ريچارد برەنسوننىڭ بويىڭدى رۋحتاندىراتىن 11 دانالىق ءسوزى
ريچارد برەنسونعا تاڭدانا جانە سۇيسىنە قاراماۋ قيىن. ول ەرەكشە كاسىپكەر، ارمانشىل ءارى جەڭىمپاز ادام. برەنسوندى سپيكەر رەتىندە ءجيى شاقىرادى، سەبەبى ونىڭ سوزدەرى شىنىمەن قاناتتاندىرادى. بيزنەسمەننىڭ ءبىز ۇسىنىپ وتىرعان قاناتتى سوزدەرءى ءسىزدى رۋحتاندىرىپ، ىنتاڭىزدى ارتتىرادى.
وزىندىك ەرەكشەلىك جايلى
مەن ءۇشىن بيزنەسپەن اينالىسۋ بۇل كوستيۋم كيىپ، ستەيكحولدەرلەرگە جارباڭداۋ ەمەس. ەڭ باستىسى، وز-وزىڭە، يدەيالارىڭا ادال بولۋ جانە باستى ماسەلەلەردى نازاردا ۇستاۋ.
ءپوزيتيۆتى كوزقاراس جايلى
مەنىڭ ومىرلىك ۇستانىمىم – ءار مينۋتتان ءلاززات الۋ. مەن «و، قۇدايىم، بۇگىن مىنانى جاساۋىم كەرەك» دەگەن ويمەن ەشقاشان ەشتەڭە ىستەمەيمىن. بيزنەسمەن ءوز ءىسىن ۇلكەن قىزىعۋشىلىقپەن ىستەۋ كەرەك، وعان ءبارى ۇناۋ كەرەك. بۇل شىعارماشىلىق قابىلەتتى ارتتىرادى.
كاسىپكەرلىك جايلى
كاسىپكەرلىكتىڭ بار ءمانى – سەنى تولعاندىراتىننىڭ ءبارىن قارجىعا اينالدىرۋ، سول سالادا جەتىستىككە جەتۋ جانە العا ىلگەرىلەۋ. مەنىڭ ويىمشا، ءبىر سارىندى جۇمىس پەن ساعاتتاپ ءبىر جەردە وتىرۋ – بۇل جالپى كاسىپكەرلىك رۋحقا جاسالعان قيانات.
ادامدار جايلى
ادامدارعا شىنايى قامقور بولۋ وتە ماڭىزدى. ءسىز ەگەر ادامداردى جاقسى كورمەيتىن بولساڭىز، جاقسى كوشباسشى بولا المايسىز. ولاردى جاقسى كورگەن جاعدايدا عانا جاقسى قاسيەتتەرىن بايقاي الاسىز. بيزنەس — بۇل ادامداردىڭ ءومىرىن جاقسارتۋ ءۇشىن ويلاپ تابىلعان جاي عانا يدەيا.
سىن-تەگەۋرىن جايلى
مەنىڭ ومىرگە دەگەن قىزىعۋشىلىعىم وزىمە اقىلعا سىيمايتىن سىناقتار ۇيىمداستىرىپ، سولاردى باعىندىرۋىمنان تۋىنداعان.
ماعان جىگەر بەرەتىن نە؟ ءارى قاراي دا وزىمە سىن-سىناقتار جاساۋ. مەن ومىرىمە ۋنيۆەرسيتەتتەگى شەكسىز وقۋ سياقتى قارايمىن: كۇندەلىكتى جاڭا بىردەڭەگە ۇيرەنەمىن.
جالپى بارلىعى جايلى
بويىڭا ماقتانىش سىيلايتىن بىردەڭە جاساپ شىعارۋ. بۇل مەنىڭ بيزنەستەگى ءپالساپام دەسەم بولادى. شىن ايتسام، مەن ەشقاشان كوپ قارجى تابۋ ءۇشىن بيزنەسپەن اينالىسقان ەمەسپىن. ەگەر بۇل باستى سەبەپ بولسا، وندا ەشتەڭە ىستەۋدىڭ قاجەتى جوق.
مەن جۇمىستى جۇمىس دەپ، ال كوڭىل كوتەرۋدى كوڭىل كوتەرۋ دەپ قابىلدامايمىن. مۇنىڭ ءبارى ءومىر.
سايتتاعى بارلىق ناقىل سوزدەر: ۇلاعاتتى سوزدەر
ال ءسىزدى قانداي تۇلعالاردىڭ cوزدەرى، ءومىرى، بيوگرافياسى جىگەرلەندىرەدى؟
You Might Also Like
