InfoHub Logo

ءارقايسىمىزدىڭ ۇيىمىزدە پۋلتپەن باسقارىلاتىن بىرنەشە قۇرىلعى بار. مىسالى، تەلەديدار، كونديسيونەر، ستەرەوجۇيە، ءۇي كينوتەاترى نەمەسە Apple TV، ءتىپتى كەيبىرىمىزدە Hue اقىلدى شامى دا بار. بۇل قۇرىلعىلاردىڭ ءارقايسىنا بولەك پۋلت قاجەت، ال بىزگە ءبارىن بىردەن باسقارۋعا بولاتىن امبەباپ پۋلت قاجەت. جانە CES 2017-دە ءبىز ونداي ءپۋلتتى تاپتىق، بۇل — Sevenhugs Smart Remote.

پۋلت قالاي جۇمىس ىستەيدى؟

ءتۇرلى كومپانيالار مۇنداي قۇرىلعىنى بىرنەشە مارتە جاساپ شىعارماق بولعان. ءبىر كەزدەرى Logitech ءوزىنىڭ Harmony پۋلتتەر جەلىسىمەن امبەباپ پۋلت يدەياسىنا جاقىنداعان دا ەدى، الايدا ول ونىمدەردى ءمىنسىز دەۋگە بولمايدى. سوندىقتان Sevenhugs جۇمىس ىستەۋدىڭ جاڭا الگوريتمىن ويلاپ تاپتى. Smart Remote بۇل باتىرمالاردىڭ ورنىنا 3،5-ديۋيمدىق ديسپلەي ورنالاسقان كىشىگىرىم پۋلت. بارلىق باسقارۋ سوڭعى كەزدەرى ادەتكە اينالعان تاسىلدەرمەن — سۆايپتەر جانە تاپتەرمەن ىسكە اسادى. پۋلپەن بىرگە ءۇش سەنسور بەرىلەدى، ولاردى بولمەنىڭ ىشىنە ءىلىپ قويۋ قاجەت. بۇدان كەيىن پۋلت نەنىڭ قاي جەردە ورنالاسقانىن تۇسىنە باستايدى. پۋلتكە قاجەتتى تەحنيكانى ورناتاسىز دا، كەيىن Smart Remote-تى باعىتتايسىز، مىسالى، تەلەديدارعا باعىتتاپ: «بۇل مەنىڭ تەلەديدارىم» دەيسىز. ەندى پۋلت ونى بۇل جاققا بۇرسا، تەلەديداردى باسقارۋ فۋنكسياسىن قوسۋ كەرەك ەكەنىن بىلەدى. جانە بۇل شىن مانىندە جۇمىس ىستەيدى.

پۋلت سەنسورلاردىڭ اينالاسىندا عانا جۇمىس ىستەيدى

پۋلت ءبىر قۇرىلعىدان ەكىنشىسىنە ءبىر ساتتە اۋىسا الادى. بۇل ىڭعايلى، ويتكەنى ارنانى اۋىستىرۋ ءۇشىن نەمەسە ءفيلمدى توقتاتا تۇرۋ ءۇشىن تىركەلگەن قۇرىلعىلاردىڭ ىشىنەن تەلەديداردى تاڭداپ ءجۇرۋدىڭ قاجەتى جوق. ءبىراق تەحنيكاسى بار كەلەسى بولمەگە وتسەڭىز، جۇيە جۇمىس ىستەمەيدى. سەبەبى كەلەسى بولمەدە ءپۋلتتىڭ قالىبىن كەڭىستىكتە انىقتايتىن سەنسورلار جوق. ءبىراق Sevenhugs پۋلتتەگى رەجيمدەر اراسىنداعى كلاسسيكالىق اۋىستىرۋدى قاراستىرعان. بۇل اسا ىڭعايسىز بولعانىمەن ءپۋلتتىڭ سەنسورلارسىز-اق جۇمىس ىستەۋگە مۇمكىندىك بەرەدى.

Sevenhugs Smart Remote قوسىمشالارمەن جۇمىس ىستەي الادى

بۇگىندە بۇل پۋلت 25 000-نان استام ءتۇرلى قۇرىلعىلاردى جاساقتايدى. Sevenhugs Smart Remote تەحنيكامەن Wi-Fi، Bluetooth جانە ينفراقىزىل پورت ارقىلى بايلانىسا الادى. ءبىر قىزىعى، تەحنيكانى باسقارۋدان وزگە، قوسىمشالارمەن دە بايلانىسۋعا بولادى. مىسالى، ءسىز ءپۋلتتى ەسىككە قاراتىپ Uber(تاكسي) شاقىرا الاسىز نەمەسە تەرەزەگە قاراتىپ، اۋا رايىن بىلە الاسىز. مۇنداي ءپۋلتتىڭ يدەياسىن، اسىرەسە اقىلدى ءۇي جۇيەسىنىڭ بىرتىندەپ دامۋىن ەسكەرەتىن بولساق، دانىشپاندىق دەۋگە بولادى. جانە سىرت كەلبەتى بويىنشا دا Smart Remote وتە ءستيلدى، زاماناۋي جانە ىقشام كورىنەدى. جيىنتىق دوك-ستانسيانىڭ كومەگىمەن قۋاتتالادى.

باعاسى

قازىردە الدىن الا تاپسىرىس بەرۋ ارقىلى ءپۋلتتى $229-عا ساتىپ الۋعا بولادى. كەيىن، پۋلت سەرياعا كىرگەندە، ونىڭ باعاسى $300-عا جەتەدى. قاراپايىم پۋلت وسىنشا اقشا تۇرادى دەگەنگە سەنۋ قيىن. ءبىراق جاقسىلاپ ويلانساق، بۇل قاراپايىم پۋلتتەن الدەقايدا اقىلدى قۇرىلىعى ەكەنىن تۇسىنەمىز. تاماشا يدەيا، ورىندى ىسكە اسۋ مەن جوعارى تەحنولوگيالىق نەگىز، تارتىمدى ءستيلدى ءوز بويىندا توعىستىرعان بۇل زات ارزان تۇرۋى مۇمكىن ەمەس.

---