InfoHub Logo

تاقىرىبى: قوش كەلدىڭ، جاڭا جىل!
ەرتەڭگىلىك
ماقساتى: بالالارعا «جاڭا جىل» مەرەكەسىن ءداستۇرلى ەمەس جولمەن مەرەكەنى وتكىزۋگە ۇيرەتۋ.
مىندەتتەرى: 1. جاڭا جىل تۋرالى تاقپاقتاردى ايتقىزا وتىرىپ، ولاردىڭ وتكەن جىل مەن كەلەر جىل تۋرالى بىلىمدەرىن تياناقتاۋ.
2. بالالاردىڭ ەستە ساقتاۋ قابىلەتتەرىن دامىتۋ، وي ورىستەرىن كەڭەيتۋ.
3. ۇقىپتىلىققا، تازالىققا، جاۋاپكەرشىلىككە، كوپشىلىك ورتادا ءتارتىپتى، يناباتتى ۇستاۋعا تاربيەلەۋ.
كورنەكىلىگى: اسەمدەلگەن شىرشا، ويىن وتكىزۋگە ارنالعان قۇرالدار، اتريبۋتتار

بارىسى:
ءى. ۇيىمداستىرۋ كەزەڭى:
• ەرتەڭگىلىكتىڭ ماقسات، مىندەتتەرىمەن، تاقىرىبىمەن تانىستىرۋ
ءىى. نەگىزگى كەزەڭ:
جۇرگىزۋشى: ارمىسىزدار ارداقتى اعايىن، قۇرمەتتى قوناقتار!
بارمىسىزدار، زامانداس، باۋىرلار، شابىتتى شاكىرتتەر.

قۇرمەتتى بالالار، اتا - انالار، ۇستازدار، قوناقتار. جاڭا جىل مەرەكەسىنە ارنالعان
«قوش كەلدىڭ، جاڭا جىل!» اتتى كەشىمىزدى باستاۋعا رۇقسات ەتىڭىزدەر.

كەل، جاڭا جىل! تورلە – تورلە جەرىمە،
قۇت – بەرەكە بوپ كەلگەيسىڭ ەلىمە!
ءۇمىت ارتىپ ارماندارعا اياۋلى،
شاتتىعىڭا بولەگەيسىڭ مەنى دە،- دەي وتىرىپ جۇرەككە جىلىلىق ۇيالاتار العاشقى جاڭا جىلدىق قۇتتىقتاۋ ءسوزدى ارمانشىل دانا ۇرپاقتى تاربيەلەپ جاتقان ءبىلىم ۇياسىنىڭ بىلىكتى باسشىسى سۆەتلانا كەڭەسقىزىنا بەرەمىز.
اق كيىمدى، دەنەلى، اق ساقالدى - دەپ، اباي اتامىز جىرعا قوسقانداي، ۇزاق كۇتتىرمەي، بارلىق بالالاردىڭ قۋانىشى اياز اتا مەن اقشاقاردى ورتاعا شاقىرايىق.

جۇرگىزۋشى
ءبارىمىز قوسىلىپ بار داۋىسىمىزبەن اياز اتا مەن اقشاقاردى ورتاعا شاقىرايىق.

جۇرگىزۋشى:
قۋانىڭدار، اعايىن، تامسانىڭدار.
سۇيىنىشپەن ماڭايعا جار سالىڭدار.
اياز اتا كەلەدى اقشاقارمەن،
قول سوعىپ قوشەمەتپەن قارسى الىڭدار!
(اياز اتا كەلەدى) اياز اتانىڭ قۇتتىقتاۋ ءسوزى
حور: «جاڭا جىل جىرى»

جۇرگىزۋشى
جاڭا جىلىم جول بولسىن
باسقان قادام وڭ بولسىن
تورلە – تورلە، جاڭا جىل
بىزگە قۇتتى جىل بولسىن!

