InfoHub Logo

«تاۋەلسىز قازاقستان!»، «قازاقستان رەسپۋبليكاسى!» نەتكەن كەرەمەت، كيەلى ۇعىمدار! ءبىزدىڭ وتانىمىز تاۋەلسىز، ەركىن مەملەكەتپىز. بۇگىندە ءبىز – قاناتىن كەڭ جايعان ەگەمەندى ەلمىز. كوك تۋىمىز جەلبىرەپ، سول جاعىمىزداعى ماقتانىش سەزىمىمەن دۇرسىلدەپ تۇرعان جۇرەك ءانۇرانىمىزعا اۋەن قوسىپ، ءانۇرانىمىز اسقاقتاي شىرقالۋدا. تاۋەلسىزدىك تۋىنىڭ جەلبىرەگەنىنە دە، مىنە 28 جىل تولادى. توعىز جولدىڭ تورابىنداعى الپاۋىت ەلدەر قاتارىنداعى الىپ مەملەكەتىمىزدى الەم جۇرتشىلىعى قۇرمەتتەيدى. تۇڭعىش ەلباسىمىز ن.ءا.نازاربايەۆتا وسى ەگەمەن قازاقستاننىڭ 28 جىلدا بيىك تۇعىرعا كوتەرىلۋىنە ەلەۋلى ۇلەس قوستى. ەرەن ەڭبەگىمەن وسى ەگەمەن قازاقستاننىڭ ءار ازاماتىنىڭ جۇرەگىنەن ورىن العان وسىنداي كوشباسشىمىزدىڭ بولعانىنا دا ماقتانامىن. مەن تاۋەلسىز ەلدىڭ پاتريوتىمىن! ەشقانداي قيىنشىلىق كورمەي جۇرگەنىمدە، اتا-انامانىڭ جۇزدەرىنەن قۋانىش پەن شاتتىق ىزدەرىن بايقاعاندا، كوكىرەگىمدى كەرىپ «تاۋەلسىز ەلدىڭ پاتريوتىمىن!» دەپ ايتا بەرگىم كەلەدى. ەلىمىزدىڭ بەيبىتشىلىگىنىڭ، تاۋەلسىزدىگىنىڭ ارقاسىندا كۇلىپ – ويناپ، ەركىن ءبىلىم الىپ جاتقان ەرىكتى ەلدىڭ ەركىن ۇلانىنىڭ ءبىرىمىن! ءبىز 16 جەلتوقساندا ەلىمىزدىڭ ەگەمەندىگىن جاريالاعان كۇن ەكەنىن بىلەمىز. سول كۇنى 1991 جىلى كوگىمىزدە تاۋەلسىزدىك تۋى جەلبىرەدى. قازىرگى تاۋەلسىز قازاقستان – اتا-بابامىزدىڭ ورىندالعان شۇعىلالى ارمانى ، سارعايىپ كۇتكەن اتا-بابالارىمىزدىڭ اسقاق ارمانى ورىندالدى دەسەك قاتەلەسپەيمىز. سوندىقتان دا تاۋەلسىزدىك تاريحى ارنايى اڭگىمەگە ۇزدىكسىز تيەك بولارلىقتاي ۇلى تاقىرىپ ەكەندىگىن قازىرگى ۇرپاق ياعني ءبىز ەشقاشان شىعارماۋىمىز كەرەك. قورىتا ايتا كەتسەك تاۋەلسىز – بارلىعىمىز ءۇشىن ەرەكشە قاسيەتتى كۇن بىرلىكتىڭ، ىنتىماقتاستىق پەن تاتۋلىقتىڭ كۇنى. ۇلتتىق ءتىلدىڭ، ءداستۇردىڭ، سالت-سانانىڭ مىزعىماس تىرەگى، كۇشى، التىن دىڭگەگى. مەملەكەتىمىزدىڭ تاۋەلسىزدىگى – ەڭ الدىمەن حالقىمىزدىڭ باقىتى. جەر بەتىندە قانشا ۇلت بولسا، سونشاما ارمان بار. سول ارمانعا ءبىزدىڭ قازاق حالقى جەتتى. ءارقاشاندا تاۋەلسىز قازاقستاننىڭ تاڭى نۇرلى بولىپ، ەگەمەن ەلدىڭ ۇرپاعىنىڭ ەڭسەسى بيىك، كوكىرەگى وياۋ، كەرەگەسى كەڭ، تەرەزەسى تەڭ ەلدە ءومىر سۇرەيىك. قازاقستانعا وڭايلىقپەن كەلمەگەن تاۋەلسىزدىكتى قاستەرلەيىك.

---