InfoHub Logo

ساباق تاقىرىبى: قىس. اباي قۇنانبايەۆ

ساباق ماقساتى: بىلىمدىلىگى: ۇلى اقىن اباي قۇنانبايەۆتىڭ ومىرىمەن تانىستىرا وتىرىپ، ولەڭنىڭ نەگىزگى يدەياسىن اشۋ. وقۋشىعا قىستىڭ قاتاڭ كورىنىستەرىن ءتۇسىن -
رۋ، ءوز ويىن جۇيەلى بايلانىستىرىپ ايتا بىلۋگە ۇيرەتۋ، وقۋ داعدىلارىن قالىپتاستىرۋ.

دامىتۋشىلىعى: ەلەستەتۋ، ەستە ساقتاۋ، ءوز بەتىنشە جۇمىس جاساۋ قابىلەتتەرىن، سوزدىك قورلارىن، سويلەۋ تىلدەرىن، مانەرلەپ وقۋ داعدىسىن دامىتۋ.
تاربيەلىلىگى: ءار ماۋسىم ەرەكشەلىكتەرىن بايقاتا وتىرىپ، تابيعات سۇلۋلىعىن تانۋعا، قورشاعان ورتا مەن ومىرلىك بولمىستى تابيعات قۇبىلىستارىن باقىلاۋ
ارقىلى سالىستىرۋ.

ساباق ءتيپى: جاڭا ءبىلىم بەرۋ.
ساباق ءتۇرى: ءداستۇرلى ساباق
ساباق ادىستەرى: ءتۇسىندىرۋ، سۇراق - جاۋاپ، تالداۋ – جيناقتاۋ، ىزدەنۋشىلىك، توپتاستىرۋ.
كورنەكىلىگى: جىل مەزگىلدەرى تۋرالى سلايد، اباي قۇنانبايەۆ سۋرەتى.

ساباق بارىسى:
ءى. ۇيىمداستىرۋ. قىزىعۋشىلىعىن وياتۋ.
وتان دەگەن - ءار ادامنىڭ جۇرەگى،
وعان ەل دە جەر دە، سۋ دا كىرەدى.
وتانىمدى بار الەمگە پاش ەتكەن
پرەزيدەنتىم - ماقتانىشىم، تىرەگىم! (پرەزيدەنت سۋرەتى)

ءىى. ءۇي تاپسىرماسىن سۇراۋ.
- بالالار، «وتكەن ءومىر» دەگەن ءبولىمدى اياقتاپ وتىرمىز. بۇل بولىمدە قازاق حالقىنىڭ باستان كەشكەن قيىندىقتارى مەن تاۋەلسىزدىككە جەتۋ تاريحىن اڭگىمەلەدىك. وسى ءبولىمدى «ءۇزىندى» ويىنى ارقىلى تياناقتايىق. ول ءۇشىن مىنا سۇراقتارعا جاۋاپ بەرىڭىزدەر.
1. وتىرار قالاسىن ارابتار قالاي اتاعان؟.
2. باتىرلار جىرىن بىزگە جەتكىزۋشىلەر.
3. قوناقتى كۇتەم دەپ جىلان شاققان بالا قاي ماتىننەن؟
4. ابىلايدىڭ شىن اتى.
5. ابىلاي كىمنىڭ تاربيەسىندە بولدى؟
6. اكەسىمەن بىرگە تۇرمەدە وتىرعان بالا؟
7. تۇرار رىسقۇلوۆ كىم؟
8. ج. جابايەۆ تۋرالى جازىلعان شىعارما قالاي اتالادى؟
9. جەلاياق بالانىڭ اتى كىم؟
10. قۇرمانعازى ساعىرباي ۇلى كىم؟
11. توعىز شەت ءتىلىن بىلەتىن عالىم؟
12. تولە، قازىبەك، ايتەكە كىمدەر؟
- بولىمدە حالقىمىزدىڭ ءومىر تاريحى، قيلى زامان كەزەڭدەرى، ەرلىك، ەلدىك داستۇرلەرى تولىق قامتىلعان ەكەن.

ءىىى. جاڭا ساباق. 1. كىرىسپە. سۇراق - جاۋاپ ارقىلى.
♦ ءبىر جىلدا نەشە مەزگىل بار؟
♦ ءار مەزگىلگە قانداي سيپاتتاما بەرەر ەدىڭدەر؟ (كۇز، كوكتەم، جاز - ءۇش توپقا)
♦ ءقازىر قاي مەزگىل؟
♦ قىستا قانداي مەرەكەلەر بولادى؟ (سلايد پرەزيدەنت، تاۋەلسىزدىك )
♦ قىستا قانداي وزگەرىستەر بولادى؟
♦ قىس مەزگىلى نەسىمەن قىزىق؟
♦ قىس ايلارىن اتا.
♦ قىس مەزگىلى تۋرالى توپتاستىرۋ جاسايىق.
قىس
↓
مۇز، ۇسكىرىك، قىراۋ، سۋىق، قار، بوران، بۇرقاسىن، اياز، تايعاق، شانا

قىس ايلارى، قىسقى مەرەكەلەر
«قىس» بەينەسى سلايد كورسەتۋ، اڭگىمەلەسۋ.
- ولاي بولسا، بۇگىن ءبىز «قىس بەينەسى» دەگەن جاڭا ءبولىمدى باستايمىز.

