InfoHub Logo

ساباقتىڭ تاقىرىبى: تارماقتالعان الگوريتمدەر (پرەزەنتاسياسىمەن)
ساباقتىڭ ماقساتى:
بىلىمدىلىك:
شارتتى وپەراتورلاردىڭ جازىلۋ تارتىبىمەن تانىستىرۋ، تارماقتالعان الگوريتمدەردى باعدارلامالاۋدى ۇيرەتۋ. ساباقتان العان تەوريالىق بىلىمدەرىن جۇيەلى تۇردە تاجىريبە جۇزىندە كورسەتە ءبىلۋ داعدىلارىن قالىپتاستىرۋ.
دامىتۋشىلىق:
باعدارلامالاۋ تىلىندە جۇمىس جاساي ءبىلۋ داعدىلارىن، ويلاۋ قابىلەتتەرىن، ءوز بىلىمدەرىن ساۋاتتى تۇردە جەتكىزە ءبىلۋدى، پانگە دەگەن قىزىعۋشىلىقتى دامىتۋ.
تاربيەلىك:
وقۋشىلاردىڭ بەلسەندىلىگىن ارتتىرۋ، جۇمىس جاساۋ ماقساتىندا كومپيۋتەرلىك ساۋاتتىلىققا، ءوزارا كومەكتەسۋگە، ءوزىن - ءوزى باعالاۋعا تاربيەلەۋ.

ساباقتىڭ ءتيپى: جاڭا تاقىرىپتى ءتۇسىندىرۋ
ساباقتىڭ ءتۇرى: توپتىق، جەكەلەي
ساباقتىڭ كورنەكىلىكتەرى: كومپيۋتەر، پرەزەنتاسيا، كەسپە قاعازدار، سمايليكتەر

ءپانارالىق بايلانىس: ماتەماتيكا، گەومەتريا، اعىلشىن ءتىلى.
ساباقتىڭ جوسپارى:
1. ۇيىمداستىرۋ
2. ءۇي تاپسىرماسىن قايتالاۋ
ا) (لوتو ويىنى،)
ب) «ىشىنە - سىرتىنا»
3. جاڭا ساباقتى ءتۇسىندىرۋ (رەبۋس)
4. پراكتيكالىق جۇمىس (دەڭگەيلىك تاپسىرمالار)
5. ساباقتى پىسىقتاۋ (تەست)
6. ءۇي تاپسىرماسى
7. وقۋشىلاردى باعالاۋ

1. ۇيىمداستىرۋ كەزەڭى. وقۋشىلارمەن امانداسىپ، تۇگەلدەۋ، نازارلارىن ساباققا اۋدارۋ
2. ءۇي تاپسىرماسىن تەكسەرۋ.
ا) «لوتو» ويىنى
1. شامالار قالاي بولىنەدى؟
(شامالار تۇراقتى جانە اينىمالى بولىپ بولىنەدى. تۇراقتى دەپ الگوريتمدى ورىنداۋ بارىسىندا ءمانى وزگەرمەيتىن شاما اتالادى)

2. اينىمالى شاما دەگەنىمىز نە؟
(اينىمالى دەپ الگوريتمدى ورىنداۋ بارىسىندا ءمانى وزگەرەتىن شاما اتالادى)

3. الگوريتم وڭدەيتىن شامالار قالاي بولىنەدى؟
(الگوريتم وڭدەيتىن شامالار كىرىستىك دەرەكتەر، شىعىستىق دەرەكتەر جانە ارالىق ەسەپتەۋلەر ءۇشىن قاجەتتى دەرەكتەرگە بولىنەدى)

4. ارگۋمەنت دەگەنىمىز نە؟
(كىرىستىك دەرەكتەر نەمەسە باستاپقى دەرەكتەر ارگۋمەنت دەپ اتالادى جانە ارگ قىزمەت ەتۋشى سوزبەن بەلگىلەنەدى)

5. ناتيجە دەگەنىمىز نە؟
(شىعىستىق دەرەكتەر ناتيجە دەپ اتالادى جانە ءنات قىزمەت ەتۋشى سوزبەن بەلگىلەنەدى. تۇرلەرى كورسەتىلگەن ارالىق شامالار ءتىزىمى باسى قىزمەت ەتۋشى سوزدەن كەيىن جازىلادى، ولاردىڭ ءمانى تەك الگوريتم ىشىندە پايدالانىلاتىنىن كورسەتەدى)