڭ اشىلعانىنا قۋانىشتىمىن. ناتيجەسىندە ءبىز بارلىق سيفرلىق تەحنولوگيانى ساپالى تۇردە زەرتتەيمىز. ماسەلەن، مەن ستارتاپتار بايقاۋىندا ءوزىمنىڭ اۆتورلىق جوبامدى تانىستىردىم. ماعان كومەكتەسكەن مۇعالىمدەرىم مەن عىلىمي جەتەكشىمە العىسىم شەكسىز. قول جەتكىزگەن جەتىستىكتەرىم لايىقتى باعالانىپ، ءبىلىم بەرۋ گرانتىن العانىما قۋانىشتىمىن»، – دەدى Caspian Start-UP 2021 جەڭىمپازى اسىلحان قوشانوۆ.
You Might Also Like
-
اسپان استى جەر ۇستىندە، ەۆرازيا ĸەڭىستىگىندە مەĸەن ەتĸەن-بايتاق مەملەĸەت. تۋلاعان جان مەن قايناعان قاننىڭ توعىسىپ، ازاتتىق دەيتىن قاسيەتتى ۇعىمنىڭ تاعدىرى تالاي مǝرتە سىنالعان سǝتتە ەش قايىسپاعان، ...
