InfoHub Logo

كەز كەلگەن مەملەكەتتىڭ بولاشاعى ءبىلىمدى جاستار. بۇگiنگى جاس – بولاشاق قازاقستاننىڭ جاندى بەينەسى. بۇگىنگى جاس – ەرتەڭگى ەل تىزگىنىن ۇستايتىن تۇلعا.

بۇگىنگى الدىڭعى تولقىن اعا بۋىننىڭ ورنىن باسار، ءىزىن جالعاستىرار ارتىندا ءوسىپ كەلە جاتقان جاستار ەكەنى داۋسىز. ەلىمىزدىڭ ەندىگى دامۋى مەن وركەندەۋى، كەلەشەگى جاستارعا تىكەلەي بايلانىستى.

اقىن، پەداگوگ م.جۇمابايەۆ ايتپاقشى مىنا قوعام «ارىستانداي ايباتتى، جولبارىستاي قايراتتى، قىرانداي كۇشتى قاناتتى» جالىنداعان جاستارعا يەك ارتادى، سولارعا سەنەدى. ەلىمىزدىڭ ءوسىپ وركەندەۋى ءۇشىن، جاس مامانداردىڭ ويىنىڭ ۇشقىرلىعى، تىڭ يدەيالارى وتە ماڭىزدى. قانداي ماماندىق يەسى بولسا دا، ءوز ىستەرىنە جاۋاپكەرشىلىكپەن قاراعان ادامنىڭ، جەتەر جەتىستىگى دە وتە كوپ بولماق. 2019 جىل «جاستار» جىلى بولىپ بەكىتىلدى. ياعني بۇل دەگەنىمىز، جاستارعا دەگەن سەنىمدىلىك پەن ولارعا قولداۋ كورسەتۋدى بەلگىسى. بولاشاعىنىڭ جارقىن بولىپ، ويلاعان ارمانىن ىسكە اسىرىپ، الدىنا تىڭ جوسپار قويا بىلگەن ءار جاس مامان بۋىنعا وسى جىل تاپتىرماس مۇمكىندىكتەردىڭ ءبىرى بولادى.

 «ۇرپاعى ءبىلىمدى حالىقتىڭ بولاشاعى بۇلىڭعىر بولمايدى» دەگەندەي، جاس ۇرپاققا ءمان-ماعىنالى، ونەگەلى تاربيە مەن ءبىلىم بەرۋ – بۇگىنگى كۇننىڭ باستى تالابى. قايسار رۋح پەن قارا كۇشتى قارۋ ەتىپ، ەركىندىك ءۇشىن كۇرەسكەن بابالارىمىزدىڭ ەرلىك جولىنداعى كۇرەسى بۇگىنگى تاڭدا ايبىنى اسپان تىرەگەن تاۋەلسىزدىك تۇعىرىن بيىكتەتتى.

ءبىز – جاستار تاۋەلسىزدىك جاستارمىز! جاس، جاسامپاز ەلدىڭ ۇلانىمىز. بۇگىندە جاستار شىڭدالىپ دامۋعا، ءوز ءىسىن اشىپ، ءوزىن-وزى دامىتۋىمەن، سپورت، عىلىم، شىعارماشىلىقپەن جانە باسقا دا قىزمەت تۇرلەرىمەن اينالىسۋعا تولىق مۇمكىندىكتەرى بار. قازىرگى تاڭدا جاڭا كوزقاراسپەن قارايتىن جالىندى جاستار ەلىمىزدىڭ جاڭارۋ ۇدەرىستەرىنە بەلسەنە قاتىسىپ كەلەدى. الىسقا قول سەرمەپ، الەمدىك دەڭگەيدەگى ۇستانىمدى يگەرىپ، كەلەشەكتىڭ كىلتىن ءوز قولدارىنا الۋدا.

بۇگىنگى جاستاردىڭ قوعامدىق ومىردەن ەش ۋاقىت قول ۇزبەي، ءوز ەلىن سۇيۋگە، ءسالت-داستۇر مەن ادەت-عۇرپىن بىلۋگە تاربيەلەۋگە بۇگىنگى پەداگوگيكا عىلىمدارىنىڭ الدىندا تۇرعان زور مىندەتتەردىڭ ءبىرى. قاي عاسىردا بولسىن ۇلت ءومىرىن وركەندەتۋشى سانالى دا سالاۋاتتى، ۇلتجاندى، رۋحى بيىك پاراساتتى ۇرپاقتى تاربيەلەۋ – قوعام الدىنداعى باستى مىندەتتەردىڭ ءبىرى.

ەندىگى كەزەكتە تاربيە مازمۇنى مەن جاستاردى تاربيەلەۋ ءىسى ولاردىڭ دۇنيەتانىمىن قالىپتاستىرۋ جانە اقپاراتتىق-ساياسي مادەنيەتىن كوتەرۋگە باسا كوڭىل اۋدارۋعا ءتيىسپىز. ءاربىر قازاق جاستارى وزدەرىن ۇلتجاندىمىن دەپ ۇعىنىپ، ءون بويلارىندا ۇلتتىق نامىسىن جوعارى قويۋ كەرەك. ەلىمىزدىڭ بەيبىت اسپانىندا قازاق جاستارى تاۋەلسىز ەلدىڭ ايقىن ماقساتتارىمەن جىگەرلەنىپ، تەك قانا العا ۇمتىلۋعا جۇمىس جاسايمىز. ەل سەنىمىن، ءۇمىتىن اقتاۋ – جاستاردىڭ قولىندا.

ەلباسىمىزدىڭ حالىققا جولداۋىندا: ءبىزدىڭ ۇرپاق الدىندا بابالار قول جەتكىزگەن يگىلىكتى ساقتاۋ، قايتا قالپىنا كەلتىرىلگەن مەملەكەتىمىزدى نىعايتۋ جانە دۇنيەجۇزىلىك قاۋىمداستىق تالاپتارىنا ساي جاڭا ساپالىق دەڭگەيگە كوتەرىلۋ مىندەتى تۇر،-دەپ ، جاستارعا زور سەنىم مەن ءۇمىت ارتىپ وتىر. سول سەنىمدى اقتاپ، بولاشاعىمىزدى جارقىن قىلايىق.

قورىتا كەلە، قازىرگى كەزدە «جاستار-ەلىمىزدىڭ جارقىن بولاشاعى» دەگەن قاناتتى سوزدەردى ءجيى ايتامىز، ال سول جاستاردىڭ  بولاشاعى، وتانىمىزدىڭ ەرتەڭگى تاعدىرى بولسا،  سوعان دانەكەر ءوزىمىزدىڭ بۇگىنگى قىزمەتىمىزدىڭ قالاي اتقارىلىپ جاتقانى، قوعامعا قانداي ۇلەس قوسىپ جۇرگەنىمىزگە تىكەلەي بايلانىستى.  مىنە، «سانالى ۇرپاق-جارقىن بولاشاق» تاقىرىبىنداعى ءويتۇيىندى جالپى ەل جاستارىنا باعىتتايمىن! جاس كۇش، جاس تولقىن بولىپ تولقىپ، انا تىلىندە سايراپ، وزگە ءتىلدى مەڭگەرۋ ارقىلى بولاشاق ەلدىڭ كەمەل كەلەشەگىن بيىكتەردەن كورۋگە ۇلەس قوسايىق، سانالى ۇرپاق...!

---