شىرماۋىق
شىرماۋىق (ۆيۋنوك پوليەۆوي) — ساباعى شىرمالىپ وسەتىن، كوپ جىلدىق، ءشوپ تەكتەس وسىمدىك. ساباعىنىڭ ۇزىندىعى 80 سم-گە دەيىن بارادى. جاپىراقتارىنىڭ شەتتەرى ءبۇتىن، ساعاقتارى ۇزىن. گۇلدەرى اق نەمەسە قىزعىلت ءتۇستى، گۇل جاپىراقشالارى بەسەۋ، جاز ايلارىندا گۇلدەيدى.
ەگىستىك جەرلەردە، شابىندىقتاردا ءارامشوپ رەتىندە وسە بەرەدى. ءدارى جاساۋ ءۇشىن وسىمدىكتىڭ جەر بەتىندەگى بولىگىن جاس كۇيىندە پايدالانادى، سەبەبى وسىمدىك كەپكەننەن كەيىن دارىلىك قاسيەتىنەن ايرىلادى. قۇرامىندا الكالويدتەر، گليۋكوزيدتەر، شايىرلار بار. شىرماۋىق — ۋلى، سوندىقتان تەك قانا سىرتقى جارالارعا جاعۋ ءۇشىن قولدانىلادى.
ءدارىنى دايىنداۋ جانە قولدانۋ ءتاسىلى
سىرتقى جارالارعا جاعۋ ءۇشىن وسىمدىكتىڭ جاس كەزىندە ءسولىن سىعىپ الۋ كەرەك. نەمەسە ءسپيرتتى تۇنبا جاساۋعا دا بولادى. ول ءۇشىن وسىمدىكتىڭ 200 گرامىن 400 مل سپيرتكە ارالاستىرادى دا 15 كۇن تۇندىرىپ قويادى. ونان كەيىن ءسۇزىپ الىپ، دايار بولعان ءدارىنىڭ 10 ميلليليترىنە 100 ميلليليتر سۋ قوسىپ، جارانىڭ سىرتىنا جاعۋ ءۇشىن پايدالانادى.
You Might Also Like
-
ىرعاي (بۋزينا چەرنايا) — بامبۋكتەر تۇقىمداسىنا جاتادى، بيىكتىگى 3 مەتردەن 10 مەترگە دەيىن جەتەتىن، كوپ جىلدىق، اعاش تەكتەس وسىمدىك. بۇتالارىنىڭ وزەگى اق ءارى جۇمساق. جاپىراقتارىنىڭ ۇزىندىعى 30 ...
-
جازعى دەمالىس كەزىندە جەمىستى بالالىق شاق پەن جاستىق ءومىردىڭ كوپتەگەن نۇسقالارى بار، جانە ولاردىڭ تاڭداۋى كوبىنە بالانىڭ ءحوببيى مەن جاسىنا بايلانىستى (جانە، ارينە، اتا-انالاردىڭ قارجىلىق مۇمكىندىكت...
