تاڭعالدىرار ادەمى جانە وعان قوسا اسا ءقاۋىپتى گۇل
سارعالداق تۇقىمداسىنىڭ قاتارىندا ەجەلدە ۋلى سانالاتىن گۇل بار. ونىڭ اتى – اكونيت، نەمەسە بالۋان.
ەجەلدە بۇل وسىمدىك ۋ جاساۋ ءۇشىن عانا قولدانىلعان. ونىڭ شىرىنىمەن جاۋمەن سوعىس الدىندا نەمەسە اڭشىلىق الدىندا ساداقتاردىڭ وعىن سۇرتكەن. ەجەلگى ريم مەن گرەسيانىڭ ءولىم جازاسىنا كەسىلگەن قىلمىسكەرلەرى اكونيت نەگىزىندەگى تۇنبانى ىشۋلەرى كەرەك بولعان.
وسىنداي ادەمى ءارى نازىك گۇلدىڭ ولىمگە دۋشار ەتەتىندەي نەندەي قاسيەتى بار؟ بار ماسەلە اكونيتتىڭ قۇرامىنداعى كوپ مولشەردەگى الكالويدتە جاتىر. گۇل تامىرىنىڭ ءبىر گرامم بالعىن شىرىنى ادام اعزاسىنا تۇسەر بولسا، تىنىس الۋ جولى مەن جۇرەگىن توقتاتا الادى. وسىمدىك شىرىنىن تەرىگە سىلاعان كەزدە دە ۋلانۋ ءقاۋپى بار.
اسىرەسە شۇيگىن ورتادا وسكەن وسىمدىك وكىلدەرى اسا ءقاۋىپتى سانالادى. جوڭعار اكونيتى ونىڭ كوپتەگەن تۇرلەرىنىڭ ىشىندە ەڭ ۋلى بولىپ تابىلادى. اجالدى وسىمدىكتەن جيناپ الىنعان بال نەمەسە اكونيتپەن ۋلانعان جانۋاردىڭ ەتى دە ومىرگە ءقاۋىپ تۋدىرادى.
قولمەن وسىرگەن گۇلدەر ۋاقىت وتە كەلە قاۋىپتىلىك دەڭگەيىن جوعالتاتىنى بايقالعان. بۇگىندە جوڭعار اكونيتىن مەديسينادا قولدانۋعا تىيىم سالىنعان، الايدا كەيبىر حالىق ەمشىلەرى مەن باقسىلارى بۇل وسىمدىكتى پايدالانۋدى توقتاتقان ەمەس.
You Might Also Like
-
جەر بەتىندەگى تۇڭعىش قولتىراۋىندار شامامەن 250 ميلليون جىل بۇرىن پايدا بولعان.
-
Michelin كومپانياسى 15 جىل بۇرىن جەلى شىعىپ كەتپەيتىن دوڭگەلەك جاساۋدى ۇيعارادى. سول كەزدەن بەرى كومپانيا ءوندىرىپ جاتقان پروتوتيپتەر ب ا ق وكىلدەرىنىڭ نازارىن ءجيى اۋدارىپ كەلەدى، ال اسكەريلەر بۇل تەح...
