InfoHub Logo

ساباقتىڭ تاقىرىبى: ساكەن سەيفۋللين «اققۋدىڭ ايىرىلۋى»
ساباقتىڭ ماقساتى: ساكەن سەيفۋلليننىڭ ءومىرى، شىعارماشىلىعى تۋرالى بىلىمدەرىن تەرەڭدەتۋ. پوەماداعى نەگىزگى يدەيانى ءتۇسىندىرۋ. وقۋشىلاردىڭ مانەرلەپ وقۋ داعدىلارىن دامىتۋ. تىرەك كەستەلەرگە سۇيەنە وتىرىپ، اۋىزەكى سويلەۋ تىلدەرىن دامىتۋ. ءوز ويلارىن ەركىن جەتكىزە بىلۋگە داعدىلاندىرۋ. ادال دوستىققا ۇندەۋ. قورشاعان ورتانى قورعاۋعا شاقىرۋ.
ساباقتىڭ كورنەكىلىگى: ينتەراكتيۆتى تاقتا، سۋرەت، ماركەرلەر، تاپسىرمالار.
ساباقتىڭ ءتۇرى: ءبىلىم مەن ءىس - ارەكەت تاسىلدەرىن جۇيەلەۋ جانە قورىتىندىلاۋ
ساباقتىڭ ءادىسى: رەپرودۋكتيۆتى، ەۆريستيكالىق ادىستەر

ساباقتىڭ بارىسى:
ءى. ۇيىمداستىرۋ كەزەڭى
وقۋشىلاردى توپقا ءبولۋ(كوك، جاسىل جانە سارى ءتۇستى اققۋ سۋرەتتەرى بويىنشا توپقا بولىنەدى)
پسيحولوگيالىق دايىندىق: ساباققا ساتتىلىك تىلەۋ، ساباقتىڭ «التىن ەرەجەسىن» ەسكە ءتۇسىرۋ مەيىرىمدى جۇرەكپەن،
اقپەيىلدى تىلەكپەن،
امانداسىپ الايىق،
ءبىر جادىراپ قالايىق!
• «التىن ەرەجەنى» ەسكە ءتۇسىرۋ
• 1. باسقانىڭ پىكىرىن سىيلاۋ.
• 2. ۋاقىتقا باعىنۋ، رەگلامەنت ساقتاۋ.
• 3. تاپسىرمالاردى تياناقتى ورىنداۋ.
• 4. شىنايى تۇردە ءفورماتيۆتى باعالاۋ.
• 5. سىنىپتا، توپتا ءتارتىپ ساقتاۋ.

1. قىزىعۋشىلىقتى وياتۋ.
ءار توپتىڭ العان سۋرەتتەرىندە ماقالدار جازىلعان ءار توپ ءوز توبىنىڭ ماقالىن قۇراستىرادى قۇراستىرىلاتىن ماقالدار:
اققۋ – قۇستىڭ سۇلتانى.
اققۋدى اتپا، دوسىڭدى ساتپا.
اققۋدى اتۋعا بولمايدى، ماحابباتتى قورلاۋعا بولمايدى.
سۇراق: بۇگىن ساباق نە تۋرالى بولادى دەپ ويلايسىڭدار؟

س. سەيفۋلليننىڭ شىعارمالارىنا شولۋ.
«ورمەكشى» وقىتا ۇيرەتۋ ويىنى. وقۋشىلار كەزەك – كەزەك ءار ۇستەلدىڭ تاپسىرماسىن ورىندايدى. ۇلگەرگەنىنشە جاۋاپتارىن جازىپ قالدىرادى. ولارعا بەلگىلى ءبىر ۋاقىت بەرىلەدى. ءار توپ بارلىق ۇستەلدىڭ تاپسىرماسىن ورىنداپ شىعۋى كەرەك. ءمۇعالىم جاۋاپتاردى تەكسەرىپ، باعالايدى. ءاربىر دۇرىس جاۋاپ 10 - دىق ۇپايمەن باعالانادى.