2. اباي قۇنانبايەۆ جايلى سلايد.
- بالالار، مىنا سۋرەتتەن كورىپ وتىرعان قازاقتىڭ جازبا ادەبيەتىنىڭ نەگىزىن سالۋشى، كەمەڭگەر، دانا، ۇلى اقىنىمىز تۋرالى نە بىلەمىز؟
اباي
(عالىم، ۇستاز، ويشىل، اقىن، سازگەر، دانا، اۋدارماشى، كۇيشى، قارا ءسوزدىڭ شەبەرى)
- اباي اتامىزدىڭ بۇرىن قانداي ولەڭدەرىن وقىدىق؟
- اباي ولەڭدەرى جاستاردى ونەر - بىلىمگە، ەڭبەك ەتۋگە ۇندەيدى.
- بۇگىنگى ساباعىمىزدىڭ تاقىرىبى ابايدىڭ تابيعات سۇلۋلىعى جايلى جازىلعان
«قىس» ولەڭى. (ولەڭدى سلايدتان كورسەتۋ)
اق كيىمدى، دەنەلى، اق ساقالدى،
سوقىر، مىلقاۋ، تانىماس ءتىرى جاندى.
ءۇستى - باسى اق قىراۋ، ءتۇسى سۋىق،
باسقان جەرى سىقىرلاپ، كەلىپ قالدى.
دەم الىسى - ۇسكىرىك، اياز بەن قار،
كارى قۇداڭ - قىس كەلىپ، الەك سالدى.
ۇشپاداي بوركىن كيگەن وقشىرايتىپ،
ايازبەنەن قىزارىپ اجارلاندى.
بۇلتتاي قاسى جاۋىپ ەكى كوزىن،
باسىن سىلىكسە، قار جاۋىپ، مازاڭدى الدى.
بورانداي بۇرق - سارق ەتىپ دولدانعاندا،
التى قانات اق وردا ءۇي شايقالدى.
اۋەس كورىپ جۇگىرگەن جاس بالالار،
بەتى - قولى دومبىعىپ، ۇسىك شالدى.
شيدەم مەن تون قاباتتاپ كيگەن مالشى
بەت قاراۋعا شىداماي تەرىس اينالدى.
قار تەپكەنگە قاجىماس قايران جىلقى
تيتىعى قۇرۋىنا از - اق قالدى.
قىسپەن بىرگە تۇمسىعىن سالدى قاسقىر،
مالشىلارىم، قور قىلما يتكە مالدى.
سونىعا مالدى جايىپ، كۇزەتىڭدەر،
ۇيقى ولتىرمەس، قايرات قىل، بۇز قامالدى!
يت جەگەنشە قوندىباي، قاناي جەسىن،
قۇر جىبەر مىنا انتۇرعان كارى شالدى.

3. ماتىنمەن جۇمىس.
ءمۇعالىم وقىپ بەرەدى، وقۋشىلار تىڭدايدى.
1. سوزدىك جۇمىس. وقشىرايتىپ - ءبىر شەكەسىنە ساندەپ كيۋ.(سلايد)
شيدەم - جۇقا توقىلعان سىرت كيىم.
ۇشپا - جەڭىل، جۇقا قار.
2. وقۋلىقپەن جۇمىس:
ا) ىشتەي، كەزەك، تەرىپ وقىتۋ، مانەرلەپ وقۋ.

3. ولەڭگە تالداۋ جاساۋ. «كۋبيزم» ءادىسى ارقىلى.
1 - توپ: اقىن قىستى كىمگە تەڭەدى؟ (قىستى ادامعا، كارى شالعا)
2 - توپ. شالدىڭ كيىمدەرى قانداي؟ (اق كيىمدى، ءۇستىن اق قىراۋ باسقان)
3 - توپ: كيىم دەپ وتىرعانى نە؟ (جاۋىپ تۇرعان قار، قاتقان مۇز)
1 - توپ: اقىن سۋرەتتەپ وتىرعان شالدى كىمگە ۇقساتۋعا بولادى؟ (اق كيىمدى، اق ساقالدى
اياز اتاعا)
2 - توپ: ولەڭدەگى شالدىڭ مىنەزى قانداي؟ (ول قاتال، سوقىر، مىلقاۋ سياقتى)
3 - توپ: سوقىر – مىلقاۋ دەگەن سەبەبى نە؟ (ول ەشتەڭە كورمەيدى، ايامايدى، ءبارىن توڭدىرادى)
1 - توپ: ءتۇر، ءتۇسى قانداي؟ (ءتۇسى اق، قىراۋ سياقتى، سۋىق)
2 - توپ: ءتۇسى سۋىق دەگەندى قالاي تۇسىنەسىڭدەر؟ (قاتال، اشۋلى ادام)
3 - توپ: اقىن بالالار مەن مالشىلاردى قالاي سۋرەتتەگەن؟
(ويناعان بالالاردىڭ بەتى - قولى توڭىپ، مالشىلار جىلى كيىنسە دە ايازعا شىداماي تەرىس قارايدى)

8. سەرگىتۋ ءساتى: قىس كەلدى، الاقاي!
اق كۇمىس قار جاۋدى.
اعاشتار، بۇتالار،
اق قارعا وراندى.

ءىۇ. جاڭا ساباقتى بەكىتۋ: شىعارماشىلىق جۇمىس:
1 - توپ: تابيعات قۇبىلىستارىنا قاراپ جاسايتىن قانداي حالىقتىق بولجامدار ايتۋ.
2 - توپ: كۇز بەن قىستى سالىستىرۋ.
3 - توپ: قىس تۋرالى ماقالدار ايتۋ.
ءۇ. قورىتىندىلاۋ. « اڭگىمەلەۋ كەستەسى»
ءماتىن تاقىرىبى:
اۆتورىن اتا.
كەيىپكەرلەردى اتا.
قاي مەزگىلدى، قاي كەزەڭدى سۋرەتتەگەن؟
نە بىلدىك؟
ءۇى. باعالاۋ.
ءۇى. ۇيگە: ولەڭدى جاتتاپ كەلۋ. قىس تۋرالى سۋرەت سالىپ كەلۋ