InfoHub Logo

(دوڭگەلەك ستول جانىندا اڭگىمە) 2 - سىنىپ

تىيىم سوزدەر
ماقساتى: تاربيەنىڭ نەگىزگى ماقساتى - دەنى ساۋ، ۇلتتىق سانا - سەزىم ويانعان، رۋحاني دارەجەسى بيىك، مادەنيەتتى، پاراساتتى، ار - وجدانى مول، ەڭبەكقور، ىسكەر، بويىندا باسقا دا يگى قاسيەتتەر قالىپتاسقان ۇرپاق تاربيەلەۋ

تىيىم سوزدەر – اتا - بابالارىمىز بالانى بەسىكتەن جاقسى ادەتتەرگە باۋلىعان. « ۇلكەندى سىيلا»، « سالەم بەر، جولىن كەسىپ
وتپە»، دەگەن ۇلاعاتتى سوزدەردىڭ ءمانى وتە زور. جاقسى ادامگەرشىلىكتىڭ قاسيەتتەردىڭ ءتۇپ نەگىزى وتباسىندا قالىپتاساتىنى
بەلگىلى. تىيىم سوزدەر ادامگەرشىلىك قاسيەتتەردى ىزگىلىكپەن ۇشتاستىرادى. تىيىم سوزدەر ارقىلى دۇرىس داعدىلار مەن ءوزىن - ءوزى ۇستاۋ داعدىلارىنىڭ نورمالارى، ۇيىمداعى، سىنىپتاعى
وتباسىنداعى قارىم - قاتىناس مادەنيەتىنىڭ تۇراقتىلىعىن قالىپتاستىرادى.

تىيىم سوزدەر:
1. ناندى باسپا، ناندى ءبىر قولىڭمەن ۇزبە، ناننىڭ ۇستىنە زات قويما.
بۇل سوزدەردە نان قاسيەتتى تاعام، اس اتاسى نان ەكەنى تۇسىنىكتى.
2. تۇزدى شاشپا. تۇز اششى، اششى نارسەنى شاشۋعا بولمايدى، ءارى تۇز دا قاسيەتتى تاعام، تۇزسىز تاعامنىڭ ءدامى بولمايدى.
3. باس كيىممەن ويناۋعا بولمايدى، باس كيىمدى جوعارى قويۋ كەرەك.
4. بوساعانى كەرۋگە بولمايدى.
5. تابالدىرىقتا تۇرۋعا جانە تابالدىرىقتى باسۋعا بولمايدى.
6. ۇيگە جۇگىرىپ كىرۋگە بولمايدى.
7. تۇندە سۋعا بارۋعا بولمايدى.
8. مالدى تەبۋگە بولمايدى.
9. بوس بەسىكتى تەربەتۋگە بولمايدى.
10. كوپشىلىكتىڭ ورتاسىندا ەسىنەۋگە، قاتتى جوتەلۋگە، قاتتى تۇشكىرۋگە بولمايدى.
11. پىشاق پەن ويناۋعا بولمايدى.
12. قۇستىڭ ۇياسىن بۇزۋعا بولمايدى.

تىيىم سوزدەر ارقىلى قاراپايىم ادەتتەردى تاربيەلەي وتىرىپ، بالانىڭ بار ءىستى شىن پەيىلمەن، ءارى سانالى اتقارۋىنا قول جەتكىزەدى، ياعني سىرتقى ۇنامدى مىنەزدەرى ونىڭ ىشكى جان دۇنيەسىن ايقىندايدى.
تىيىم سوزدەر نەگىزىندە ادامنىڭ مىنەز - قۇلقى قالىپتاسادى.
تىيىم سوزدەر ارقىلى ار - ۇيات، ءوزىن-وزى باعالاۋ جانە ادامگەرشىلىك ساپالارى داميدى. مۇنىڭ ءوزى مەيىرىمدىلىككە، ىزگىلىككە شاقىرادى.
تىيىم سوزدەر ارقىلى تاعامدى قادىرلەۋ، كۇندەلىكتى ومىردە كەزدەسەتىن جاعداياتتاردى ەسكەرۋ، ءتورت تۇلىك مالدى قادىرلەۋ.
مادەنيەتتىلىككە، ادامگەرشىلىككە تاربيەلەۋ.
ادامزاتتىق قۇندىلىقتار بالا بويىنا ءىس - ارەكەت بارىسىندا، ءارتۇرلى ويىندار، حيكايالار، ەرتەگىلەر، قويىلىمدار ارقىلى بەرىلەدى.