InfoHub Logo

ساباقتىڭ تاقىرىبى: "قامقورلىق" ب. سوقپاقبايەۆ
ساباقتىڭ ماقساتى: ءماتىننىڭ مازمۇنىن اشۋ، تالداۋ جۇمىستارىن جۇرگىزۋ، مازمۇنىن مەڭگەرتۋ
ساباقتىڭ مىندەتتەرى:
بىلىمدىلىك: وقۋشىلارعا ماتىندەگى نەگىزگى ويدى، يدەيانى ۇعىندىرۋ. سۇراق قويۋ ارقىلى جان - جاقتى ويلاۋعا، توپپەن جۇمىس جاساۋعا وزىندىك پىكىر بىلدىرۋگە ۇيرەتۋ.
دامىتۋشىلىق: سىن تۇرعىسىنان ويلاۋىن جىنە شىعارماشىلىق قابىلەتتەرىن دامىتۋ. سوزدىك قورلارىن، وي - ورىستەرىن، ءتىل بايلىعىن ارتتىرۋ.
تاربيەلىك: وقۋشىلاردى توپتاسىپ جۇمىس جاساۋعا، پىكىر الماسۋعا، ادامگەرشىلىككە تاربيەلەۋ.
ساباقتىڭ ءتيپى: ارالاس وقىتۋ
ساباقتىڭ ءتۇرى: جاڭا ساباق
ساباقتا قولدانىلاتىن ءادىس - تاسىلدەر: سۇراق - جاۋاپ، اڭگىمەلەۋ، تالداۋ، توپتاسۋ، وي شاقىرۋ....
جابدىعى: ينتەربەلسەندى تاقتا، كۇن بەينەلەنگەن سۋرەتتەر، بۇلتشالار...
ءپانارالىق بايلانىس: قازاق ءتىلى، دۇنيەتانۋ
بارىسى: 1. ۇيىمداستىرۋ ءبولىمى
ا) وقۋشىلارمەن امانداسۋ، جاعىمدى شەڭبەرلى جاعدايات جاساۋ.
ولەڭ جولدارىن قيمىلدى اۋەنمەن ورىنداۋ.
جىلى، جىلى لەبىزدى، شىن نيەتپەن ايتايىن
الاقانعا تولتىرىپ، وزىڭە سىيلاپ قايتايىن...
ءا) ساباقتىڭ ماقسات - مىندەتتەرىمەن تانىستىرۋ.
2. پسيحولوگيالىق جاعدايات جاساۋ
م:- بالالار، بىزدەر بۇگىن توپ بويىنشا جۇمىس جۇرگىزەمىز، الدىمەن سۇراققا جاۋاپ بەرەيىك...
ارينە، ەندەشە تابيعاتتى جارقىراتىپ، جارىق ەتەتىن كوكتەگى كۇنىمىزدى بىلىمىمىزبەن جارقىراتا تۇسەيىك.
3. توپتاستىرۋ
كىشكەنە كۇنشەلەردەن 1، 2، 3، 4 ساندارىن تاڭداپ، وقۋشىلاردى توپتاستىرۋ جۇمىستارى جۇرگىزىلەدى. توپ اتاۋلارى بەرىلىپ، ۇراندارى ايتىلادى.
1 - توپ
1 دەگەنىم - ءبىلىم
بىلىممەن جارقىرار كۇنىڭ.
بۇگىنگى ساباق بارىسىندا،
بۇلتتان اشايىق كۇن كوزىن
2 - توپ
2 - دەگەنىم ەڭبەك،
ەڭبەك ءبارىن جەڭبەك.
جاتتىعۋدى ورىنداساق،
كۇن كوزى بىزگە كۇلمەك.
3 - توپ
3دەگەنىم - ءۇمىت،
مىنا بىزدەر جىگىت.
نامىستى قولدان بەرمەيمىز،
ەلدىڭ تۋىن تىگىپ.
4 - توپ
4 دەگەنىم - ءتوزىم،
ءتوزىمدى بول ءوزىڭ.
قانداي قيىندىق بولسا دا،
اش ءبىلىمنىڭ كوزىن.

