توبەڭنەن جاي تۇسكەلى تۇر
كەنجەباي ۇلى تولەباي — ۇزىن اققان ەسىلدىڭ بۇگىلىسىندەگى قاراۋىل، تاراقتى، باعانالى ەلدەرىندە ءقادىرلى ادام، قۇرمەتتى اقساقال. سول توكەڭنىڭ جالعىز بالاسى ءابدىلدا اتباسار جارمەڭكەسى كەزىندە جاي ءتۇسىپ، مەزگىلسىز قازاعا ۇشىرايدى.
ەل جاقسىلارى ءابدىلدانىڭ دەنەسىن اۋىلىنا اپارىپ، توكەڭنىڭ قايعىسىنا ورتاقتاسۋعا اتتانادى. بۇل توپ ورتا جولدان اسا بەرگەن كەزدە، توكەڭنىڭ تەتەلەس زامانداستارىنىڭ ءبىرى بەكتاس توپتان وزىپ، اۋىلعا بارادى. ول — بەلگىلى ابىگەر، ءىستىڭ الدى-ارتىن بولجاماي، ويىنا نە كەلسە سونى ىستەيتىن ۇردا-جىق ادام. سول مىنەزىنە سايكەس جۇرت ونى «ايعىرباي» دەپ اتايتىندى. سول وجارلىعىن وسى جولىندا دا كورسەتتى ول.
اۋىلداعىلار ونىڭ جامانات ايتقالى كەلە جاتقانىن بەي-بەرەكەت جۇرىسىنەن سەزگەندەي بولدى. اسىرەسە بايسالدى قارت توكەڭ ەرەكشە سەزىكتەنە قالدى. بەكتاس سۇرىنە-قابىنا ۇيگە كىرىپ، تورگە وتىرار-وتىرماستان:
— ۋا، تولەباي، توبەڭنەن جاي تۇسكەلى تۇر! — دەپ ءوزى سەزىكتەنىپ وتىرعان قارت اتانىڭ جۇرەگىن ودان ءارى تەبىرەنتتى. مەز- گىلسىز كەزدەسكەن اۋىر قازانى «ايعىرباي» اقساقال وسىلاي ەستىرتتى.
You Might Also Like
-
ورتا جاستان اسىپ، ساقال-شاشى بۋرىل تارتقان سەردالى لەپىرە سويلەپ، ءۇي تولى ادامدى ۇيىتىپ وتىر. سول ماقتان سوزدەرىنىڭ ىشىندە: «بەكتىباي شىڭىن دا كورگەنمىن!» دەپ داۋىسىن كوتەرىپ، قوقيلانىپ...
-
بۇرىنعى اتباسار ۋەزى تەرريتورياسىندا قارساقباي ايماعىنداعى قالىڭ نايمان ىشىندە قوقان اۋلەتىندە قۇدايمەندە دەيتىن عاني ادام بولىپتى. مول داۋلەتكە ماستانىپ، داندايسىعان ول اۋزىنا كەلگەنىن ايتىپ، لەپى...
