شقو مەكتەپ وقۋشىلارى ەڭ ۇزدىك StartUp جوبالارىن ۇسىندى
«سيفرلىق شىعىس - 2019» IT-فورۋمى اياسىندا وبلىس مەكتەپتەرىنىڭ وقۋشىلارى شقو اكىمدىگىنىڭ ينۆەستيسيالىق ورتالىعىندا SturtUp جوبالارىن قورعادى. قاتىسۋ ءۇشىن ەڭ ۇزدىك 15 جوبا تاڭدالدى.
بالالاردىڭ جوبالارىن ساراپتامالىق قازىلار القاسى باعالادى. ولاردىڭ قاتارىندا وبلىس اكىمى اپپاراتىنىڭ، جوعارى وقۋ ورىندارىنىڭ جانە ءوڭىردىڭ IT-كومپانيالارىنىڭ وكىلدەرى بولدى.
«مۇنداي بايقاۋلاردى ۇيىمداستىرۋ ءبىز ءۇشىن داستۇرگە اينالدى. بۇل جەردە 2019 جىلعى IT-تەحنولوگيالاردىڭ باستى جۇلدىزدارى جينالدى. وتكەن جىلى SturtUp جوبالار بايقاۋىنا ون وقۋشى قاتىسقان ەدى. بۇل جولى جوبالار سانى ءوسىپ، ءبىزدى قۋانتۋدا. بولاشاعىمىز ءۇشىن الاڭداماساق بولادى. كەرەمەت ءىزباسارلارىمىز ءوسىپ كەلەدى»، - دەدى وبلىس اكىمى اپپاراتى باسشىسىنىڭ ورىنباسارى مارينا گاگارينا.
قاتىسۋشىلاردىڭ جوبالارى الۋان ءتۇرلى سالالاردى اۆتوماتتاندىرۋعا باعىتتالعان. ونىڭ ىشىندە ءبىلىم، دەنساۋلىق ساقتاۋ، قاۋىپسىزدىك جانە اۋىل شارۋاشىلىعى سالالارى بار. مىسالى، مەكتەپ وقۋشىلارى ءتونىپ تۇرعان سۋ تاسقىنىن ەسكەرتەتىن قۇرىلعىنى، «تەڭگە الۋ» ويىنىنىڭ كومپيۋتەرلىك نۇسقاسىن، ينتەللەكتۋالدىق كوشە جارىعىن، «اقىلدى مەكتەپ» جوباسىن جانە ت.ب. جۇزەگە اسىرعىلارى كەلەتىن قىزىقتى يدەيالارىن ۇسىندى.
You Might Also Like
-
جيىرما بەس دەگەن – جالىندى داۋرەن شىرىنى، جيىرما بەس دەگەن – دۇنيەنىڭ دۇرمەك قىزىعى. بويداقتىعىڭ دا قالا الماس بويىڭ تاسالاپ، قۇرىق بوپ تۇسەر ارۋدىڭ بۇلعاق بۇرىمى.
-
قىلىعىمەن كۇلدىرەتىن اپاسىن، تۋعان كۇنىڭ قۇتتى بولسىن، بالاشىم. ەلىڭ سىيلار ازامات بوپ كەلەشەك، قۋانتارلىق ماماسى مەن پاپاسىن. اقىلدى بوپ نەمەرەسى اتاڭنىڭ، باقىتى بول شوبەرەسى اجەڭنىڭ، ءتىلىڭ ...
