InfoHub Logo

تاقىرىبى: قازاقتىڭ ويۋ - ورنەكتەرى
ەرەسەكتەر مەن مەكتەپ الدى توبى.
ماقساتى. بالالارعا قازاقتىڭ ويۋ - ورنەكتەرى تۋرالى تۇسىنىك بەرۋ. حالىق شەبەرلەرىنىڭ ەڭبەكتەرىنە قۇرمەتپەن قاراۋعا، ۇلتتىق سالت - ءداستۇردى جالعاستىرۋعا تاربيەلەۋ. اپپليكاسيا، قۇراستىرۋ ارقىلى قازاق ويۋ - ورنەكتەرىنە قىزىعۋشىلىعىن ارتتىرۋ.
كورنەكىلىكتەر: جەلىم، ءتۇرلى - ءتۇستى قاتىرما قاعاز.
ءادىس - تاسىلدەرى. ۇيرەتۋ، كورسەتۋ، ايتىپ ءتۇسىندىرۋ، ەستەرىنە ءتۇسىرۋ.
بيليگۆالدى كومپونەنت: ورنەك - ۋزورى

ساباقتىڭ بارىسى:
1. ۇيىمداستىرۋ. بالالار مۋزىكا اۋەنىمەن توپقا كىرەدى.
جىلۋلىق شەڭبەرى. بالالار ءبىر - بىرىمەن قۇشاقتاسىپ امانداسىپ ورىندارىنا وتىرادى.
تاربيەشى:
- ءقازىر جىلدىڭ قاي مەزگىلى؟
- بۇگىن اپتانىڭ قاي كۇنى؟
- بالالار ءبىز قاي مەلەكەتتە تۇرامىز؟
- قازاقستاننىڭ استاناسى قاي قالا؟
- سەندەر قاي ۇلتتىڭ بالاسىسىڭدار؟ بالالار ءار حالىقتىڭ وزىنە ءتان ۇلتتىق بەلگىلەرى بار. ءبىزدىڭ ءوز رامىزدەرىمىز، ءتىلىمىز، سالت - ءداستۇرىمىز بار. قازاق حالقىنىڭ وزىنە ءتان ەرەكشەلىكتەرىنىڭ ءبىرى - ۇلتتىق ويۋ - ورنەكتەرى. ول ويۋلاردى سەندەر كۇندە كورىپ جۇرسىڭدەر.
مىسالى: كوك تۋىمىزدىڭ جيەگىندە ويۋمەن اشەكەيلەنگەن بەلگىسى بار.
بالالار سەندەر قانداي ويۋ - ورنەك تۇرلەرىن بىلەسىڭدەر؟(قايتالاۋ)
ولاي بولسا مەن سەندەرگە ويۋ - ورنەك تۇرلەرىن كورسەتەمىن. سەندەر ەستەرىڭە ءتۇسىرىپ، اتاپ بەرىڭدەر.
تەلەديداردان بەينە كورىنىس.

ال، بالالار بىزگە قوناققا ۇلتتىق ويۋ - ورنەك تۇرلەرىن جەتە مەڭگەرگەن شەبەر اجەمىز كەلىپ وتىر.
اجە: امانسىڭدار ما، نەمەرەلەرىم!
قانە، كىم ويۋ - ورنەك تۋرالى ماقال - ماتەلدەر بىلەدى؟
مۋنيرا: شەبەردىڭ ساۋساعى التىن
ويۋ ويعان سىزۋ دا سىزادى.
دانيال: ءوز ۇيىندە ويۋ ويماعان
كىسى ۇيىندە سىزۋ سىزادى.
ايگەرىم: كەدەيمىن دەپ قىسىلما
ونەرىڭ بولسا قولىڭدا.
ونەرلىنىڭ ىرىسى
جارقىراپ جاتقان جولىندا.
تاربيەشى: بالالار قازاقتىڭ ويۋ - ورنەگى تۋرالى نە بىلەسىڭدەر؟
اقىلبەك: مەنىڭ تۇسىنگەنىم ويۋ - ورنەك دەگەنىمىز ساندىك، كوركەمدىك، تازالىق، سۇلۋلىق، شات كوڭىل دەپ ويلايمىن.
دۋلات: ويۋ - ورنەك سالعان ادامنىڭ جۇرەگى نازاك، جانى تازا بولادى.
الماس: ويۋ - ورنەك عاسىردان - عاسىرعا، ۇرپاقتان - ۇرپاققا جالعاسىپ كەلە جاتقان مادەني مۇرا.
ايىم. ءبىزدىڭ قازاق شەبەرلەرى ويۋ - ورنەك تۇرلەرىن جەتە مەڭگەرگەن.
مىسالى: كوك ءتۇس - اسپاننىڭ
قىزىل ءتۇس - قۋانىشتىڭ،
سارى ءتۇس - اقىلدىڭ،
قارا ءتۇس - جەردىڭ سيمۆولى،
جاسىل ءتۇس - كوكتەمنىڭ بەلگىسى.
نۇرداۋلەت: ءبىزدىڭ قازاقتىڭ ويۋ - ورنەگى ۇرپاقتان - ۇرپاققا كوشىپ، ءبىزدىڭ زامانىمىزعا جەتتى.

ديداكتيكالىق ويىن: ورنەكتەردى كىم تەز انىقتايدى؟
تاربيەشى: ءبىزدىڭ ۇلتتىق كيىم-كەشەكتەر باسقا ۇلتتار سياقتى ءوز ويۋ - ورنەكتەرىمەن كوزگە تۇسەدى. قازاقتىڭ ۇلتتىق كيىمدەر توپتاماسىنان تۇراتىن ءسان ۇلگىلەرىن كورسەتەيىك.
بالالار مۋزىكا اۋەنىمەن ۇلتتىق ءسان ۇلگىلەرىن كورسەتەدى.

سەرگىتۋ ءساتى
ورنىمىزدان تۇرايىق،
موينىمىزدى بۇرايىق.
ويۋلاردان ءار ءتۇرلى،
كورپەشە جاساپ الايىق.
وڭعا، سولعا ءبىر قاراپ،
دەنەمىزدى بۇرايىق.
تاربيەشى:
قازاقتىڭ ويۋ-ورنەك دەگەن ءسوزىنىڭ ماعىناسى ساندەۋ، اسەمدەۋ. كۇندەلىكتى تۇرمىستا ءۇي جيhازدارىندا، سىرماق، تەكەمەت، كورپەشە، بوستەك، ساندىق، كەبەجە سونداي - اق كيىم-كەشەكتەردە بەزەندىرۋدە قولدانىلادى.
تاپسىرما: گەومەتريالىق پىشىندەردەن ورنەك قۇراستىرىپ،(ورنەكتىڭ اتى "بەس تاڭبا") اپپليكاسيا ادىسىمەن كورپەشە جاساۋ. الدىن الا قيىلىپ الىنعان پىشىندەردى ۇلگى بويىنشا قاعاز بەتىنە قۇراستىرىپ، ولاردى بىرتە - بىرتە جەلىمدەپ شىعامىز.
اجە: وي اينالايىن ءبارىڭ ونەرلى، شەبەر، العىر ەكەنسىڭدەر!(ەڭبەكتەرىن باعالاپ، باتاسىن بەرەدى)

قورىتىندى: كورمە ۇيىمداستىرىپ، بالالاردىڭ ەڭبەگىن باعالاپ، وقۋ قىزمەتىنە بەلسەندى ارالاسقان بالالاردى ماقتاپ، ماراپاتتاۋ.