InfoHub Logo

تاقىرىبى: «قۋىرشاق كيىمدەرىنىڭ تۇستەرى» اشىق وقۋ قىزمەتى
ءبىلىم سالاسى: «تانىم»
ءبولىمى: «سەنسوريكا»
بلوك تاقىرىبى: «مەنىڭ قورشاعان الەمىم»
اپتا تاقىرىبى: «قۋىرشاق كيىمى»
ماقساتى: كيىم زاتتارىنا ۇقىپتى قارىم - قاتىناس داعدىلارىن تاربيەلەۋ
تاقىرىبى: «قۋىرشاق كيىمدەرىنىڭ تۇستەرى»
ماقساتى: بالالارعا تۇستەردى اجىراتا بىلۋگە ۇيرەتۋدى جالعاستىرۋ. زاتتاردى نەگىزگى قىزىل، سارى، جاسىل، كوك ءتورت تۇسكە توپتاستىرا ءبىلۋ داعدىلارىن ويىن ارقىلى جەتىلدىرۋ، سوزدىك قورلارىن دامىتۋ. ويىنشىقتاردى كۇتىپ ۇستاۋعا تاربيەلەۋ.

تاربيەشى: بالالار، بۇگىن ەرەكشە كۇن. ءبىزدىڭ وقۋ قىزمەتىمىزگە قوناقتار كەلىپ وتىر، قوناقتارمەن سالەمدەسەيىك.
ءبىز اقىلدى بالامىز
ايتقان ءتىلدى الامىز
بىزگە كەلگەن قوناقپەن
امانداسىپ الامىز
ب. ج: سالەمەتسىزدەر مە؟
قايىرلى تاڭ!
دوبرىي دەن!
Good morning!
ءجۇرۋ بارىسى: قيمىلدىق ويىن: «ءوز ورنىڭدى تاپ»
- بالالار ءبىر جىلدا نەشە مەزگىل بار؟
ب. ج: 4 مەزگىل بار
- ءقازىر جىلدىڭ قاي مەزگىلى؟
ب. ج: كۇز مەزگىلى
- كۇز مەزگىلىندە نەشە اي بار؟
ب. ج: 3 اي بار
- كۇز ايلارىن اتايىقشى؟
ب. ج: قىركۇيەك، قازان، قاراشا
- بالالار كۇز مەزگىلىندە اۋا - رايى قانداي بولادى؟
ب. ج: سالقىن.
دۇرىس ايتاسىڭدار. كۇزدە سالقىن بولعاندىقتان ءبىز جىلى كيىنەمىز. ەندەشە بالالار قۋىرشاقتارىمىزدى سەرۋەنگە شىعارۋ ءۇشىن كيىمدەرىن كيگىزەيىك.

تاربيەشى: مەنىڭشە بىرەۋ ەسىك قاعىپ تۇرعان سياقتى. قانە كورەيىكشى. توپقا ماشا كەلەدى.
تاربيەشى: بالالار ماشامەن امانداسايىق.

ماشا: سالەمەتسىڭدەر مە، بالالار. مەن سەندەردىڭ تۇستەردى ايتىپ جاتقاندارىڭدى ەستىدىم. ايۋ ەكەۋمىز رەنجىسىپ قالدىق. مەن ايۋدان تۇستەردەن سۇراعانمىن، ماعان ايتپادى. مەنىڭ كوپتەگەن قۋىرشاقتارىم بار. قۋىرشاقتارىمنىڭ كويلەگەنىڭ تۇستەرىن بىلمەي تۇرمىن. ماعان تۇستەردى اجىراتۋعا كومەكتەسەسىڭدەر مە؟

