قۇرمانقۇلدىڭ ناۋرىزبايدىڭ ەرلىگىنە ريزا بولۋى
احمەت پراۆيتەل كەرنەسارى، ناۋرىزبايدان قورعانۋ ءۇشىن ءبىر بولەك اسكەر ۇستايدى. ول اسكەردىڭ باستىعى قىپشاق رۋىنىڭ ارىق تايپاسىنان شىققان قۇرمانقۇل تۇردىقۇل بالاسى دەگەن باتىر بولادى.
ناۋرىزباي احمەت پراۆيتەلدىڭ ورداسىن شاۋىپ، بىرنەشە قولمەن جىلقىسىن ايداپ كەتەدى.
احمەت پراۆيتەل «اۋلىمدى قايتا ورالىپ شاپپاسىن» دەگەن قاۋىپپەن ءبىر توپ اسكەرىن قاراۋىلعا جىبەرەدى. باستىعى — جوعارعى قۇرمانقۇل. قۇرمانقۇل اسكەرىن تاۋدىڭ ەتەگىنە ءتۇسىرىپ، ءار جەردەن قاراۋىل قويىپ قاراپ تۇردى. تاڭ سارعايىپ اتقان كەزدە، تاۋدىڭ باسىنان ەتەكتەگى اسكەرگە قاراي اعىپ كەلە جاتقان جالعىز قارانى كورەدى. الگى قارانىڭ جۇلدىزداي اعۋىمەن قاتار، ەكپىن ءدۇرسىلى تاۋدى سولقىلداتقانداي. بۇل كىم، بۇل نە دەپ اسكەر ۇرەيلەنەدى. قۇرمانقۇل اسكەرىن باستاپ تارتىپكە سالىپ، توبىن جازدىرماي قاز-قاتار ءتىزىپ تۇرادى.
اعىزىپ كەلە جاتقان ناۋرىزباي ەكەن. ماناعى ءدۇرسىل اقاۋىزدىڭ جەردى تەسىپ كەتكەندەي جەلىسى بولىپ شىعادى.
قۇرمانقۇل جانە ونىڭ اسكەرى قورقىپ تەگىس قول قۋسىرىپ اياعىنا باس يەدى. سودان كەيىن ناۋرىزباي امانداسىپ، ءجون سۇراسىپ تىلدەسەدى. سوندا استىنداعى اقاۋىز شىيىرشىق اتىپ تۇرماي، باسقان جەرىن اياعىمەن جەر وشاق قىپ قازىپ، ەسىك پەن توردەي جەرگە اتىلادى. ناۋرىزباي توقتاتپاسا، اقاۋىز اسكەردەن قارعىپ كەتكەندەي، ءشوپ قىپ تاستاپ تاستاعانداي، قامىس قۇلاقتارى تاستوبەسىنە، كوزدەرى وتتاي جانعان، تاناۋلارى شەلەكتەي كوككە قارعىپ تۇرادى.
ناۋرىزباي ولارمەن تانىسقاننان كەيىن قوش ايتىسىپ، احمەت پراۆيتەلگە جەتكىزۋگە قۇرمانقۇلعا بىرنەشە ءسوز تاپسىرىپ، كەرى قايتادى. ناۋرىزباي ۇزاڭقىراعان مەزگىلدە وسى قولدىڭ ىشىنەن شابدار دەگەن مىلتىق اتادى. ناۋرىزباي مىلتىقتىڭ داۋسىن ەستىپ، قىلىشىن سۋىرىپ شابدارعا كەلگەندە، شابدار شىداي الماي، قاشىپ، قالىڭ توپتىڭ اراسىنا كىرىپ كەتەدى. قۇرمانقۇل ناۋرىزبايدىڭ الدىنا بارىپ: «مۇنىڭ ءوزى قالاي بولسا سولاي ەسالاڭ كىسى ەدى»، — دەپ كوپشىلىكتىڭ ناۋرىزبايعا باعىناتىندىعىن ايتادى. «ءا، سولاي ما ەدى؟!» — دەپ ناۋرىزباي قىلىشىن قىنابىنا سارت ەتكىزىپ سالادى دا، اينالىپ جۇرە بەرەدى. سوندا قۇرمانقۇل: «ناۋرىزبايدىڭ ەرلىگىنە ىرزا بولدىم»، — دەپتى.
وقۋعا كەڭەس بەرەمىز:
سىرىمنىڭ نۇرالى حاندى شابۋى (ءىى نۇسقا)
بايماعامبەت سۇلتان مەن سىرىم باتىر
You Might Also Like
-
ناۋرىزبايدىڭ قارىنداسى قاراشاش دالادا جاتقان جىلقىنىڭ ءبىر قۇمالاعىن اتپەن شاۋىپ كەلە جاتىپ نايزامەن شانشىپ ءىلىپ الادى ەكەن. سەركە تەرىسىنەن تۇمار بوياۋعا بوياعان سارى شالبار كيەدى ەكەن.
-
ناۋرىزباي ادامنىڭ سىرتتانى ەكەن، تۇرەگەلىپ تۇرعاندا ەكى قولى تىزەسىنەن تومەن ءتۇسىپ تۇرادى ەكەن جانە بىلەگى ءجاي ادامداردىڭ بىلەگىندەي ەكى ايىر سۇيەك ەمەس، تۇتاس سوم سۇيەك ەكەن دەيدى.
