سيرياداعى ءقازۇۋ-نىڭ فيليالى اشىلدى
قازاقستاندىق جەتەكشى ءبىلىم ورداسى ءال-فارابي اتىنداعى قازاق ۇلتتىق ۋنيۆەرسيتەتى سيريا استاناسى داماسك قالاسىنان فيليالىن اشادى. بۇل باستاما الماتىدا ءابۋ ناسىر ءال-فارابيدىڭ 1150 جىلدىعى مەرەكەسىن اتاپ ءوتۋ سالتاناتىنىڭ باستاۋ الۋى بارىسىندا ايتىلدى.
مەرەيتويلىق جىلدىڭ رەسمي ءراسىمىنىڭ اشىلۋىندا ءسوز العان ق ر مەملەكەتتىك حاتشىسى ق. كوشەربايەۆ ۇلى ويشىلدىڭ 1150 جىلدىق مەرەيتويىن اتاپ ءوتۋ اياسىندا اۋقىمدى شارالار تەك ەل كولەمىندە عانا ەمەس، شەتەلدەردە دە جوسپارلانعانىن، سونىڭ ىشىندە قازاقستاننىڭ داماسك قالاسىنداعى تاريحي-مادەني ورتالىعى بازاسىندا قازۇۋ فيليالىن اشۋ قاراستىرىلعانىن جەتكىزدى.
بۇل باستاما قازۇۋ رەكتورى اكادەميك عالىم مۇتانوۆتىڭ ءال-فارابي جىلىنىڭ سالتاناتتى اشىلۋىنا كەلگەن داماسك ۋنيۆەرسيتەتىنىڭ پرەزيدەنتى پروفەسسور موحاممەد ماحەر كاباكيبيمەن كەزدەسۋىندە تالقىلاندى
«ءبىز بۇل يدەيانى تولىقتاي قولدايمىز جانە فيليالدىڭ قۇرىلۋىنا، العا جىلجۋىنا كومەك بەرەمىز. بۇل حالىقارالىق كولوبوراسيا ءۇشىن جاقسى ۇلگى بولادى، قازاقستان مەن سيريا ءعىلىمي-بىلىم بەرۋ سالالارىندا ەكىجاقتى قارىم-قاتىناسىن نىعايتىپ، ءال-فارابي مۇرالارىنا تەرەڭنەن زەرتتەۋ جۇرگىزۋدى ارتتىرادى»، - دەدى داماسك ۋنيۆەرسيتەتىنىڭ رەكتورى.
س. دادىكبايەۆ
ءال-فارابي اتىنداعى قازۇۋ-دىڭ 2 كۋرس ماگيسترانتى
ق. قاراجان
ءال-فارابي اتىنداعى قازۇۋ-دىڭ پروفەسسورى
You Might Also Like
-
جۇقا اۋدان اكىمىنە بارىپ ءوزىن قازىلىققا تاعايىنداۋىن ءوتىنىپتى. قازىلىق ورىن بولماعاندىقتان اكىم وعان ءوزىنىڭ دىلگىرلىگىن ءبىلدىرىپتى. سوڭىندا ءۇمىتىن ۇزگەن جۇقا:
-
ءال-فارابي اتىنداعى ءقازۇۋ-نىڭ تاريح، ارحەولوگيا جانە ەتنولوگيا فاكۋلتەتىنىڭ 2-كۋرس ماگيسترانتتارى گەرمانيا رەسپۋبليكاسى، تيۋبينگەن قالاسىنداعى تيۋبينگەن ۋنيۆەرسيتەتىندە جاساعان ع...
