تەلەفون تاۋەلدىلىگىنەن قۇتىلۋدىڭ 7 ءتاسىلى
تەلەفونىڭىزدى ءبىر مينۋتقا دا قولىڭىزدان تاستاي الماي، قايتا-قايتا حابارلامالاردى تەكسەرە بەرەتىن بولدىڭىز با؟ بۇل ماقالادا وسى دەرتتەن ارىلۋعا كومەكتەسەتىن جەتى لايفحاك تۋرالى ايتىپ بەرمەكپىز.
1. ساعات تاعىپ ءجۇرىڭىز
«ساعات قانشا بولعانىن كورە سالايىن» — تەلەفون ەكرانىنا ءبىر ءۇڭىلىپ قالۋدىڭ كوپ ايتىلاتىن سىلتاۋلارىنىڭ ءبىرى. دەسەك تە، بۇعان كوپ ۋاقىت جۇمسالادى، ويتكەنى زەيىن جاڭا كەلگەن حابارلاندىرۋلارعا اۋدارىلا بەرەدى. سوڭعى كەزدەرى جۇرگىزىلگەن زەرتتەۋلەرگە قاراعاندا قولىنا ساعات تاعىپ جۇرەتىن كىسىلەردىڭ كوڭىلى سمارتفوندارعا ءبىر جارىم ەسە از اۋدارىلادى ەكەن.
2. كلاسسيكالىق وياتاردى پايدالانىڭىز
ادامدار سمارتفوندارىن وياتار رەتىندە پايدالانۋى ءجيى بولىپ تۇرادى. الايدا، بۇل وتە جامان قاتەلىك. تاڭەرتەڭ توسەكتەن تۇرۋ ءۇشىن تەلەفوننىڭ ورنىنا ءداستۇرلى وياتاردى قولدانىڭىز. وسىلاي ىستەسەڭىز، ءسىزدىڭ تاعى ءبىر رەت پوچتاڭىزدى نەمەسە Facebook-تى تەكسەرىپ تاستايتىن مۇمكىندىگىڭىز بولمايدى.
3. ءۇنسىز رەجيمدى پايدالانىڭىز
جۇمىس كەزىندە نەمەسە ساباقتا وتىرعاندا سمارتفوندى ءۇنسىز رەجيمگە قويعان نەمەسە قۇرىلعىنى ءوشىرىپ تاستاعان دۇرىس. وسىلاي بولسا، ءسىز تەزىرەك جۇمىس قالپىنا ءتۇسىپ، ماڭىزدى مىندەتتەردى تيىمدىرەك اتقارا الاسىز.
4. «سمارتفونسىز اۋماق» قۇرىڭىز
گادجەت تاۋەلدىلىگىنە قارسى «سمارتفونسىز اۋماق» دەگەن نارسە اسا پايدالى. ۇيىڭىزدە ۇيالى تەلەفوندى پايدالانۋعا بولمايتىن بولمەنى سايلاڭىز. بۇل، مىسالى، جاتىن بولمەسىندە سمارتفونداردى اسىرا پايدالانباۋعا مۇمكىندىك بەرەدى.
5. قاجەتى جوق اككاۋنتارىڭىزدىڭ كوزىن قۇرتىڭىز
قازىرگى زاماندا الەۋمەتتىك جەلىلەردىڭ سانىنا جەتىپ بولمايسىڭ. ءبىراق ءسىز سولاردىڭ بارلىعىندا بولۋعا ءتيىستىسىز بە؟ جوق! «كوپ بولعانى — جاقسى دەگەن ءسوز ەمەس» دەگەن ەرەجەگە بوي ۇسىنىپ، الەۋمەتتىك جەلىلەردەن قاجەتى شامالى جانە پايدالانىلىپ جۇرمەگەن اككاۋنتاردى ءوشىرىپ تاستاڭىز. وسىلايشا ءسىز كوڭىلىڭىزدى الاڭداتاتىن حابارلامالاردىڭ سانىن ازايتاسىز.
6. ەكى مينۋت سايىن سمارتفونىڭىزدى تەكسەرۋدى قويىڭىز
سمارتفون ءدىرىل قاققانداي بولدى ما؟ جاي-كۇي ينديكاتورى جىپىلىقتاپ تۇر ما؟ كوپشىلىگىمىز تەلەفونىمىزدىڭ ءار ءبىر حابارلاماسىن تەزىرەك وقىپ، جاۋاپ بەرۋگە تىرىسىپ تۇرامىز. سمارتفونىڭىزدىڭ ەكرانىنا ءار ەكى مينۋت سايىن كوز سالا بەرگەنشە، ونى سيرەگىرەك، ءبىراق ۇزاعىراق پايدالانىپ تۇرىڭىز. وسىلاي ەتكەندە ءسىز بارلىق حابارلامالارعا جاۋاپ بەرۋگە جانە بارلىق حابارلاندىرۋلاردى تەكسەرۋگە ۇلگەرىپ وتىراسىز. ءتىپتى تايمەر قويىپ قويۋعا دا بولادى: ۋاقىت بىتكەن كەزدە كەلەسى «سەانسقا» دەيىن تەلەفونعا جولامايسىز.
7. گادجەتتەردى كۇندەلىكتى ومىردە قولدانۋ ۋاقىتىن شەكتەڭىز
سمارتفوندار ءومىرىمىزدىڭ وتە ماڭىزدى بولشەگى بولىپ الدى. اقىلدى تەلەفوننىڭ كومەگى ارقىلى دۇكەندەردە اقشا تولەۋگە، پويىزعا نەمەسە ۇشاققا سيفرلىق بيلەتتەر الۋعا بولادى. تاۋەلدىلىكتەن ارىلۋ ءۇشىن ولسىز وپ-وڭاي امالداۋعا بولاتىن سالالاردا سمارتفوندى پايدالانۋدى ازايتقان ءجون بولادى. كلاسسيكالىق ادىستەردى ەسكە الىڭىز: بيلەتتەردى باسىپ شىعارىپ الىڭىز، زات ساتىپ العان كەزدە قولما قول اقشاعا الۋعا تىرىسىڭىز نەمەسە كارتا ارقىلى تولەڭىز.
سمارتفوننان باسى ءبۇتىن قۇتىلۋدىڭ قاتال، ءبىراق وتە ءتيىمدى جولى
ەگەر ايتىلعان كەڭەستەردىڭ ەشقايسىسى قولايىڭىزعا جاقپاسا، مىنا ءادىستى قولدانىپ كورىڭىز:
You Might Also Like
-
ءادىل سول كۇنى ۇيگە ادەتتەگىسىنەن ەرتەرەك كەلگەن. پارتيا — شارۋاشىلىق اكتيۆىنىڭ جينالىسى اياقتالىسىمەن باسقا ەش جاققا بۇرىلعان جوق. كاسىپورىندار جانىنان قوسالقى شارۋاشىلىقتار ۇيىمداستىرۋعا بايل...
-
پالاۋ جاساۋدىڭ جولدارى وتە كوپ. وزىڭىزگە ىڭعايلىسىن تاڭداپ الارسىز.