م:- جارايسىڭدار، ولاي بولسا بالالار، ساباعىمىزدى ج. ايماۋىتوۆ اعامىزدىڭ سوزىمەن باستايىق. - وقۋ، ءبىلىم - جانعان شىراق ويلاساڭ،
ۇيرەنەرسىڭ، ىزدەپ كورسەڭ، قويماساڭ.
قۋ ونەردى، بۋ بەلىڭدى، جىگەر سال.
پايدا الارسىڭ، قاۋجانارسىڭ، تويماساڭ...
4. ءۇي تاپسىرماسىن تەكسەرۋ
سۇراق - جاۋاپ ارقىلى ءۇي تاپسىرماسى سۇرالادى. بەكىتۋ جۇمىستارى جۇرگىزىلەدى.
5. جاڭا ساباق
اۆتور تۋرالى ايتۋ. الدىمەن اۆتور سيپاتتالادى دا، ساۋال قويىلادى.
- بۇل جازۋشى كىم دەپ ويلايسىڭدار؟
- ارينە، بۇل جازۋشى - ب. سوقپاقبايەۆ (سلايدتان كورسەتۋ)
- ەندەشە بۇگىنگى وتەتىن ساباعىمىزب. سوقپاقبايەۆتىڭ كەزەكتى شىعارماسى "قامقورلىق" اڭگىمەسىمەن تانىسامىز. --"قامقورلىق" ءسوزىن قالاي تۇسىنەمىز؟ (اسسوساسيا جۇرگىزۋ)
قامقورلىق/ قايىرىمدىلىق/ كىشىپەيىلدىلىك/ جاقسىلىق... ت. ب وقۋشى ويلارى تىڭدالادى.
ا) ماتىنمەن جۇمىس. ءماتىن 4 بولىككە ءبولىنىپ، 4 توپ تىزبەكتەي وقىپ. ءوزارا توپ اراسىندا تالقىعا سالىپ، مازمۇنىن اشادى. وزگە توپقا باياندايدى.
6. سەرگىتۋ ءساتى. سلايدتان قۇستاردىڭ قيمىلىن ورىنداۋ
ءا) توپ تاپسىرمالارى
1 - توپ تاپسىرماسى. وقۋلىقتىڭ 269 - بەت. سۋرەتپەن جۇمىس جۇرگىزۋ.
2 - توپ تاپسىرماسى. تورعاي تۋرالى 5 جول ولەڭ.
3 - توپ تاپسىرماسى. بولىمنەن وقىعان "تورعاي" ءماتىنىن ەسكە ءتۇسىرىپ، ج. ايماۋىتوۆ پەن ب. سوقپاقبايەۆتىڭ شىعارمالارىن سالىستىرۋ. ۆەنن دياگرامماسىن تولتىرۋ، ايىرماشىلىعى مەن ۇقساستىعىن اجىراتۋ، بىرىكتىرۋ.
4 - توپ تاپسىرماسى. - ەگەر مەن قوجا بولسام... ەسسە جازۋ.
ءار توپ تاپسىرمالارىن ورىنداۋعا ۋاقىت بەرىلىپ، باقىلاۋ جۇرگىزىلەدى.
7. بەكىتۋ
كۇن انانىڭ بالالارعا ايتار ءسوزى بار ەكەندىگىن حابارلاۋ. سۇراققا جاۋاپ الىنعان سايىن كۇن انانىڭ كوزىنەن سوزدەر اشىلادى.
- تورعايدى اتپاق بولعان كىم؟
- تورعايعا قامقورلىق جاساعان بالا كىم؟
- جانتاسقا ايتار اقىلىڭ قانداي؟
جاسىرىنعان ءسوز: قۇستارعا قامقور بولايىق!
8. باعالاۋ
جەكە، جۇپتىق، توپتىق باعالاۋ. كۇنشەلەر تاراتۋ.
9. قورىتىندىلاۋ
كۇندەي كۇلىم قاعامىز
اسەم انگە سالامىز
تاتۋلىقپەن، بىرلىكپەن،
ءبىلىم شىڭىنا بارامىز
10. ۇيگە تاپسىرما
"قامقورلىق" اڭگىمەسىن ءتۇسىنىپ وقۋ، مازمۇنداۋ، ءماتىن بويىنشا سۇراقتار دايىنداۋ....