ب. ج. يا. كومەكتەسەمىز.
ءبىر - ءبىر بالادان شاقىرىپ الىپ قۋىرشاقتاردىڭ كيىمدەرىنىڭ تۇستەرىن سۇراۋ، بىرگە قايتالاۋ.
- بۇل نە؟
ب. ج. قۋىرشاق
بۇل قۋىرشاقتىڭ كويلەگىنىڭ ءتۇسى قانداي؟
ب. ج. قىزىل
- كەلەسى قۋىرشاقتىڭ كويلەگىنىڭ ءتۇسى قانداي؟
ب. ج. كوك
- ال، شاشىنداعى بانتيگىنىڭ ءتۇسى قانداي؟
ب. ج. كوك
- مىنا قۋىرشاقتىڭ كويلەگىنىڭ ءتۇسى قانداي؟
ب. ج. جاسىل
- قاراڭدارشى قانداي ادەمى، اسەم ءبىزدىڭ قۋىرشاقتار.
- بالالار بۇل قۋىرشاقتارعا ات قويايىقشى. قىزىل كويلەكتى قۋىرشاقتىڭ اتىن - امينا. سارى كويلەكتى قۋىرشاقتىڭ اتىن - مادينا. كوك كويلەكتى قۋىرشاقتىڭ اتىن - ايلين. بالالار جارايسىڭدار. قۋىرشاقتارعا اتتا قويدىق. كىم قۋىرشاق تۋرالى تاقپاق ايتادى؟ يۋ
مادينا
ويىنشىعىم قۋىرشاق
نە بەرسەم دە جەمەيدى
ەركەلىگى سونشاما
كوتەرمەسەم جۇرمەيدى.
جارايسىڭدار بالالار. ەندەشە بالالار ورنىمىزدان تۇرىپ سەرىگىپ الايىق.
ورنىمىزدان تۇرايىق
الاقاندى ۇرايىق
ءبىر وتىرىپ، ءبىر تۇرىپ
ءبىز ءبىر دەم الايىق
جارايسىڭدار.
- بالالار قاراڭدارشى ءبىزدىڭ توبىمىزدا ويىنشىقتار وتە كوپ، ولار قانداي اسەم، ادەمى ويىنشىقتار. بالالار ءار قۋىرشاقتىڭ وينايتىن وزدەرىنىڭ ويىنشىقتارى بار. ءبىراق ولار شاتاسىپ كەتتى. ولاردى تابۋعا كومەكتەسەمىز بە؟ قوراپشادا قىزىل، سارى، كوك ءتۇستى دوپتار جاتىر. دوپتاردى تۇستەرى سايكەس كەلەتىن ءار قۋىرشاقتىڭ قاسىندا قوراپشا بار. (كوك ءتۇستى دوپتى كوك ءتۇستى قوراپشاعا سالۋ قاجەت).

- بالالار قۋىرشاقتار سەندەرگە ريزا بولىپ راحمەت ايتىپ جاتىر. ەندى قۋىرشاقتار سەندەر ويىنشىقتار كۇتىپ ويناڭدار،
- بالالار بىزدەردە ويىنشىقتارمەن، قۋىرشاقتارمەن ويناعاندا ۇقىپتى ويناۋىمىز كەرەك، قۋىرشاقتاردىڭ اياعىن سىندىرۋعا بولمايدى، ويىنشىقتاردى بۇلدىرۋگە بولمايدى.
قورىتىندى.
ماشا: بالالار سەندەرگە راحمەت. مەن كوپتەگەن تۇستەردى مەڭگەردىم. مەن سەندەرگە ءوزىمنىڭ قۋىرشاقتارىمدى سەندەرگە سىيلىققا قالدىرام.
- ال بالالار، ماشاعا «راحمەت» ايتىپ قوشتاسايىق.
- ساۋ بولىڭدار!
ءبىزدىڭ قىزدارىمىز «قۋىرشاق» ءانىن ورىندايدى. بالالاردى ماداقتاۋ.

كۇتىلەتىن ناتيجە
ءبىلدى: قۋىرشاقتاردىڭ ويىنشىقتارىن كيىم تۇسىنە قاراي اجىراتۋ
يگەرەدى: سوزدەرىنىڭ ءمانىن، قىزىل، كوك، سارى، جاسىل تۇستەر تۋرالى ۇعىمدى.
مەڭگەرەدى: ءتۇستىڭ ءارتۇرلى زاتتار سيپاتىن ءبىلدىرۋ ءۇشىن قولدانىلاتىنىن.

اتىراۋ قالاسى
مكقك №29 «نۇرسايا» بوبەكجاي بالاباقشاسى
ءى كىشى توپ تاربيەشى ۋتەگەنوۆا ءمولدىر نۇرلان قىزى