ءسىز جالقاۋ ەمەسسىز بە؟
ءسىز جالقاۋ ەمەسسىز بە؟
شاي ىشەتىن ۇستەل ءۇستى جينالماعان، كيىمىڭىزدىڭ ءارقايسىسى ءار جاقتا، تەلەديداردان باستاپ سۇيىكتى كىتابىڭىزعا دەيىن شاڭ باسقان. بۇل نە؟ يەسىز قالعان ءۇي مە؟ جوق! بۇل ۇيگە «جالقاۋلىق» قونىستانىپ العان. جالقاۋلىق دەگەنىمىز – ادام بويىنداعى جاعىمسىز سيپات. بۇدان قالاي ارىلۋعا بولادى؟ مۇنى قالاي جەڭۋگە بولادى؟ دەگەن سۇراقتار تۋىندايدى. جالقاۋلىقتان ارىلۋ ءۇشىن ادام كۇندەلىكتى تىرشىلىكتە ءوز الدىنا ماقسات-مىندەت قويىپ، ونى قالاي دا ارەكەت جاساپ جۇزەگە اسىرۋىم كەرەك دەگەن تالاپ قويىپ وتىرۋى قاجەت. جانە جالقاۋلىقتان قۇتىلۋدىڭ بىرنەشە تاسىلدەرى دە بار:
1.وزىڭىزگە اياۋشىلىق تانىتپاڭىز. مۇنىمەن جالقاۋلىقتى ەشۋاقىتتا جەڭە المايسىز.
2.اتقاراتىن جۇمىستاردىڭ ءتىزىمىن جازىڭىز. جالقاۋلىق دەندەپ بارا جاتسا، تىزىمدەگى ءبىرىنشى جۇمىستان باستاڭىز. ارينە، ءبىرىنشى كەزدە قيىنىراق بولادى. ءبىراق، جۇمىسقا الدانىپ كەتەسىز.
3.«ەرتەڭ» دەگەن ءسوزدى ۇمىتىڭىز. بۇگىن بىتەتىن ءىستى ەشۋاقىتتا ەرتەڭگە قالدىرماڭىز. ەرىنشەكتىڭ – ەرتەڭى بىتپەس.
4.كوڭىل سەرگىتىڭىز. كوشەگە شىعىپ تازا اۋادا ءجۇرىڭىز. ءۇيدىڭ اۋاسىن جەلدەتىڭىز.
5.مۇڭايماي، اشىق-جارقىن ءجۇرىڭىز. تاڭەرتەڭ جۇگىرىڭىز، فيتنەس-كلۋبقا بارىڭىز. دۇرىس تاماقتانىپ، ۋاقىتىلى دەمالىڭىز.
6.ءاربىر جاڭا كۇنىڭىزدى جوسپارلاڭىز. سىزدە ەشقانداي بوس ۋاقىت بولماۋ كەرەك. جالقاۋلىق – ءسىز جالقاۋلانعاندى قانداي جاقسى كورەدى.
7.ءۇي شارۋاسىمەن اينالىسىڭىز. ءۇي شارۋاسى ەشۋاقىتتا بىتپەيدى. البەتتە، ءبىر جۇمىس تابىلار.
8.كەشكە قوناق شاقىرىڭىز. بۇل دا جالقاۋلىقتان قۇتىلۋدىڭ ءبىر ءتاسىلى. ءۇيىڭىزدى جيناماي، تاعام دايىنداماي، قالاي بولسا سولاي قوناق كۇتپەيتىن شىعارسىز؟!
9.ءومىردى ءسۇيىڭىز. ءاربىر ساعات، ءاربىر مينۋت، ءاربىر سەكۋندىن باعالاڭىز.
10.اتقارىلعان جۇمىستىڭ ناتيجەسىنەن راقاتتانىڭىز. ناتيجەلى جۇمىس بار جەردە، جالقاۋلىق جۇرمەيدى.
11.سىلتاۋراتۋدى قويىڭىز – ءبارى ءوز قولىڭىزدا!
جالقاۋلانبا، جاتتاپ ال:
جالقاۋدىڭ جاۋى – جۇمىس.
جالقاۋ جاتىپ ىشەر، وتىرىپ ۇيىقتار.
جامانعا جان جۋىماس، جالقاۋعا مال جۋىماس.
ەر تىنىسى – ەڭبەك، ەز تىنىسى – ەرمەك.
ەرىنشەككە بۇگىننەن ەرتەڭ وڭاي.
ەڭبەك ەتپەسەڭ ەلگە وكپەلەمە،
ەگىن ەكپەسەڭ جەرگە وكپەلەمە.
ەرىنشەك تۇسكە دەيىن ۇيىقتايدى،
كەشكە دەيىن ەسىنەيدى.
ەڭبەكقور ۇيقىدان شيراپ تۇرادى،
ەرىنشەك ۇيقىدان قيراپ تۇرادى.
ەرىنشەكتىڭ ءىسى – ەكى
ەڭبەكسىز – ەلگە سىيماس
You Might Also Like
