شال بۇركىت
ەرتەدە ءبىر قازاقتىڭ جانىندا جاقسى كورەتىن، قاسقىر مەن تۇلكىگە نايزاعايداي تۇسەتىن اڭشى بۇركىتى بولىپتى. ول كوپ جىل ءومىر ءسۇرىپ، اقىرىندا قارتايىپ اڭشىلىققا جارامايدى. ونىڭ قانات ءجۇنى سيرەپ، قۇيرىعىنىڭ قاۋىرسىندارى ءتۇسىپ، ۇشا الماي، ۇشسا قايتىپ جەرگە قونا الماي قاتتى قيىنشىلىق كورەدى. ءبىر كۇنى اسپاندا وتە جوعارى سامعاپ ۇشىپ، سودان جەرگە جاقىنداپ كەلىپ، جالبارىنا ايانىشتى ىسقىرىق ءۇن شىعارادى دا، ءبىراق قونبايدى. ول سولاي ابدەن كۇش-قۋاتى بىتكەنشە ۇشىپ تاستاي قۇلدىراپ جەرگە تۇسەدى. قۇستاردىڭ قالىقتاپ تۇسۋىنە كومەكتەسەتىن قۇيرىق قاۋىرسىنىنان جۇرداي بولعان قارت بۇركىت ولىمگە دۋشار بولادى. ونىڭ ايانىشتى شاڭقىلىن ەستىگەن يەسى ۇيىنەن جۇگىرىپ شىعادى. ءولىم حالىندە جاتقان بۇركىتكە ول ەشقانداي ايلا كومەك كورسەتە المايدى، ءبىراق كوپ ۋاقىتقا دەيىن ەسىنەن دە شىعارمايدى.
You Might Also Like
-
ەرتەدە ءبىر سۇلۋ قىز بەن كۇيشى جىگىت بىر-بىرىنە عاشىق بولىپتى. كۇندەردىڭ كۇنىندە جىگىت الىس ساپارعا اتتانادى. امان-ەسەن ورالىپ، قىزدىڭ اۋىلىنا كەلسە، ول وسىدان ءسال بۇرىن قايتىس بولعان ەكەن. ەل-جۇرتى...
-
باياعىدا ءبىر مەرگەن بولىپتى. ءبىر كۇنى بالاسىن اڭعا ەرتىپ شىعادى. بالاسىنا:
