InfoHub Logo

ءبىر اپتا بۇرىن ميلاندا ءسان اپتالىعى اياسىندا شوۋ ءوتتى، وندا كيىم كورسەتكەن مودەلدەردىڭ 3 كەۋدەسى بولدى.

وتكەن ماۋسىمدا عانا Gucci قولىندا باستارىن كوتەرگەن مودەلدەرمەن جاڭا توپتامانى كورسەتتى.

ءسىزدىڭ كوپشىلىگىڭىزدە سۇراق تۋىندايتىنى انىق - نەگە ديزاينەرلەر پوديۋمدا كۇلكىلى نەمەسە قيسىنسىز توپتامالاردى كورسەتەدى، ولاردىڭ ەشقايسىسىن ومىردە كيۋ مۇمكىن ەمەس؟

كەز كەلگەن شوۋلاردىڭ ماقساتى جاڭا توپتاماداعى كيىمدەردى كورسەتۋ عانا ەمەس: ءسان ديزاينەرلەرى كورەرمەنگە بەلگىلى ءبىر يدەيانى جەتكىزۋدى كوزدەيدى. مىسالى، 50ء-شى جىلدارى ترەندكە اينالعان نازىكتىك بەينەسى نەمەسە پانك بەينەسى سياقتى يدەيالىق كورسەتىلىمدەر تۋرالى ايتۋعا بولادى.

ءسان كورسەتىلىمدەرى ديزاينەر ءۇشىن ءوز يدەياسىن جارقىن جەتكىزە الاتىن الاڭعا اينالادى.

يدەيانى جەتكىزۋ ءۇشىن مودەلدەر جۇرەتىن مۋزىكا مەن ورىن تاڭدالىپ، ولاردى ارنايى ستيلدەيدى. سولاي ديزاينەرلەر كورەرمەندى باسقا الەمگە اپارادى. سوندىقتان، «ارتىندا وبراز بەن تاريح تۇرعان كەز-كەلگەن زات قىمبات ساتىلادى».

جاڭا ءارقاشان العاش كورگەن نارسە وعاش بولىپ كورىنەدى، سوندىقتان كوپتەگەن ادامدار ءۇشىن مۇنداي ديزايندار تىم راديكالدى.

دەسە دە، ءسان تاريحىن ەسكە تۇسىرەيىك:

كوكو شانەل (بۇگىندە ءبارى كلاسسيكالىق ءسان وكىلى دەپ سانايدى) باستاپقىدا داۋلى كۋتيۋرە بولىپ سانالدى. ول ءسانقويلارعا دجەرسي ماتاسىنان جاسالعان كيىم كيۋدى ۇسىندى. ول كەزدەرى دجەرسي ماتاسىن كەدەيلەر كيەتىن بولعاندىقتان مۇنداي ۇسىنىس حالىققا ەرسى كورىندى.

اندرە كۋررەج 60-شى جىلدارى عارىشتىق كوللەكسيانى كورسەتتى (ونداي ءسان سول كەزدەرى مۇلدەم ەرەكشە بولدى). ءبىراق عارىشتىق يدەيا بىردەن سانگە اينالدى.

ءبىراق بۇگىنگى تاڭدا كوپ برەندتەر وبرازدارىنىڭ پوديۋمداردا كورسەتىلگەننەن كەيىن ءاردايىم نەعۇرلىم كيۋگە بولاتىن نۇسقاسىن شىعاراتىنىن اتاپ وتكەن ءجون.

مىسالى پوديۋمنان باسىنان اياعىنا دەيىن اق مامىققا ورالعان مودەلدى كورىپ تاڭ قالعانىمىزبەن، كەلەسى كۇنى دۇكەننەن شەتىندە كىشكەنە اق قاۋىرسىندارى بار توپ ساتىپ الامىز.

كورسەتىلىمدەردە مۇنداي ەرسى نارسەلەردى كورسەتۋدىڭ تاعى ءبىر سەبەبى - كوبىنەسە ديزاينەرلەر پوديۋمدا كوللەكسيالار ارقىلى حالىققا ونەر ۇسىنادى. بۇل جاعدايدا كيىم ءوز فۋنكسياسىن ورىنداۋدى توقتاتقانىمەن، ناعىز ونەر تۋىندىسىنا اينالادى.

مۇنداي ديزاينەرلىك زاتتاردى مۇراجايلار كەيىن وتە ۇلكەن اقشاعا ساتىپ الادى!

ءبىراق ونەر تۋىندىلارىنان بولەك باسقا باعىتتا شىعارىلاتىن، قاراپايىم ادامدارعا باعىتتالعان كيىم ۇلگىلەرى ديزاينەرلەردىڭ باستى تابىس كوزى بولىپ تابىلادى.

---