InfoHub Logo

مارشالل بريۋس مەتەرس III ميسسۋري شتاتىنداعى سەنت-دجوزەف اتتى كىشكەنتاي قالاشىقتا 1972 جىلدىڭ 17ء-شى قازانىندا دۇنيەگە كەلدى. اتا-اناسى جەرگىلىكتى مۋزىكانتتار ەدى. اناسى 15-جاسىندا كۇيەۋگە شىقتى. ءبىراز ۋاقىتتان سوڭ، مارشاللدىڭ اكەسى وتباسىن تاستاپ، كاليفورنياعا كەتىپ قالادى، سودان بەرى ۇلىمەن كورىسپەيدى. بالا كەزىندە، ەمينەم اناسى ەكەۋى شتاتتان-شتاتقا كوشىپ، ءبىر جەردە ءبىر جىلدان اسا ۋاقىت تۇرعان ەمەس. ەمينەمنىڭ ءجاسوسپىرىم كەزىندە اكەسىنە ءجيى حات جازىپ تۇرعانىمەن، جىبەرىلگەن حاتتار ءاردايىم «جىبەرۋشىگە قايتارىپ بەرۋ» دەگەن شتامپپەن قايتىپ كەلە بەرگەن ەكەن. 

دوستارىنى، وتباسى جانە سىنىپتاستارى مارشاللدى ءجيى بۋللينگكە ۇشىرايتىن، جالعىزسىراپ جۇرەتىن ءبىراق، باقىتتى بالا دەپ سيپاتتايتىن. مىسالى د’اندجەلو بەيلي جاس مارشاللدى دارەتحانادا قاتتى سوققىعا جىققانى سونشالىق، باسىن جارىپ تاستاعان كورىنەدى. بالالىق شاعىنىڭ كوپ ۋاقىتىن ەمينەم دەترويتتىڭ كوبىنە افروامەريكاندىقتار تۇراتىنن اۋدانىندا وتكىزگەن. ەمينەم تۇرعان كوشەدە بار بولعانى ءۇش اق ءناسىلدى وتباسى ءومىر سۇرگەندىكتەن، قارا ناسىلدىلەر ەمينەمدى ءجيى سوققىعا جىعاتىن بولعان. ساباقتى كوپ وتكىزىپ، ناشار باعا الا بەرگەنى ءۇشىن، ول توعىزىنشى سىنىپتا ءۇش جىل بويى قالا بەرىپ، كەيىن 17 جاسىندا مۇلدەم مەكتەپتى تاستاپ كەتەدى. 

اناسىنا كومەكتەسۋ ءۇشىن مارشالل بىرنەشە جۇمىستا ىستەۋگە ءماجبۇر بولعان. اناسى ۇيدە جوق بولعان كەزدە، ەمينەم راديونى قوسىپ، ءوزى دە ءان جازىپ باستاعان. رەپ دەگەندى العاشقى رەت رونني اتتى تۋىسقان اعاسى الىپ بەرگەن كاسسەتادان تىڭداپ كورەدى، كەيىننەن سول رونني ەمينەمنىڭ مۋزىكاداعى تالىمگەرى بولادى. ءبىراق 1991 جىلى رونني ءوزىن-وزى ءولتىرىپ، سۋيسيد جاسايدى. وسىدان كەيىن ەمينەم قاتتى دەپرەسسياعا ۇشىراپ، ءتىپتى سول اعاسىنىڭ جەرلەۋىنە بارمايدى.

14 جاسىندا ەمينەم مەكتەپتەگى دوسى مايك رۋبيمەن بىرگە «Manix» (رۋبي) ي «M&M» دەگەن اتپەن رەپ وقىپ باستايدى. «M&M» مارشالل مەتەرس دەگەندى بىلدىرگەنىمەن، وقىلعانى ەمينەم بولعاندىقتان، بۇگىنگى كۇنگە دەيىن ۇلى رەپەردى وسى اتىمەن تانيمىز.

---