قازىردە قۇلاعىمدا اششى زارىڭ
جانە دە كوز الدىمدا ساڭىراۋ شالىڭ.
ساڭىراۋعا ساسىق ساقال كەلەمەج بوپ،
قاپادا جۇرگەنىڭنىڭ بىلەم ءبارىن.

قوڭىلىمدە مۇڭىڭدى ايتىپ اشىنعانىڭ،
جوق شىعار تاپ سول جەردە جاسىرعانىڭ.
ءون بويىڭ ۇزىلگەندەي سوزىلىپ كەپ،
ىشىنەن پاۋەسكەنىڭ اسىلعانىڭ.

ەشكىم جوق مۇڭىڭدى ايتار مەنەن باسقا،
نە ءوندى، قۇر جىلادىڭ جانسىز تاسقا،
الدىم دەپ تورت-بەس قارا ءماز بولىپ ءجۇر،
سونبەس ءورت سالا سالىپ قىرشىن جاسقا.

بۇل قايعى مەنى وڭدىرماس قويماعاندا،
وڭدىرار سەنى قالاي ويلاعاندا.
تۇرمىستىڭ سايلاپ سالعان ساڭىراۋ شالى
باسىڭدى قايتەر دەيسىڭ جويماعاندا.

---