و، ماحاببات!
سەن ءالى ءتىرى مە ەدىڭ!؟
كوزىمنەن عايىپ بولعان كۇنىم ەدىڭ،
گۇلىم ەدىڭ...
ەلتىگەن ءتۇنىم ەدىڭ،
و، ماحاببات!
سەن ءالى ءتىرى مە ەدىڭ!؟
مەن سەنى ۇمىتقامىن.
جىلىتقانىڭ ەستە جوق سۋىتقانىڭ.
سۋىپ قانىم،
جيناعام قۇرىپ ءحالىم،
جىعىلعان وتاۋىمنىڭ ۋىقتارىن.
سودان بەرى مەن سەنى ۇمىتقامىن.
و، ماحاببات!
سەن ءالى ءتىرى مە ەدىڭ؟!
ءتىرى مە ەدىڭ...
مەن دە ەندى تىرىلەمىن!
اق پەرىشتە، الدىڭا جۇگىنەمىن،
...قولداي گور عاشىقتاردىڭ ءپىرى مەنى

---