2015 جىل قوي جىلىنىڭ ءسوزى.
قايىرلى كۇن، بارشا تۋعان - تۋىستارىم،
قۇتتى بولسىن بۇل كەلگەن جاڭا جىلىڭ!
قوي جىلى كەنەلىپ شىن باقىتقا،
وسە بەرسىن بۇل جىلدا تابىستارىڭ.
بولا بەرسىن بۇل جىلدا قىزىقتارىڭ.
تويلاي بەر قىرىق، ەلۋ، الپىستارىڭ.
قۇتتى بولسىن الاتىن قونىستارىڭ،
قۋانىشپەن تويلا، ءومىر پاراقتارىن.

2016 جاڭا مەشىن جىلى:

وركەن:
سالەمەتسىڭدەر مە، بالالار!
مەن تۇرمىن قۋانىپ،
شاتتىققا بولەنىپ،
ءبىر جىل بويى سىزدەرمەن
دوس بولايىق شاتتانىپ
دۋمان:
مەن جاڭا جىلمىن
مەن جاڭا نۇرمىن
نۇرىمدى دا سەبەيىن
جىرىمدى دا سەبەيىن

جۇرگىزۋشى: قوش كەلدىڭىز! اسا قۇرمەتتى، مەشىن جىلى، بالالاردىڭ ونەرىن تاماشالايىق!
جاڭا جىلدا جاڭا بەلدەن اسامىز
جاڭا جىلعا جىرمەن شاشۋ شاشامىز
بەيبىتشىلىك ۇرانىمەن، جەڭىسپەن
جاڭا جىلدا تاعى دا العا باسامىز

كوركەم:
كيىندىك ۇل مەن قىز
اڭ بولىپ، جان بولىپ
تانىماي تۇرسىن دەپ
دوسىمىز تاڭ بولىپ

ايسۇلۋ:
جاڭا جىلعا ءسانىمىز
ءبىزدىڭ ايتار ءانىمىز
كەلدىڭ بە امان الىستان
سالەم، اياز اتامىز

نۇردانا:
اق قىراۋعا مالىنعان
ساقالى دا مۇرتى دا
اياز اتا ساعىنعان
سالەم بەردى جۇرتىنا

ايجۇلدىز:
شىرشامىز دا كەرەمەت
ويىنشىقتار تاعىلعان
الىس جاقتان كەلىپ تۇر.
اياز اتا ساعىنعان

بيعاسىر:
كەزەكتەسىپ بالالار
تاقپاق ايتىپ بەرەمىز
سۇراق قويسا اقشاقار
ويلانىپ جاۋاپ بەرەمىز

اقشاقاردىڭ سۇراقتارى:

مەن بىلەمىن ءبىر ويىن. ۇيرەتەيىن سەندەرگە. مەن باستايمىن، ال سەندەر اياقتايسىڭدار.
حورمەن جاۋاپ بەرىڭدەر.
قارعا مۇلگىپ دالا تۇر.
كەلە جاتىر جاڭا جىل

قىزىل مۇرىن، اق مۇرتتى،
بىلسەڭ اتىن تەز اتا كەلدى بىزگە اياز اتا

شىرشا بۇگىن كادەلى
سەندەر ءارى ادەمى

كوڭىلسىز ءبىر بالا جوق
ويىن - كۇلكى تارالسىن
قۇتتى بولسىن جاڭا جىل (3 رەت)

كاۋسار:
اۋەلەدى ءانىمىز
جاڭا كىردى ءسانىمىز
اقشاقاردى ورتاعا الىپ
بي بيلەيىك ءبارىمىز

جۇرگىزۋشى: كەلەسى تاماشالايتىندارىڭىز «اقشاقارلار» ءبيى.
جۇرگىزۋشى: ءيا، اتا، بالالارىمىز شەتتەرىنەن ونەرلى، تاقپاقتى دا جاقسى ايتادى.
قوش كەلدىڭ، جاڭا جىل! جۇكتەۋ