قازاقستاننان اقش-قا كەتىپ قالعان ستۋدەنت: ءوز جەرىم تۋرالى ەشقاشان جامان جازعان ەمەسپىن
بىرنەشە كۇننەن بەرى وتاندىق باق-تىڭ بەتىنەن تۇسپەگەن قازاقستاندىق ستۋدەنت تەمىر حان Exclusive پورتالىنا سۇحبات بەرىپ، ءوز وتانى تۋرالى جاماندىق ايتپاعانىن العا تارتتى.
شۋلى پوستتىڭ اۆتورى كوپتەگەن باسىلىمدار ونىڭ ءسوزىن دۇرىس بەرمەگەنىن ايتىپ، سۇحبات بەرۋگە بەل بۋعان.
"مەن بۇل پوستتىڭ مۇنشالىقتا تانىمال بولاتىنىن ءتىپتى بولجاماپپىن. بۇعان دەيىن وسى مازمۇنداعى پوستتار جازىپ كورگەن ەمەسپىن. مەنىڭ وقيعام - كادىمگى كەز-كەلگەن جاس ازاماتتىڭ وقيعاسى. بىرەۋلەر "بايدىڭ بالاسى" دەپ ايىپتاپ جاتىر. امەريكادا تۇرساڭ، بىزدىكىلەر ءۇشىن "بايدىڭ بالاسى" بولىپ شىعا كەلەسىڭ. مەنىڭ اتا-انام - قاراپايىم ادامدار، باي وتباسىنان شىققان جوقپىن. ءبىراق كەزىندە ولار بارىنشا مەن ءۇشىن تىرىستى، سونىڭ ارقاسىندا مەن ءبىلىم الىپ، دامىدىم"، - دەيدى وتانداسىمىز.
ايتۋىنشا، ادامداردىڭ وعان دەگەن ىزاسىنىڭ سەبەبى دە تۇسىنىكتى. ول امەريكاداعى تەك كوڭىلدى وتكىزگەن ۋاقىتىنان سىر شەرتەتىن سۋرەتتەردى عانا سالىپ وتىرعان: سۇلۋ قىزدارمەن قۇشاقتاسىپ تۇرعانى، كاليان شەككەنى، كابريولەتتە وتىرعانى، سەرفينگتە جۇرگەنى.
"ءبىراق وسىنىڭ ءبارى ماعان ماڭداي تەرمەن كەلگەن: ءجاسوسپىرىم شاعىمدا مەن كومپيۋتەرلىك كلۋبتار مەن تۇنگى كلۋبتاردىڭ ورنىنا كىتاپحانادا وتىرىپ، فرانسۋز جانە اعىلشىن ءتىلىن وقىدىم. قازۇۋ-دى بىتىرگەن سوڭ Work and Travel باعدارلاماسى بويىنشا اقش-قا اتتاندىم. داياشى، تاكيست بولىپ جۇمىس ىستەدىم. 120-150 دوللار الىپ تۇردىم. ودان كەيىن وعان قول سىلتەپ، ەكونوميكالىق ءبىلىمىمدى جەتىلدىرۋگە بەل بۋدىم، اعىلشىن ءتىلىن جەرگىلىكتى ازاماتتاردان كەم بىلمەيتىنىمدى دالەلدەدىم"، - دەپ جالعاستىردى تەمىر.
وتانداسىمىز جالعىز تۇرىپ، بارلىق شىعىندى ءوزى تولەپ تۇراتىنىن ايتتى. بەدەلدى قارجى كومپانياسىندا قىزمەت ەتەتىن جىگىتتىڭ گرينكارتاسى بار ەكەن. ءبىراق ازاماتتىعىن ءالى اۋىستىرماپتى.
"امەريكا ماعان وڭ كوزبەن قارادى. بارىنە سونداي قاتىناس تانىتادى. ءبىراق مەن امريكانىڭ جاقسى كورەتىندىگىم - وتانىمدى جەك كورەم، ماعان بارلىق بەرگەن دۇنيەسى ءۇشىن رازى ەمەسپىن دەگەن ءسوز ەمەس"، - دەيدى ول.
تەمىر تەرىس كوممەنتاريلەرگە رەنجىمەيتىنىن ايتادى. ول ءبارىن جاپپاي اقش-قا كوشۋگە شاقىرماعانىن دا العا تارتادى، تەك قاي جەردە ءناپاقاڭدى تابا الاسىڭ، سول جەرگە اياق باسۋ كەرەك ەكەندىگىن مەڭزەگەنىن سوزگە تىلگە تيەك ەتتى.
"ەگەر ءسىز وتانىمىزدا جاقسى قىزمەت تاۋىپ، ءومىر ءسۇرىپ جاتساڭىز، ءسىز ءۇشىن شىن جۇرەكتەن قۋانىشتىمىن. مەن دە اياعىما تىك تۇرعىم كەلدى، ءبىراق كوپتەگەن باسقا جىگىتتەر سياقتى مەنىڭ ەلدە جولىم بولمادى"، - دەيدى تەمىر.
سۇحباتتى وتانداسىمىز: "مەن وتانىمىزدى جاقسى كورەمىن. ەلىمىز تۋرالى ەشقاشان جاماندىق جازعان ەمەسپىن. ءبىراق وتاندى بيۋروكراتيامەن شاتاستىرۋدىڭ قاجەتى جوق. ءبارىن ءبىر اللا كورىپ تۇر. امەريكادا مەن قازاق بولىپ قالدىم"، - دەپ اياقتادى.
ەسكە سالا كەتسەك، بۇعان دەيىن حابارلاعانىمىزداي، اقش-تى كورگەن قازاق بالاسى قازاقستاننان سانالى تۇردە باس تارتتى.
الەۋمەتتىك جەلىلەردە بەلسەندىلەر اقش-تى كورىپ، ەندى ەلگە قايتىپ ورالعىسى كەلمەي قالعان قازاقستاندىق ستۋدەنتكە جارىسىپ جاۋاپ جازدى. وتانداستارىمىز ستۋدەنتتى سىناپ، "جار سالىپ كەتۋدىڭ قاجەتى شامالى" ەكەنىن ايتقان.
سونىمەن قاتار بىرەر كۇن بۇرىن Facebookء-تىڭ باسقا قولدانۋشىسى ەركىن باحازاتحان قازاقستاننان شەتەلگە كەتۋدىڭ باستى سەبەپتەرىن تىزبەكتەپ بەرگەنەدى.
You Might Also Like
-
كەشە استانادا وتكەن «جاس مەديا. اقپاراتتىق تەحنولوگيالار مەن قازاقستان مەديا سالاسىنىڭ زاماناۋي تۇجىرىمداماسى» اتتى فورۋمدا وقۋشىلارمەن كەزدەسكەن ءبىلىم جانە عىلىم ءمينيسترى ەرلان ساعاديە...
-
بۇگىن ساباققا ەكى قىزىل ادەمى الما الىپ كەلدىم. بالالار مۇنى كورمەدى، ءبىراق المانىڭ بىرەۋىن بىلدىرتپەي، بىرنەشە رەت ەدەنگە ۇرىپ الدىم، ال سىرتىنان ولار بىردەي-تۇعىن.
