InfoHub Logo

وسى بىتىمنەن قايتىپ كەلە سالا قازىبەك ەلىن سارىارقاعا كوشىرىپ بۇل جەردى اتامەكەندىك قونىس ەتەدى. ءبىراق ءالى دە ول قونىسقا كوشىپ بولماعان ەلدىڭ سوڭعى بولەگىن، سوڭداي-اق قازىبەككە نيەتتەس كىشى ءجۇزدىڭ ءبىر بولەگىن ءقوڭتاجى تاعى شاپتىرىپ الادى. قازىبەككە شابىلعان ەلدەن حابارشى كەلەدى. سونىمەن قازىبەك تاعى دا قالماققا تارتادى. بي بۇل جولى ءقوڭتاجىنىڭ الدىنا كىسەسكەن سەرت قويىپ، مۇنداي شابىنشىلىق ەندىگىارى قايتالامايتىنداي ەتۋگە، نەمەسە ءبىرجولا بىتىسپەسكتەن كەتۋگە بەتتەپ، اتتانادى.

«كورگەن جەردە كوكە بار» دەگەندەي ءقوڭتاجىنىڭ ورداسىنا تاياپ كەلگەندە، وتكەلدە تۇرعان ءبىر جاستاۋ قىز قازىبەكتىڭ قايدا بارا جاتقان ءجونىن سۇراپتى. قازىبەك قىزعا ءقوڭتاجى حانعا ەلشىلىكپەن بارا جاتقانىن ايتىپتى. قىز وعان:

— ەلشى بولساڭ، قازاقتىڭ قازىبەگى بولارسىڭ، ەسەبىڭ بىتسە، مەنى دە ەسكە الارسىڭ، — دەپتى.

قازىبەك ءقوڭتاجىنىڭ ورداسىنا ءتۇسىپ:

— و، حان، سەن ەل شابۋدى قويمادىڭ، مەن ەلشىلىككە كەلۋدەن تانبادىم.

ءقوڭتاجى بۇعان:

— قازىبەك بي، دۇرىس ايتاسىڭ. سەنىڭ قارشاداي ون ءتورت جاسار كۇنىندە تايسالماي تۇرىپ ايتقان سوزدەرىڭدى ەسىتىپ: «شىركىن-اي، مىنادان ءبىر تۇقىم الار ما ەدى؟» دەپ ويلادىم. سودان بارىپ قازىمبەتتەي ۇلىڭدى الدىردىم. ءبىراق سەن كەلىپ: «ەرىمنىڭ ءوزى قايتپاي تۇرىپ، ءبىتىم ەتپەيمىن!» دەدىڭ. نە، بىزگە ءتىلىڭدى كەسىپ تاستاپ كەتپەدىڭ. سودان كەيىن مەنەن ىرگەڭدى اۋلاق سالىپ، ءارى كوشتىڭ. سەنى قايتا ءبىر كەلتىرۋ ءۇشىن
مەن ارتتا قالعان ەلىڭدى شاپتىرىپ الدىم. ەندىگى ءسوزدىڭ تۋراسى — سەنىمەن دوستاسۋعا قۇمارمىن.

— «داۋدىڭ ارتىن قىز بىتەيدى، سۋدىڭ ارتىن شىمىر بىتەيدى» دەۋشى ەدى. سوندىقتان نە قىز ال، نە قىز بەر. قىز بەرسەڭ، الايىن، — دەيدى.

حان قازىبەكتەن:

— ۇلىڭ نەشەۋ ەدى؟ — دەپ سۇرايدى.

قازىبەك:

— ءبىر جارىم ۇلىم بار، — دەپ جاۋاپ بەرەدى.

حان بۇعان تاڭدانىپ:

— ءبىر جارىمى قالاي؟ سەندەر دىعىرداي بەس ۇل بار دەپ ەستيتىن ەدىم، — دەيدى.

بي:

— مەنىڭ ەلگە يە بولاتىن ۇلىم بىرەۋ-اق، اتى — بەكبولات. جاۋعا قارسى قوياتىن ءبىر ۇلىم بار، اتى — سىرىمبەت. ونى جارتىعا ەسەپتەدىم. ال مال مەن قاتىنعا عانا يە بولاتىن ۇشەۋىن ەسەپكە الىپ جۇرگەنىم جوق، — دەپ قوڭتاجىگە قاراپتى.

ءقوڭتاجى ءوز قىزىن بەكبولاتقا قوسۋدى ءوتىنىپتى. سونىمەن شابىنشىلىق توقتاماعان ەكەن دەسەدى. قازىبەك وسى ساپارىندا حان ورداسىنا بارا جاتقان [دا] جولىققان جاس قىزدى الا كەلىپ: «وسىنى تاربيەلە» دەپ ونى دا بەكبولاتتىڭ قولىنا تاپسىرىپتى.

---