№1 ۇستەلدىڭ تاپسىرماسى:
1. س. سەيفۋللين قاشان، قاي جەردە دۇنيەگە كەلگەن؟(1894، قازىرگى قاراعاندى وبلىسى، جاڭاارقا اۋدانى)
2. تۇڭعىش ولەڭدەر جيناعى قالاي اتالادى؟(«وتكەن كۇندەر»)
3. اقىننىڭ قانداي درامالىق شىعارمالارى بار؟(«قىزىل سۇڭقارلار»، «باقىت جولىندا»)

№2 ۇستەلدىڭ تاپسىرماسى:
1. س. سەيفۋللين قايدا ءبىلىم الدى؟(ومبىداعى مۇعالىمدەر سەمينارياسى)
2. تۇڭعىش ولەڭدەر جيناعى قاشان جانە قاي قالادا باسىلىپ شىقتى؟ 1914جىلى قازان قالاسى(
3. س. سەيفۋلليننىڭ پروزا سالاسىنداعى ەڭبەكتەرىنە قانداي شىعارمالار جاتادى؟(تار جول، تايعاق كەشۋ»رومانى، «باندىنى قۋعان حاميت»،»ءمۇسلىم» اڭگىمەلەرى، «ايشا»، «جەر قازعاندار»، «جەمىستەر»، «سول جىلداردا»، «ءبىزدىڭ تۇرمىس» پوۆەستەرى

№3 ۇستەلدىڭ تاپسىرماسى:
1. ساكەن پوەزياسىنىڭ تاقىرىپتارى قانداي؟(تۋعان جەردىڭ سۇلۋ تابيعاتى، ەل تاعدىرى، دوستىق، جاستىق)
2. ساكەننىڭ قانداي اندەرى بار؟(«اقساق كيىك»، «تاۋ ىشىندە»،»كوكشەتاۋ»)
3. اقىننىڭ قانداي پوەمالارى بار؟( «كوكشەتاۋ»، «الباتروس»، قىزىل ات»، «اققۋدىڭ ايىرىلۋى»)
2. ماعىنانى اجىراتۋ ساتىسى:
«اققۋدىڭ ايىرىلۋى» پوەماسىن اڭگىمەلەۋ
ءبىرىنشى توپ «كولدى مەكەندەگەن قۇستار»
1. مانەرلەپ وقۋ
2. تاقىرىپ بويىنشا سۋرەت سالىپ، اڭگىمەلەۋ
3. كولدى سيپاتتاۋداعى تەڭەۋلەردى تاۋىپ، كولدى مەكەندەيتىن قۇستار تۋرالى ايتىپ بەرۋ. (ءۇزىندىنىڭ ءتۇيىنى)
توپتار ءبىر – ءبىرىنىڭ جۇمىستارىن باعالايدى
ەكىنشى توپ «ەكى اققۋدىڭ كەزدەسۋى»
1. مانەرلەپ وقۋ
2. تاقىرىپ بويىنشا سۋرەت سالىپ، اڭگىمەلەۋ
3. بۇل بولىمدە اقىن نەنى جىرلايدى؟ (ءۇزىندىنىڭ ءتۇيىنى)
توپتار ءبىر – ءبىرىنىڭ جۇمىستارىن باعالايدى
ءۇشىنشى توپ «مەرگەننىڭ اققۋدى اتۋى»
1. مانەرلەپ وقۋ
2. تاقىرىپ بويىنشا سۋرەت سالىپ، اڭگىمەلەۋ.
3. اققۋ ءوزىنىڭ ولىمىمەن نەنى دالەلدەدى؟ (ءۇزىندىنىڭ ءتۇيىنى)
توپتار ءبىر – ءبىرىنىڭ جۇمىستارىن باعالايدى

3. ساباقتى بەكىتۋ.
ەكى جاقتى تۇسىندىرمەلى كۇندەلىك تولتىرۋ.
پوەمانىڭ ماعان اسەر ەتكەن شۋماعى نەلىكتەن ول ماعان اسەر ەتتى؟

ساباعىمىزدى ساكەننىڭ «كوكشەتاۋ» انىمەن اياقتاسام دەيمىن

4. رەفلەكسيا:
ساباق بويىنشا ويىڭدى ءبىلدىر:
1. قانداي جاڭا ءبىلىم الدىڭ؟
2. العان ءبىلىمىڭدى قولدانا الاسىڭ با؟
3. ساعان قيىندىق تۋدىرعان تۇسىنىكتەر