ءسوز بوستاندىعى ەلىمىزدە اقساقتاپ تۇر…
ءجۋرناليستىڭ جۇمىسىنا كەدەرگى جاساۋ جانە ءسوز بوستاندىعىن شەكتەۋ تاقىرىبى ءبىزدىڭ قوعامداعى ماڭىزدى جانە وزەكتى ماسەلە بولىپ تابىلادى. ءسوز بوستاندىعى، نەگىزگى قۇقىق رەتىندە، ەركىن پىكىر بىلدىرۋگە، اقپارات تاراتۋعا جانە بيلىكتى سىناۋعا مۇمكىندىك بەرەدى. جۋرناليستەر قوعامدا فاكتىلەردى تەكسەرۋ، سىبايلاس جەمقورلىقتى قاداعالاۋ، قاتەلىكتەردى جويۋ جانە ازاماتتارعا نەگىزدەلگەن شەشىمدەر قابىلداۋ ءۇشىن قاجەتتى اقپارات بەرۋ ارقىلى ماڭىزدى ءرول اتقارادى.
الايدا، ءسوز بوستاندىعىنىڭ ماڭىزدىلىعىنا قاراماستان، جۋرناليستەر وزدەرىنىڭ كاسىبي قىزمەتىندە كوپتەگەن كەدەرگىلەر مەن شەكتەۋلەرگە تاپ بولادى. ءجۋرناليستىڭ جۇمىسىنا كەدەرگى كەلتىرۋدىڭ نەگىزگى ادىستەرىنىڭ بىرى-سەنزۋرا. سەنزۋرا مەملەكەت تاراپىنان دا، كوممەرسيالىق مۇددەلەر تاراپىنان دا بولۋى مۇمكىن. مەملەكەتتىك سەنزۋرا اقپاراتتى باقىلاۋعا جانە بيلىككە جاعىمسىز بولۋى مۇمكىن كەيبىر ماتەريالدارعا قول جەتكىزۋدى شەكتەۋگە نەگىزدەلگەن.
جۋرناليست جۇمىسىنا كەدەرگى كەلتىرىلگەن، ءسوز بوستاندىعىنا شەكتەۋ قويىلعان جاعدايلار ءبىزدىڭ قوعامدا وتە كوپ. ماسەلەن، جاقىندا «وبوجايۋ» جوباسىنىڭ اۆتورى، جۋرناليست اسحات نيازوۆتىڭ باسىنان وتكەن جاعداي. «الماتى. 2ء-بولىم. قالا ءتۇبى، جەمقورلىق جانە دوسايەۆ» 16 قاراشا كۇنى You-Tube ارناسىندا جاريالانعان ونىڭ الماتى اكىمى ەربولات دوسايەۆپەن كەزدەسۋى، ەكى ايدان بەرى ىزدەپ جۇرگەن سۇحباتى كورسەتىلگەن.
جۋرناليست اكىمدى دوسايەۆ جەكە رەيسپەن ۇشىپ بارا جاتقان استاناداعى جەكە كوممەرسيالىق اۋەجاي اۋماعىندا «ۇستاپ العان». جۋرناليست پەن اكىمنىڭ ديالوگى تىم جاقسى فورماتتا جۇرمەگەن –ەربولات دوسايەۆ اسحات نيازوۆتى جەكە كەڭىستىگىنەباسىپ كىرگەنى ءۇشىن سوتقا جۇگىنەمىن دەپ قورقىتقان.
جۋرناليست پەن شەنەۋنىكتىڭ ديالوگىنان بەلگىلى بولعانداي، اكىمنىڭ Youtube ارناسىنىڭ اۆتورىمەن سويلەسكىسى كەلمەگەنى، الدىمەن نيازوۆتىڭ الماتىدا تۇرۋعا ىقتيارحاتىنىڭ جوقتىعىنان، سودان كەيىن دوسايەۆپەن سويلەسكىسى كەلمەگەندىكتەن. اڭگىمە بارىسىندا اكىم ءتىپتى جۋرناليستپەن سوتتا كەزدەسۋدى دە ۇسىنعان.
قازاقستان رەسپۋبليكاسىنىڭ زاڭناماسىندا «جەكە كەڭىستىك» ۇعىمى جوق، اكىم جەكە ءومىردىڭ قۇپياسىن مەڭزەگەن سياقتى. ءبىراق اكىم كەز-كەلگەن جان كورە الاتىن ءووعامدىق ورىندا جۇرسە، سونىڭ ىشىندە جۋرناليست تە كورەتىن ورىندا بولسا، بۇل جەردە «جەكە كەڭىستىگىمدى بۇزدىڭ» دەۋگە نەگىز جوق.
ەگەر بۇل جاعدايدى قازاقستان رەسپۋبليكاسىنىڭ زاڭدار تۇرعىسىنان قاراستىرار بولساق، كونستيتۋتسيادا 20-باپتا بۇل جاعدايعا تولىق سيپاتتاما بەرىلىپ وتىلگەن. سونىمەن قاتار سەنزۋرا مەن جۋرناليست جۇمىسىنا كەدەرگى كەلتىرۋ – ب ا ق تۋرالى زاڭنىڭ 2-بابىندا كورسەتىلگەن. ال ءجۋرناليستىڭ جۇمىسىنا كەدەرگى كەلتىرۋ شارتى قىلمىستىق كودەكستىڭ 158 بابىندا ايتىلعان.
دەگەنمەن زاڭدا بۇلار كورسەتىلگەنىمەن، ءىس جۇزىندە بۇلاردى قولدانۋ جاعى اقساقتاپ تۇر... ءجۋرناليستىڭ جۇمىسىنداعى كەدەرگىلەر مەن ءسوز بوستاندىعىنىڭ شەكتەۋلەرى دەموكراتيالىق قوعامنىڭ جۇمىسىنا ۇلكەن ءقاۋىپ توندىرەدى. سول سەبەپتى اشىق جانە اقپاراتتاندىرىلعان قوعامدى قامتاماسىز ەتۋ ءۇشىن ءسوز بوستاندىعىن قورعاۋ جانە جۋرناليستەردىڭ قاۋىپسىزدىگىنە كەپىلدىك بەرۋ ءۇشىن بارلىق قاجەتتى شارالاردى قابىلداۋ قاجەت.
You Might Also Like
-
ءامىر اقنيەت ستۋدەنت اباي اتىنداعى قازۇپۋ، الماتى ق.
-
بۇرىنعى زاماننىڭ بايلارىنىڭ قۇدالىعى كەلىن تۇسىرگەن نە اكەسىنىڭ اسىن بەرگەندىگى، دۇنيەنىڭ باسى قانداي، اياعى قانداي، ەشكىمگە وپاسىنىڭ جوقتىعىن تانىتادى.
