InfoHub Logo

بۇگىن ءۇش ءتىلدى ءبىلىم بەرۋ جۇيەسىنە ارنالعان xالىقارالىق سەميناردا ق ر ءبىلىم جانە عىلىم ءمينيسترى ەرلان ساعادييەۆ شەتەلدىك قوناقتارعا اتالعان باستامانى ىسكە اسىرۋ جايىندا ايتىپ بەردى.

«شىنىمدى ايتسام، ۋاقىت قىسىپ جاتىر. ءبىز اتالعان باستامانىڭ ىسكە اسۋىنا قاتتى الاڭداپ، جۇيكەمىز جۇقارىپ ءجۇر. الايدا ءبىزدىڭ بالالارىمىز ەش الاڭداپ جاتقان جوق. سەبەبى ولار دايىن ەكەندەرىن بىلەدى. ال، ءبىزدىڭ زەرتتەۋىمىزگە سايكەس، اتا-انالار مەن بالالاردىڭ باسىم بولىگى ءۇش ءتىلدى وقىتۋدى قولداپ وتىر»، - دەيدى ە.ساعادييەۆ.

ونىڭ ايتۋىنشا، بۇگىندە وسى سالاداعى نەگىزگى ماسەلەلەردىڭ ءبىرى - مۇعالىمدەردىڭ دايىندىعى. 2019 جىلعا دەيىن اعىلشىن تىلىندە ساباق بەرەتىن 16 000 ءمۇعالىم قاجەت بولادى.

«ارينە، كوپ نارسە ءاربىر ءمۇعالىمنىڭ ءتىل ءبىلۋ دەڭگەيىنە بايلانىستى بولماق. بىزدىڭشە، 9 ايدان كەيىن ۇستازدار شەت تىلدە ساباق وقىتۋعا دايىن بولادى. ءسوز جوق، جاڭا جۇيەگە كوشكەننەن كەيىن ءبىلىم بەرۋدىڭ ساپاسىن جوعالتىپ الماۋىمىز قاجەت. سول سەبەپتى ءتىلدى ۇيرەنۋ ماسەلەسى عانا ەمەس، سول تىلدە وقىتىلاتىن ءپاندى جەتىك مەڭگەرۋ جۇمىسىنا دا باسا نازار اۋدارعان ءجون. ول ءۇشىن ءتيىستى ساراپتامالار جۇرگىزىلەدى»، - دەپ اتاپ كورسەتتى مينيستر.

ايتا كەتەيىك، بۇگىنگى سەمينار بارىسىندا جوعارى ءبىلىم جانە جوعارى وقۋدان كەيىنگى ءبىلىم بەرۋ دەپارتامەنتىنىڭ ديرەكتورى دارxان اxمەد-زاكي وقىتۋشىلاردىڭ اعىلشىن تىلىندە ساباق بەرۋگە ءالى دايىن ەمەس ەكەنىن جەتكىزدى.

---