InfoHub Logo

تاقىرىبى: ءتىل - ۇلتتىڭ تىرەگى.
ماقساتى: مەملەكەتتىك ءتىلدى ناسيحاتتاي وتىرىپ، وزگە ۇلت تاربيەلەنۋشىلەرىن مەملەكەتتىك تىلدە جان - جاقتى تاربيە بەرۋ.
بالالاردىڭ تىلگە دەگەن سۇيىسپەنشىلىگىن، قىزىعۋشىلىعىن، شەشەندىك ونەرىن، دامىتۋ.
ءتىل مادەنيەتىندە، دوستىق قارىم - قاتىناسقا وي ۇشقىرلىعى مەن تاپقىرلىققا ءوز ۇلتىن سۇيۋگە، وزگە ۇلت مادەنيەتىن قۇرمەتتەۋگە تاربيەلەۋ.
كورنەكىلىگى: سلايد، ءتىل جايىندا، ايتقان زيالىلار سوزدەرى.
بارىسى:
جۇرگىزۋشى: قۇرمەتتى تاربيەشىلەر، بالالار بۇگىنگى وزگە ۇلت بالالار اراسىندا مەملەكەتتىك تىلدە ۇيىمداستىرىلىپ وتىرعان ءبىلىمپازدار سايىسىنا قوش كەلدىڭىزدەر!
قىران قۇسىم كوك اسپاندا سامعاسىن،
جەلبىرەگەن كوك بايراعىم سان عاسىر،
جاس ۇلاندار بەرىك ۇستا تۋىڭدى،
جارقىراتىپ تۋعان ەلدىڭ جانبالاسىن.
ءبىزدىڭ وتانىمىز بايتاق تا باي ەل. ەلىمىزدە كوپتەگەن ۇلت وكىلدەرى تۇرادى. ءار حالىقتىڭ ءوز انا ءتىلى بار. ۇلانعايىر اتا-مەكەنىمىز قانداي كەڭ بولسا، پەيىلىمىز دە كەرەمەت باي.
ءبىزدىڭ ءتىلىمىز - كەشەگى وتكەن دانا ابايدىڭ، جىر سەمسەر ماحامبەتتىڭ شىندىقتىڭ ءدال وزىندەي باۋىرجاننىڭ ۇلى مۇحتاردىڭ ءتىلى. ءقازىر قازاق ءتىلى مەملەكەتتىك مارتەبە الادى. قازاقستاندا تۇراتىن وزگە ۇلت وكىلدەرىنىڭ دە ءتىلى بولىپ وتىر. وسى ماقساتپەن ۇيىمداستىرعان ونەر ساعاتىمىزدى قازاق تىلىندە تاماشالايسىزدار.
ال كەلىڭدەر، كەلىندەر،
بارىڭە - ءبىرىڭ ەرىڭدەر
ءبىلىمىڭدى تەكسەرىپ
ويىنعا قاتىسىپ كورىڭدەر - دەپ ورتاعا وزگە ۇلت بالالارىنان قۇرالعان ويىنعا قاتىسۋشى سايىسكەرلەردى شاقىرامىز.
1. بىرلىك توبى 2. جۇلدىز توبى (ءار توپتا 5 وقۋشىدان)
جۇرگىزۋشى: سايىسىمىز 7 كەزەڭنەن تۇرادى.
1 - كەزەڭ توپتىڭ اتى، ۇرانى توپ مۇشەلەرىمەن تانىستىرۋ.
2 - كەزەڭ «ولەڭ ءسوزدىڭ پاتشاسى»(مانەرلەپ وقۋ سايىسى.)
3 - كەزەڭ ماقال - ماتەل سايىسى.
4 - كەزەڭ سۇراق - جاۋاپ سايىسى.
5 - كەزەڭ كۇلكىلى كورىنىس، جارناما كورسەتۋ.
6 - كەزەڭ جۇمباق جاسىرۋ.
7 - كەزەڭ ءسوز جۇمباق.

سايىستى ب ا ق سىنالار، بار سىنالار
باس جۇلدەنى، ونەرلى تاپقىر ولار
كىم ونەرلى! كىم تاپقىر شەشۋ قيىن،
قازىلار القاسى بولماسا ناق سىن ولار.
كەز كەلگەن سايىس باعالانۋى ءتيىس. وسىنىڭ ارا جىگىن اجىراتاتىن قازىلار القاسى دەگەن بولادى. بۇل جارىستىڭ اجىراماس ءبىر بولىگى، ءداستۇرلى ءۇردىسى ءبىز دە سول ءۇردىس بويىنشا ادىلدىگىن ايتىپ تۋرا شەشىمىن شىعارىپ، قازىلار القاسىن سايلاپ الساق.
ءادىل قازىلار القاسى دەپ جازىلعان، اربىرەۋىنىڭ الدىندا كونكۋرس باعدارلاماسى جانە بالل قوياتىن قاعازدار، قالام. بالالارعا ارنالعان ماقتاۋ قاعازدار جانە سىيلىقتار.

جۇرگىزۋشى: ارمىسىڭ، اينالايىن دانا حالقىم،
ساقتاعان ۇلتىمىزدىڭ بەرىك سالتىن.
ءتىل ۇلىنا ورالار كەزدەسكەندە،
«سالەم - ءسوزدىڭ اناسى» دەگەن ناقىل.
توپ الدىنا شىققاندا باسىن ءيىپ،
سالەمدەسۋ - پارىزى ءاربىر جاستىق
ونەرلەرىن پاش ەتەر جىگىتتەرمەن،
ساتتە كەلىپ قالعانداي تانىساتىن دەپ ويىنشىلارىمىزدان وزدەرىن تانىستىرۋىن سۇرايمىز.

2 - كەزەڭ
جۇرگىزۋشى: مىنە، ەكى توپپەن تانىستىق،
ولەڭ ءسوزدىڭ پاتشاسى، ءسوز ساراسى.
قيىننان قيىستىرىپ ەل داناسى
تىلگە جەڭىل، جۇرەككە جىلى ءتيىپ،
جۇپ - جۇمىر، تەگىس كەلسىن اينالاسى، دەپ اباي اتامىز جىرلاعانداي كەلەسى سايىس مانەرلەپ وقۋ سايىسى. ءار توپتان ەكى تاربيەلەنۋشىلەردەن شىعىپ ەكى ولەڭ وقيدى.