InfoHub Logo

اشىق ساباق
ەكولوگيا نەگىزدەرى
ءبىلىم بەرۋ سالاسى: تانىم. الەۋمەتتىك ورتا
تاقىرىبى: قورشاعان ورتا
ماقساتى: قىس مەزگىلى تۋرالى تۇسىنىكتەرىن اشۋ، قىس مەزگىلىنىڭ سۇلۋلىعىن، اسەمدىگىن سەزىنۋ، تالعامىن جەتىلدىرۋ، تابيعاتقا دەگەن سۇيىسپەنشىلىگىن ارتتىرۋ.
ءادىسى: سۇراق - جاۋاپ، ءتۇسىندىرۋ
مىندەتتەرى: تابيعات پەن ادامدار اراسىنداعى بايلانىستى ءتۇسىندىرۋ، ءوزىن قورشاعان ورتانى تانىتۋ.
شاتتىق شەڭبەرى
ارمىسىڭ شاپاعاتتى كۇن - انا!
ارمىسىڭ قايىرىمدى اسپان - انا!
ارمىسىڭ مەيىرىمدى جەر - انا!
قۇت دارىت بار الەمدى جارىلقا!
اڭگىمەلەسۋ: بالالار، ءبىز بۇگىن ەرەكشە ساباق وتەمىز. اينالامىزعا قارايىقشى ءبىز قايدامىز، بىزدە نە قورشاعان؟ ءبىز تابيعاتقا ساياحاتقا شىعايىق. قانە، كوزىمىزدى جۇمايىق. سىرتقا شىعايىق ءبىر، ەكى ءۇش. ال، ەندى كوزىمىزدى اشايىق اينالامىزعا كوز تاستايىق. اينالامىزدان نە كورىپ تۇرمىز؟ بالالاردىڭ جاۋابى:
اينالادا قار، اعاشتار، اسپان بۇلتتى.
بالالار ءبىز تابيعاتتى، ءبىزدى قورشاعان تابيعاتتى ءتىرى تابيعات جانە ءولى تابيعات دەپ بولەمىز. ءتىرى تابيعاتقا ادامدار جانۋارلار، جاندىكتەر جاتادى، ال ءولى تابيعاتقا تاۋ، تاس، سۋ، وسىمدىك جاتادى.
ءبىزدىڭ اينالامىزداعى تابيعات ول ءبىزدى قورشاعان ورتا.
ال ەندى سەرگىتۋ جاتتىعۋىن جاسايىق
توپتا قوڭىز ۇشادى
ج ج ج انگە سالادى،
وڭعا قاراي ۇشادى،
سولعا قاراي ۇشادى
الاقاندى جايامىز،
الاقانعا قوڭىزدى قوندىرامىز
قوڭىزدى ۋف-ۋف دەپ ۇشىرامىز
ال ەندى تابيعات تۋرالى بىلەتىن تاقپاقتارىمىزدى ايتىپ بەرەيىك.
جانار:
تابيعات، تابيعات،
تاماشا عوي تابيعات
تابيعاتتا وينايمىز
گۇلدەي ءوسىپ جاينايمىز
ەركەناز:

گۇلدەر، گۇلدەر كوكتەسىن
كوبەلەكتەر كوپ كەلسىن
اق قاناتتى كوبەلەك
باقشامىزدان كەتپەسىن
اقنيەت:
كۇن ساۋلە شاشقانىڭ ءۇشىن راحمەت!
اعاش كولەڭكەڭ ءۇشىن راحمەت!
جەر ساعان جومارتتىعىڭ ءۇشىن راحمەت!
بۇلت جاڭبىر سەپكەنىڭ ءۇشىن راحمەت!
تازا اۋا ساعان راحمەت!
تابيعات سۇلۋلىعىڭ ءۇشىن راحمەت!
قۇستار، تامىلجىتا سالعان اندەرىڭ ءۇشىن راحمەت!
جانەركە:
كوشە بويى ارالاس
قاپتاپ وسكەن قاراعاش
جەمىسى جوق بولسا دا
ساياسى كوك دارا اعاش.

داۋلەت:
تابيعاتتى ايالايمىز،
تابيعاتتى قورعايمىز.
گۇلدەردى جۇلمايمىز
اينالانى لاستامايمىز.
تابيعاتتى سۇيەمىز.

تاربيەشى: ال، ەندى بالالار كوزىمىزدى جۇمىپ، بولمەمىزگە ورالايىق. ءبىر، ەكى، ءۇش كوزىمىزدى اشايىق.
ەندى مىنا اعاش ۇيدە ءبىر زات بار، قانداي زات بولۋى مۇمكىن، ويلانىپ كورىڭدەرشى. جارايدى ەندەشە مىنا اعاش ۇيدەگى زاتتار ءتىرى تابيعاتقا جاتا ما، الدە ءولى تابيعاتقا جاتا ما سونى كىم ايتىپ بەرەر ەكەن؟ قولىمىزدى سالىپ، الىپ زاتتى اتايمىز. دۇرىس ايتقان بالاعا سىيلىق بار.
ءبىز تابيعاتتان العان اسەرىمىزدى قاعاز بەتىنە تۇسىرەيىك، مەن سەندەرگە تابيعات سۋرەتىن سالىپ اكەلدىم، سەندەر بىرىگىپ وسى سۋرەتتى سۋ بوياۋمەن بوياڭدار. ال قانە قىس مەزگىلىندە ءوزىمىزدى قورشاعان تابيعاتتى سۋرەتتەيىك.
بالالار دايىن سۋرەتتى بويايدى.
ال بالالار بۇگىنگى ساباق سەندەرگە ۇنادى ما؟ ەستەرىڭدە قالعان ەرەكشە نە بولدى؟
بالالاردى ماداقتاۋ. ۇساق ويىنشىقتار تاراتۋ.