InfoHub Logo

ءبىلىم بەرۋ سالاسى: قاتىناس
ءبولىمى: سويلەۋدى دامىتۋ
تاقىرىبى: قىسقى سەرۋەن
ماقساتى: قىس مەزگىلىن سيپاتتاي بىلۋگە ۇيرەتۋ، سوزدىك قورلارىن دامىتۋ. ءسوز تىركەستەرىنىڭ دۇرىس ايتا بىلۋگە ۇيرەتۋ. تابيعاتتى ايالاۋعا، اسەمدىكتى كورە بىلۋگە، سەزىنۋگە تاربيەلەۋ.
كورنەكىلىكتەر: قىسقى سەرۋەنگى بالالاردىڭ سۋرەتتەرى ۇلەستىرمەلى ماتەريال (اققالا، شىرشا، سۋرەتتەرى)
سوزدىك جۇمىس: اققالا، شانا، قار.
بيلينگۆالدى كومپونەنت: اققالا – سنەگوۆيك، شانا – سونيك، قار – سنەگ.
ۇيىمداستىرۋ كەزەڭى: سالەمەتسىزدەر مە بالالار؟ بالالار قاراڭدارشى بىزگە بۇگىن قوناقتار كەلىپتى. قانە ءبارىمىز شەڭبەرگە تۇرىپ قوناقتارمەن امانداسايىق.
شاتتىق شەڭبەر: امانسىڭ با التىن كۇن.
امانسىڭ با كوك اسپان،
امانسىڭ با جەر انا.
امانسىڭ با دوستارىم،
سالەمەتسىزدەر مە قوناقتار.
بالالار مەن سىزدەرگە جۇمباق جاسىرامىن. كىم شەشۋىن تابادى؟
اياز قىسىپ ورنەك سىزىپ
تەرەزەنى تورلايدى
قارعا ومبىعىپ، بەت دومبىعىپ
كەيدە ۇلىپ، كەيدە ىسقىرىپ
ۇيىتقىپ بوران سوعادى
بوبەكتەرىم ايتىڭدارشى
بۇل قاي كەزدە بولادى؟ 
 (قىس مەزگىلى)
- كازىر جىلدىڭ قاي مەزگىلى؟
- قىس مەزگىلى نەشە ايدان تۇرادى؟
- 3 ايدان.
- قىس ايلارىن كىم ايتادى؟
- جەلتوقسان، قاڭتار، اقپان.
- قىس مەزگىلى ەكەنىن قايدان ءبىلىپ تۇرمىز؟
- قىس مەزگىلىندە كوپتەگەن وزگەرىستەر بولادى، كۇن سۋىتىپ، بوران، اياز تۇرادى، قۇستار جىلى جاققا ۇشىپ كەتەدى. قىس مەزگىلىندە قانداي ويىندار ويناعاندى جاقسى كورەسىڭدەر؟
قىستا شانامەن سىرعانايمىز، اققالا جاسايمىز، قارمەن وينايمىز.
نەگىزگى ءبولىم: مىنا سۋرەتتەرگە قاراڭدارشى، بالالار شاڭعى تەۋىپ ءجۇر، شانامەن سىرعاناپ ءجۇر. ەندى بالالار ەستەرىندە مە بىزدەر كەشە دالاعا سەرۋەنگە شىققاندا قانداي ويىن وينادىق؟
- شانامەن سىرعانادىق، قار لاقتىردىق.
بالالار سەندەر قىس تۋرالى تاقپاق بىلەسىڭدەر مە؟
- احمەت
قانداي قىزىق قىس دەگەن
ءبارى شەبەر ىسپەنەن
باقشا الدى تولدى دەپ
بوياپ الدى قارمەنەن.
- مەرۋەرت
جاپالاقتاپ الا قار 
جاۋدى كۇندە قايتالاپ 
قىرعا شىقتى بالالار
شاڭعىلارىن ارقالاپ.
- باتىرحان
كوزى قارا تەمىردەي
ءسابىز مۇرنى كورىنگەن
اۋزى بار اعاشتان 
تەلپەگى بار تەمىردەن.
بالالارمەن جۇمىس ورىنداۋ: 
«اققالا» جاپسىرۋ.
ءبىراق كۇندەگىدەي قارىنداشپەن ەمەس جاپسىرۋ ءادىسىن پايدالانامىز.
بالالار ورىس تىلىندە: اققالا – سنەگوۆيك، قىس – زيما، قار – سنەگ دەپ ايتادى.
اققالا ءۇش بولىكتەن تۇرادى. ۇلكەن بولىگى استىنا، ورتانشى بولىگى ورتاسىنا كىشى بولىگىن ۇستىنە قويۋ.
اققالانىڭ بەينەسى جاقسى كورىنۋ ءۇشىن باسىنا شەلەك كيگىزەمىز.
مۇرنىن، كوزىن نەدەن جاسايدى؟ تۇستەرى قانداي؟
قىزعىلت سارى، قارا. 
سەرگىتۋ ءساتى:
- ەندى ورنىمىزدان تۇرايىق، سەرگىتۋ ءساتىن جاسايىق.
ديداكتيكالىق ويىن: «قىس مەزگىلىنىڭ ويىندارى»
بالالار تاقتامەن جۇمىس جاسايدى.

قورىتىندى:
- بالالار، مىنادا نە بەينەلەنگەن ەكەن؟
- جىلدىڭ قاي مەزگىلى ەكەن؟
- بالالار نەمەن ويناپ ءجۇر؟
- جۇمباق نە تۋرالى؟
اشىق وقۋ قىزمەتىنە جاقسى قاتىسقان بالالاردى ماداقتاۋ.

جامبىل وبلىسى تاراز قالاسى
№18 «ەركەجان» بوبەكجاي - باقشاسى
سوپبەك جازيرا پەرنەباي قىزى