InfoHub Logo

ق ر ءبىلىم جانە عىلىم مينيسترلىگى ءبىلىم بەرۋ ساپاسىن ارتتىرۋ بويىنشا جوعارى وقۋ ورىندارىن ىنتالاندىرۋدىڭ جاڭا ادىستەرىن ازىرلەپ جاتىر. وسى ورايدا ۇسىنىستاردىڭ ءبىرى وقۋ ورىندارىنا جەكە ءبىلىم بەرۋ باعدارلامالارىن دايارلاۋعا مۇمكىندىك بەرۋگە قاتىستى.

«مينيسترلىك قاي باعىتتا ءبىلىم بەرۋ كەرەكتىگى تۋرالى نۇسقاماۋى ءتيىس، بارلىق 130 جوو وزدەرىنىڭ ءبىلىم بەرۋ باعدارلامالارىنىڭ مازمۇنىن جاڭارتۋ بويىنشا جۇمىستارعا جۇمىلۋى قاجەت»،-دەدى مينيستر ەرلان ساعادييەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جوعارى وقۋ ورىندارىنىڭ اكادەميالىق جانە باسقارۋ دەربەستىگىن كەڭەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرۋ بارىسىندا.

ونىڭ پايىمىنشا، وسى ورايدا جوعارى وقۋ ورىندارىن تەك ەكى ادىسپەن عانا دامىتۋعا بولادى، ياعني باسەكەلەستىكتى ارتتىرۋ مەن رەەستردەن قاۋقارسىز ءبىلىم بەرۋ باعدارلامالارىن الىپ تاستاۋ قادامدارى ارقىلى جەتىلدىرۋ مۇمكىندىكتەرى بار.

«ءبىلىم بەرۋ باعدارلامالارىنا سۇرانىس جوق وقۋ ورىندارىندا وسى ماسەلە بويىنشا ءۇش جول بار. بىرىنشىدەن، ۇزدىك جوو-لارعا بارىپ، ولاردان ءبىلىم بەرۋ باعدارلامالارىن الۋ جانە ونى وزدەرىنە جىلدام ەندىرۋ. ەكىنشىدەن، وزدەرىنىڭ باعدارلارمالارىن جاۋىپ تاستاۋ كەرەك، بۇل رەتتە ستۋدەنتتەر ۇزدىك وقۋ ورىندارىنا اۋىسادى. ۇشىنشىدەن، سەرىكتەستەر ىزدەپ، وزدەرىنە ساپالى باعدارلامالاردى ازىرلەپ، ەنگىزۋ»،-دەپ ءتۇسىندىردى ساعادييەۆ.

زاڭ جوباسى «بەس ينستيتۋسيونالدىق رەفورمانى ىسكە اسىرۋ جونىندەگى 100 ناقتى قادام - ۇلت جوسپارىنىڭ» 78-قادامىن جۇزەگە اسىرۋ ماقساتىندا ازىرلەنگەن. وندا نازاربايەۆ ۋنيۆەرسيتەتىنىڭ تاجىريبەسىن ەسكەرە وتىرىپ، جوعارى وقۋ ورىندارىنىڭ اكادەميالىق جانە باسقارۋ دەربەستىگىن ساتىلاي كەڭەيتۋ ەكسەرىلگەن.

---