سەن مىنا - جانارىمنىڭ ىشىندەسىڭ،
جاناردىڭ بىلەسىڭ عوي كىشىرمەسىن.
ىشىنە جانارىڭنىڭ ساقتا مەڭى،
بىرەۋلەر كولەڭكەسىن تۇسىرمەسىن!
سەن مەنىڭ - مىنا تىلسىم كەۋدەمدەسىڭ،
بىلەسىڭ، كەۋدەمە ەشكىم تەڭ كەلمەسىن.
كەۋدەڭە-زىندانىڭا سالىپ ساقتا،
بىرەۋلەر كوكپار قىلىپ وڭگەرمەسىن!
سەن مىنا - تىلىمدەسىڭ، ۇنىمدەسىڭ،
بىلەسىڭ عوي، ءتىلىمنىڭ بۇلىنبەسىن.
سەن مەنى ۇنىڭە قوس، تىلىڭە تۇت،
ءۇنىم ءوشىپ، ۇشكىر ءتىل تىلىنبەسىن!
سەن مىنا - مەنىڭ الىپ باسىمداسىڭ،
بىلەسىڭ، ەشكىم دە ونى باسىنباسىن.
سەن مەنى ءوز باسىڭمەن بىرگە قورعا،
بىرەۋلەر زۇلىمدىعىن اسىرماسىن!
سەن - مەنىڭ ميىمداسىڭ!
بىلەسىڭ، ميىم جاتقا بۇيىرماسىن. .
ميىڭنىڭ ءبىر جەرىنە جاسىر مەنى،
قيىلسىن ءومىر سولاي... قيىلعاسىن!..
الدىنان تەرەزەڭنىڭ ءجۇرىپ ءوتتىم،
سەن مەنى بايقادىڭ با، قۇدىرەتتىم؟
تۇردىڭ با تەرەزەڭنىڭ ار جاعىندا؟
تەڭسەلىپ، تۇتقان پەردەڭ ءدىرىل ەتتى.
Heگe ورتەندى؟
جۇرەگىم نەگە ورتەندى؟!
نەلەر كەلىپ، باسىما نەلەر ءتوندى...
بالكونىڭنان قول بىلعاپ، قارسى الۋشى ەڭ،
Heگe مەنەن جاسىردىڭ كولەڭكەڭدى؟
قايران كوكتەم،
قايران گۇل، قايران جازىم!
سارقىلعان با، شىنىمەن سايران-نازىڭ؟
اينىدىڭ با، شايلىعىپ شالقارىڭنان؟
ايدىنىمدا قاناتىن جايعان قازىم.
كوزىڭ قايدا كوشەدەن مەنى ىزدەگەن،
ءسوزىڭ قايدا جانىمىز ەگىز دەگەن؟
...تەرەزەڭنىڭ الدىنا كەلىپ تۇرمىن،
كوگەرشىندەي،
قىستى كۇن... جەم ىزدەگەن...

---