قوجانىڭ ايەلىنە كۇيەۋى دە قوس كورىنەدى
قوجانىڭ ايەلى قىلي بولسا كەرەك. ۇيدەگى نارسەنىڭ ءبارى وعان قوس كورىنەدى ەكەن. بىردە داستارقان باسىندا وتىرىپ:
— اپەندى-اۋ، ەكەۋمىزگە ءبىر شىنى ماي جەتپەي مە، ەكىنشىسىن نەگە اكەپ قويعانسىڭ؟ — دەيدى. قوجا مۇرتىنان كۇلىپ، نە نارسەنىڭ بولسىن ايەلىنە قوس كورىنەتىنىنە ىشتەي قۋانادى.
بىردە تاعى دا داستارقان باسىندا قوجانىڭ ايەلى وز-وزىنەن شوشىنىپ، بەتىن بۇركەپ:
— اپەندە-اۋ، قاسىڭداعى كىم؟ ءوزى اۋماعان سەن سياقتى عوي، — دەيدى.
سوندا قوجا:
— بايبىشە، كوزىڭە ۇيدەگىنىڭ ءبارى-اق قوس كورىنە بەرسىن، ءبىراق قوس كۇيەۋ كورىنۋى جاقسى ىرىم ەمەس، — دەپتى.
You Might Also Like
-
ماماندىقتى نە ءۇشىن تاڭداساڭ، سول ءۇشىن ەڭبەك ەتەسىڭ. مەن سولاي تۇجىرىم جاسايمىن . ءسوزىمدى تۇسىندىرسەم: مەن مۇعالىمدىكتى بىلىمگە قۇشتار بولعان سوڭ جانە بالانى جاقسى كورگەن سوڭ، ەڭ ب...
